កម្រិតគ្រោះថ្នាក់ដែលកើតមានដោយសារចរន្តអគ្គិសនីឆក់ គឺវាអាស្រ័យទៅលើប្រភេទនៃចរន្ត, តើកម្លាំងជាវ៉ុលរបស់វាមានកម្រិតខ្ពស់ប៉ុនណា និងថាតើចរន្តទាំងនោះត្រូវបានឆ្លងកាត់ចូលទៅក្នុងខ្លួនជនរងគ្រោះដោយរបៀបណា,សុខភាពជាទូទៅរបស់ជនរងគ្រោះ និងថាតើជនរងគ្រោះឆាប់បានទទួលការសង្គ្រោះនិងព្យាបាលបានលឿនកម្រិតណា ។
ទាក់ទងភ្លាមទៅកាន់ភ្នាក់ងារសង្គ្រោះបន្ទាន់ប្រសិនបើមានសញ្ញាណ ឬរោគសញ្ញាណាមួយកើតឡើង ៖
•គាំងបេះដូង ។
•មានបញ្ហាជាមួយនឹងចង្វាក់បេះដូង ។
•មានការថមថយនូវការដកដង្ហើម ។
•សាច់ដុំមានការឈឺចាប់ និងមានការកន្ត្រាក់ ។
•រលាកនៅលើស្បែក ។
•ប្រកាច់ ។
•មានភាពស្ពឹក ឬឈឺចាក ់ឆៀបៗ ។
•បាត់បង់ស្មារតី ។
អនុវត្តនូវចំណុចខាងក្រោមនេះ ខណៈពេលដែលអ្នកកំពុងរង់ចាំជំនួយសង្គ្រោះផ្នែកវេជ្ជសាស្ត្រ ៖
•អ្នកត្រូវមើលជនរងគ្រោះជាមុនសិន ដោយមិនត្រូវប៉ះគេ ភ្លាមៗនោះទេ ។ ជនរងគ្រោះ អាចនឹងនៅមានផ្ទុកចរន្តអគ្គិសនីក្នុងខ្លួននៅឡើយ ។ ការប៉ះជនរងគ្រោះអាចធ្វើឲ្យចរន្តភ្លើងឆ្លងមកកាន់អ្នក ។
•កាត់ផា្តច់ប្រភពនៃចរន្តអគ្គិសនី ប្រសិនបើអាចធ្វើបាន ។ តែប្រសិនបើមិនអាចយកនូវប្រភពនោះចេញឲ្យឆ្ងាយពីអ្នក និងជនរងគ្រោះ ដោយប្រើវត្ថុស្ងួត និងមិនចម្លងចរន្តភ្លើងមកកាន់អ្នកដូចជាដំបងឈើជាដើម ។
•ពិនិត្យរកសញ្ញានៃការធ្វើចលនារបស់ជនរងគ្រោះ (ដូចជា ការដកដង្ហើម, ការក្អក ឬការបន្លាស់ទី) ។ ប្រសិនបើមិនមាននូវសញ្ញាទាំងនេះទេនោះអ្នកត្រូវសង្គ្រោះចលនាបេះដូងឲ្យបានជាបន្ទាន់ ។
•ការពារសភាពស្ហុក ។ ប្រសិនបើអាចដាក់ជនរងគ្រោះឲ្យដេក ដោយដាក់ក្បាលជនរងគ្រោះឲ្យទាបជាងខ្លួនគេបន្តិច និងដាក់កល់ជើងឲ្យខ្ពស់ ។
បន្ទាប់ពីមានការប៉ះពាល់ជាមួយនឹងចរន្តអគ្គិសនីនោះ ជនរងគ្រោះគប្បីទៅឲ្យគ្រូពេទ្យពិនិត្យរកមើលពីការរងរបួសផ្នែកខាងក្នុង បើទោះបីជាពួកគេមិនមានសញ្ញាណ ឬរោគសញ្ញាអ្វីស្តែងចេញមកក៏ដោយ ។
ការប្រុងប្រយ័ត្ន
•អ្នកមិនត្រូវប៉ះជនរងគ្រោះដោយដៃទទេនោះទេ ប្រសិនបើពួកគេនៅមានផ្ទុកចរន្តអគ្គិសនី នៅក្នុងខ្លួននៅឡើយ ។
•មិនត្រូវនៅជិតខ្សែភ្លើងដែលមានកម្រិតវ៉ុលខ្ពស់ រហូតដល់ថាមពលចរន្តត្រូវបានកាត់ផ្តាច់ ។ ស្ថិតនៅយ៉ាងហោចណាស់ឲ្យបាន២០ហ្វ៊ីតឲ្យឆ្ងាយពីខ្សែភ្លើង ប្រសិនបើវានៅលោត និងបញ្ចេញផ្កាភ្លើង ។
•មិនត្រូវផ្លាស់ប្តូរទីតាំងរបស់ជនរងគ្រោះ ដោយសារការឆក់ចរន្តអគ្គិសនីទេ លុះត្រាតែពួកគេស្ថិតនៅក្នុងសភាពគ្រោះថ្នាក់ភ្លាម ៕
ចែករំលែកព័តមាននេះ