ការរីកសរសៃឈាមវ៉ែនមកពីហេតុអ្វី?
សរសៃឈាមវ៉ែនរីក មានន័យថាសរសៃវ៉ែនមានការរីកធំ និងប៉ោងឡើងនៅ សើៗស្បែក។ សរសៃទាំងនេះអាចរមួលចូលគ្នា និងច្រើនតែមានពណ៌ខៀវ ឬស្វាយចាស់។ សរសៃឈាមវ៉ែនរីកច្រើនតែឃើញ នៅលើជើង ឬកជើង…
សរសៃឈាមវ៉ែនរីក មានន័យថាសរសៃវ៉ែនមានការរីកធំ និងប៉ោងឡើងនៅ សើៗស្បែក។ សរសៃទាំងនេះអាចរមួលចូលគ្នា និងច្រើនតែមានពណ៌ខៀវ ឬស្វាយចាស់។
សរសៃឈាមវ៉ែនរីកច្រើនតែឃើញ នៅលើជើង ឬកជើង ប៉ុន្តែវាក៏អាចឃើញនៅលើគ្រលានដែរ ។ សរសៃឈាមវ៉ែនរីកធំដែលអ្នកមើលឃើញគឺនៅខាងក្រោម និងសើៗស្បែក។ វាក៏ច្រើនតែមានដែរ ដែលស្ថិតនៅក្នុងស្រទាប់ ជ្រៅៗ និងសរសៃឈាមវ៉ែនណាដែលធំៗ ហើយមើលមិនឃើញ ។ ជំងឺឫសដូងបាតគឺជាផ្នែកមួយនៃការរីកសរសៃឈាមវ៉ែនដែរ ។
តើការរីកសរសៃឈាមវ៉ែនបណ្តាលមកពីមូលហេតុអ្វី?
សរសៃវ៉ែនដែលនាំឈាមចូលទៅក្នុងបេះដូងវិញ ដែលអាចមានលំហូរម្តងហើយម្តងទៀតទៅក្នុងផ្នែកដែលទំនេរនៃរាងកាយរបស់អ្នកបាន។ វាក៏មានប្រើសនៅក្នុងសរសៃឈាមវ៉ែនដែរ ដែលសម្រាប់បើកឲ្យឈាមមានលំហូរទៅក្នុងបេះដូង ។ សម្រាប់មនុស្សមួយចំនួនដែលមានប្រើស(valves) ក្នុងសរសៃវ៉ែនលែងធ្វើការ ឬធ្វើការមិនបានល្អ វានឹងធ្វើឲ្យលំហូរឈាមក្នុងសរសៃវ៉ែនធ្លាក់មកវិញ និងមិនអាចចូលទៅក្នុងបេះដូងបានល្អទេ ។ (ហេតុការណ៍នេះច្រើនតែកើតឡើងដោយសារតែប្រើស សរសៃវ៉ែនមានការយឺត ទៅៗជាច្រើនឆ្នាំ ) បន្ទាប់មកឈាមនៅតែអណ្តែតនៅក្នុងសរសៃវ៉េន ដែលវាធ្វើឲ្យសរសៃនេះ រីកទៅៗ និង ធំទៅៗ ។
សរសៃវ៉ែនដែលនៅនឹងជើងច្រើនតែកើតមានការរីកធំ ជាងគេ ព្រោះសរសៃទាំងនោះមានទំនាញផ្ទុយនឹងទំនាញរបស់បេះដូង ។ នេះគឺជាមូលហេតុដែលមួយដែលការរីកធំនៃសរសៃឈាមវ៉ែនច្រើនតែរកឃើញនៅលើជើង ។
តើការរីកសរសៃឈាមវ៉ែនមានការឈឺចាប់ទេ?
ការរីកសរសៃឈាមវ៉ែនមានការឈឺចាប់ខ្លាំងណាស់ ។ អ្នកប្រហែលជាមានអារម្មណ៍ថាធ្ងន់ ឬអស់កម្លាំងនៅលើជើងរបស់អ្នក។ អ្នកក៏ប្រហែលជាមានការរីកប្រអប់ជើង កែងជើង និងជើងផ្នែកខាងក្រោមដែរ ដែលវាអាចផ្តល់ផលអាក្រក់ក្នុងសកម្មភាពប្រចាំថ្ងៃ ប៉ុន្តែវានឹងបាត់ទៅវិញនៅពេលយប់ ឬប្រសិនបើអ្នកលើកជើងឡើងលើខ្ពស់។
ការហើមប្រភេទនេះឲ្យឈ្មោះថា ការស្ទះសរសៃឈាមវ៉ែន ។ ពេលខ្លះស្បែករបស់អ្នកប្រហែលជាមានការរមាស់ ។ ក្នុងករណីធ្ងន់ ដំបៅ ឬកំណកឈាមប្រហែលជាអាចកើតមាន ។ ប្រសិនបើអ្នកចាប់ផ្តើមមានរោគសញ្ញាទាំងនេះ ចូរឲ្យគ្រូពេទ្យរបស់អ្នកដឹងភ្លាមទៅ ។
កត្តាប្រឈមមុខនៃការរីកសរសៃឈាមវ៉ែនមាន៖
• តំណពូជ ៖ កើតទាំងគ្រួសារ
• ភេទ ៖ មនុស្សស្រីច្រើនប្រឈមមុខជាងមនុស្សប្រុសក្នុងការរីកសរសៃឈាមវ៉ែន
• មានផ្ទៃពោះ ៖ បម្រែបម្រួលអ៊័រម៉ូន សម្ពាធពីស្បូន និងការកើនឡើងនូវចរន្តឈាមដែលធ្វើឲ្យមានការរីកធំនៃសរសៃវ៉ែនច្រើនតែមាននៅលើស្ត្រីមានផ្ទៃពោះ ។
• អាយុ ៖ ការប្រឈមមុខនឹងការរីកសរសៃឈាមវ៉ែនគឺនៅពេលដែលមានអាយុច្រើន ។ មនុស្សដែលមានអាយុលើសពី៥០ឆ្នាំមានការរីកសរសៃឈាមវ៉ែនលើសពី ៥០% ។
• ធាត់ពេក ៖ ការដែលមានទម្ងន់ធ្ងន់ពេកមានន័យថាជាការដាក់សម្ពាធបន្ថែមទៅលើសរសៃវ៉ែនរបស់អ្នក ។
• ការងារ ៖ ប្រសិនបើការងាររបស់អ្នកតម្រូវឲ្យអ្នកឈររយៈពេលយូរដោយគ្មានកម្រើកអ្វីសោះ អ្នកច្រើនតែអាចកើតមានការរីកសរសៃឈាមវ៉ែនហើយ ។
តើការរីកសរសៃឈាមវ៉ែនបង្កឲ្យមានកំណកឈាមប្រកបដោយគ្រោះថ្នាក់ដែរ ឬទេ?
ការរីកសរសៃឈាមវ៉ែនមិនធ្វើឲ្យមានការប្រឈមមុខខ្លាំងនឹងកំណកឈាមប្រកបទៅដោយគ្រោះថ្នាក់នោះទេ ។ កំណកឈាមទាំងនេះបង្កើតឡើងនៅក្នុងសរសៃឈាមវ៉ែនដែលនៅ ជ្រៅៗ ក្នុងជើង ឬដៃ ។ កំណកឈាមក៏អាចកើតក្នុងសរសៃឈាមវ៉ែនដែលរីកធំដែរ ប៉ុន្តែវាអាចព្យាបាលបានទេ តាមរយៈគ្រូពេទ្យប្រើទឹកក្តៅស្អំ ឬថ្នាំ ។
តើមធ្យោបាយព្យាបាលណាមួយដែលអាចធ្វើបាន?
មានរឿងជាច្រើនដែលអ្នកអាចធ្វើបាននៅតាមផ្ទះដើម្បីឲ្យមានការធូស្រាលនូវរោគសញ្ញារបស់ការរីកធំនៃសរសៃឈាមវ៉ែន៖
• សម្រកទម្ងន់ប្រសិនបើអ្នកធាត់ពេក
• ចៀសវាងការឈរយូរ
• លើកជើងរបស់អ្នកឡើងខណៈពេលកំពុងអង្គុយ ។ ប្រសិនជាអាចលើកជើងរបស់អ្នកឲ្យខ្ពស់ជាងបេះដូង
• ស្លៀកសម្លៀកបំពាក់ រលុងៗ
គ្រូពេទ្យប្រហែលជាណែនាំអោយអ្នកពាក់ស្រោមជើងដែល រឹបៗ ។ ស្រោមជើងទាំងនេះធ្វើឲ្យមានការរឹត ថ្នមៗ និងជាប់រហូតបាន។ ការធ្វើដូច្នេះនឹងជួយឲ្យឈាមដែលអណ្តែតក្នុងសរសៃវ៉ែននៅជើងហូរទៅបេះដូងបានល្អ និងកាត់បន្ថយនូវការហើមដោយសារការស្ទះសរសៃឈាមវ៉ែន នៅពេលកំពុងអង្គុយ ឬឈរ។ ស្រោមជើងដែល រឹបៗអាចរកទិញបាននៅក្នុងឱសថស្ថាន និងងហាងលក់បរិក្ខារពេទ្យ ។
ប្រសិនបើរោគសញ្ញារបស់អ្នកមិនបានទទួលនូវផលល្អក្នុងការអនុវត្តនៅផ្ទះ ឬប្រសិនបើមិនចូលចិត្តរបៀបនៃការព្យាបាលនៅផ្ទះទេ វានៅមានមធ្យោបាយព្យាបាលការរីកសរសៃឈាមវ៉ែនជាច្រើនប្រភេទទៀត។ ទាំងនេះរួមមាន ការវះកាត់ ការព្យាបាលដោយបាញ់កាំរស្មី និងការចាក់ថ្នាំ ។ គ្រូពេទ្យអាចណែនាំឲ្យអ្នកប្រើនូវជម្រើសណាមួយដែលសក្តិសមនឹងអ្នក៕
ចែករំលែកព័តមាននេះ