ខេត្តកណ្ដាល ៖ បុរសម្នាក់ត្រូវបាននគរបាលស្រុកស្អាងចាប់ខ្លួនបន្ទាប់ពីមានពាក្យបណ្ដឹងពីនារីម្នាក់បានប្ដឹងចោទថា បានធ្វើសកម្មភាពចាប់រំលោភនាង និងយកទូរស័ព្ទថតរូប (ស៊ែលហ្វី) និងគម្រាមដុតផ្ទះ និងសម្លាប់តែនាងបានរើបំរះរួចពីក្នុងបន្ទប់ទឹក កាលពីម៉ោង១០យប់ថ្ងៃទី២៩ ខែធ្នូ…
ខេត្តកណ្ដាល ៖ បុរសម្នាក់ត្រូវបាននគរបាលស្រុកស្អាងចាប់ខ្លួនបន្ទាប់ពីមានពាក្យបណ្ដឹងពីនារីម្នាក់បានប្ដឹងចោទថា បានធ្វើសកម្មភាពចាប់រំលោភនាង និងយកទូរស័ព្ទថតរូប (ស៊ែលហ្វី) និងគម្រាមដុតផ្ទះ និងសម្លាប់តែនាងបានរើបំរះរួចពីក្នុងបន្ទប់ទឹក កាលពីម៉ោង១០យប់ថ្ងៃទី២៩ ខែធ្នូ ឆ្នាំ២០១៧ នៅចំណុចបន្ទប់ទឹក ស្ថិតក្នុងភូមិព្រែកខ្មែរ ឃុំស្អាងភ្នំ ស្រុកស្អាង ខេត្តកណ្តាល ។
មន្ត្រីនគរបាលស្រុកស្អាងបានឱ្យដឹងថា ជនសង្ស័យដែលបានចាប់ខ្លួនឈ្មោះ វ៉ាន ម៉ាប់ ហៅគឿន ភេទប្រុស អាយុ២៥ឆ្នាំ មុខរបរលក់សាច់ជ្រូក មានប្រពន្ធមានកូន មានទីលំនៅភូមិដំរីឆ្លង ឃុំស្អាងភ្នំ ស្រុកស្អាង ខេត្តកណ្តាល ។ ចំណែកនារីរងគ្រោះឈ្មោះ ស.ច.ម.ត អាយុ២៥ឆ្នាំ មានប្ដីមានកូន មុខរបរកម្មការនីរោងចក្រកាត់ដេរ មានទីលំនៅស្រុកស្អាង ខេត្តកណ្តាល ។
នគរបាលបានឱ្យដឹងបន្ថែមថា នៅថ្ងៃកើតហេតុខាងលើនារីរងគ្រោះបានចូលបន្ទប់ទឹកនៅក្បែរផ្ទះដោយមិនទាន់បានបិទគន្លឹះទ្វារទេ ស្រាប់តែពេលនោះជនសង្ស័យបានស្ទុះចូលមកចាប់ឱបខ្ទប់មាត់ ដោយដៃម្ខាង និងដៃម្ខាងទៀតច្របាច់.ក និងបានយកអាវយឺតរបស់ខ្លួនដាក់លើស្មារជនរងគ្រោះ រួចនិយាយថា បើហ៊ានស្រែកសម្លាប់ហើយដុតផ្ទះចោល ។ ពេលនោះជនរងគ្រោះមិនហ៊ានស្រែកទេ ទើបជនសង្ស័យបានសើយរ៉ូបបម្រុងរំលោភសេពសន្ថវៈទាំងឈរ ប៉ុន្តែជនរងគ្រោះព្យាយាមរើបំរះដោយរំលោភមិនបានសម្រេចទេ ។
ពេលជាមួយគ្នានោះជនសង្ស័យបានយកទូរស័ព្ទរបស់ខ្លួនថតរូប(ស៊ែលហ្វី)ឱបជាមួយខ្លួនដែលជាជនរងគ្រោះ គ្រានោះជនរងគ្រោះបានរើរួចរត់ចេញមកក្រៅបន្ទប់ទឹក ហើយបានស្រែកឱ្យម្តាយបង្កើតជួយខ្លួន ។ ភ្លាមៗនោះជនសង្ស័យឈ្មោះ វ៉ាន ម៉ាប់ បានគេចខ្លួនពីកន្លែងកើតហេតុដោយបន្សល់ទុកនៅអាវយឺតមួយនៅទីនោះ ។
លុះនៅវេលាម៉ោង៩ព្រឹកថ្ងៃទី៣០ ខែធ្នូ ឆ្នាំ២០១៧ ទើបនារីរងគ្រោះប្តឹងទៅកាន់សមត្ថកិច្ចប៉ុស្ដិ៍ស្អាងភ្នំ ។ ក្រោយពេលទទួលបានពាក្យបណ្ដឹងខាងលើនគរបាលប៉ុស្ដិ៍ស្អាងភ្នំបាន ហៅជនសង្ស័យឈ្មោះ វ៉ាន ម៉ាប់ មកធ្វើការសាកសួរ ហើយនៅចំពោះមុខសមត្ថកិច្ចឈ្មោះ វ៉ាន ម៉ាប់ បានសារភាពថា ដោយសារខ្លួនមានសភាពស្រវឹងស្រាខ្លាំង ក៏បានចាប់ឱបថើបនារីរងគ្រោះនៅក្នុងបន្ទប់ទឹករួចថតរូបស៊ែលហ្វី និងបានបន្សល់ទុកអាវយឺតចំនួន១ពិតប្រាដកមែន ។ បច្ចុប្បន្នជនសង្ស័យបានឃាត់ខ្លួននៅអធិការដ្ឋាននគរបាលស្រុកស្អាង ដើម្បីបន្តកសាងសំណុំរឿងអនុវត្តតាមនីតិវិធី ៕
ចែករំលែកព័តមាននេះ