រាជធានីភ្នំពេញ ៖ បុរសជាជនជាតិវៀតណាមម្នាក់ ដែលគេគ្រប់គ្នាធ្លាប់ដឹងថាជាមនុស្សប្រើប្រាស់គ្រឿងញៀន និងកំពុងតែមានអាការបែកថ្នាំយ៉ាងខ្លាំង ត្រូវបានកម្លាំងនគរបាលប៉ុស្តិ៍ទន្លេបាសាក់ចាប់ឃាត់ខ្លូន និងធ្វើការបញ្ជូនទៅកាន់មន្ទីរសង្គមកិច្ចផងដែរ ក្រោយពីរូបគេ មិនដឹងជាមកពីទីណា បានដើរមកចាប់ពរក្មេងស្រីអាយុទើបតែ១ខួប…
រាជធានីភ្នំពេញ ៖ បុរសជាជនជាតិវៀតណាមម្នាក់ ដែលគេគ្រប់គ្នាធ្លាប់ដឹងថាជាមនុស្សប្រើប្រាស់គ្រឿងញៀន និងកំពុងតែមានអាការបែកថ្នាំយ៉ាងខ្លាំង ត្រូវបានកម្លាំងនគរបាលប៉ុស្តិ៍ទន្លេបាសាក់ចាប់ឃាត់ខ្លូន និងធ្វើការបញ្ជូនទៅកាន់មន្ទីរសង្គមកិច្ចផងដែរ ក្រោយពីរូបគេ មិនដឹងជាមកពីទីណា បានដើរមកចាប់ពរក្មេងស្រីអាយុទើបតែ១ខួប ធ្វើឱ្យឪពុកម្នាយរបស់ក្មេងស្រីម្នាក់នោះ មានការព្រួយបារម្ភ និងសុំអង្វរអស់រយៈពេលជាយូរ ទើបបានព្រមប្រគល់កូនឲ្យមកវិញ ។ ហេតុការនេះបានកើតឡើងកាលពីវេលាម៉ោង១១និង៣០នាទីព្រឹក ថ្ងៃទី០២ ខែមករា ឆ្នាំ២០១៨ នៅចំណុចខាង មុខផ្ទះគ្មាលេខ ច្រកឌឿងហែម ផ្លូវព្រះនរោត្តម ភូមិ១៦ (ផ្សាររន្ទះបាញ់) ក្នុងសង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីនគរបាលបានប្រាប់ឱ្យដឹងថា បុរសដែលបានចាប់ឃាត់ខ្លួនមានឈ្មោះ ដាវ គឹមហ្វុង ហៅអាផុង អាយុ៣៤ឆ្នាំ មុខរបរ និងទីលំនៅមិនពិប្រាកដ ។ មុនពេលកើតហេតុ ក្មេងស្រីដែលមានអាយុទើបតែជាង១ខួបម្នាក់ បានដើរលេងនៅខាងមុខផ្ទះរបស់គេសុខៗ ក៏ស្រាប់តែបុរសជាជនជាតិវៀតណាមម្នាក់ខាងលើ ដែលមានអាការបែកថ្នាំយ៉ាងខ្លាំងនោះ មិនដឹងជាមកពីទីណាទេ ក៏ស្រាប់តែមកចាប់ក្មេងស្រីម្នាក់នោះ យកទៅលើកពរ ពេលដែលឃើញបែបនោះ ធ្វើឲ្យឪពុកម្តាយរបស់គេបានឃើញ និងមានការភ័យខ្លាចយ៉ាងខ្លាំងក្រែងបុរសរូបនោះយកទៅធ្វើអ្វីផ្ដេសផ្ដាស ។
តាមប្រភពដដែលក៏បានប្រាប់បន្តទៀតថា ពេលនោះពួកគាត់ទាំងពីនាក់ រួមទាំងអ្នកជិតខាង បាននាំគ្នាអង្វរសុំយកក្មេងស្រីម្នាក់នោះមកវិញ តែរូបគេមិនព្រមឲ្យដោយរករឿង និងចង់វាយថែមទៀត រហូតដល់អស់រយៈពេលជាយូរ ទើបព្រមប្រគល់ឲ្យទៅឪពុកម្តាយគេវិញ ។
ក្រោយពីមានបុរសម្នាក់មកចាប់ពរក្មេងស្រីអាយុជាង១ខួបខាងលើ ធ្វើឲ្យមានការភ្ញាក់ផ្អើលយ៉ាងខ្លាំង ហើយក៏ត្រូវកម្លាំងប្រជាការពារ និងប្រជាពលរដ្ឋនាំគ្នាចាប់ខ្លួនបុរសជាជនជាតិវៀតណាមបែកថ្នាំខាងលើ និងកន្លងមកក៏តែងតែធ្វើការអុកឡុកប្រជាពលរដ្ឋនៅក្នុងមូលដ្ឋានផងដែរ និងយកមកប្រគល់ឲ្យកម្លាំងមានសម្ថកិច្ចតែម្តង ។
ក្រោយពេលកើតហេតុ បុរសជនជាតិវៀតណាមម្នាក់ខាងលើ ត្រូវបានធ្វើការចាប់ឃាត់ខ្លូនយកមកកាន់នគរបាលប៉ុស្តិ៍ទន្លេបាសាក់ ដោយសារតែរូបជាមនុស្សញៀនថ្នាំ និងកំពុងតែមានអាការបែកថ្នាំយ៉ាងខ្លាំងនោះ កម្លាំងមានសម្ថកិច្ចក៏សម្រេចចាប់បញ្ជូនយកទៅកាន់មន្ទីរសង្គមកិច្ចរាជធានីភ្នំពេញ ដើម្បីធ្វើចាត់ការបន្ត ៕
ចែករំលែកព័តមាននេះ