ជំងឺគ្រុនពោះវៀនជាជំងឺដែលបង្កឡើងដោយមេរោគម៉្យាងឈ្មោះសែលម៉ូណែឡាទីហ្វី វាចូលក្នុងឈាមចាប់សាយមេរោគពីប្រព័ន្ធកោសិកាទៅក្នុងពោះវៀន ហើយការចម្លងរោគអាចជាការចម្លងផ្ទាល់(ដៃកខ្វក់) ឬចម្លងដោយប្រយោល(អាហារមិនស្អាត) ។
រហូតមកដល់ពេលនេះបញ្ហាសុខភាពរបស់ប្រជាជនកម្ពុជានៅតែចោទជាបញ្ហានៅឡើយ ។ ដោយសារតែការយល់ដឹងពីសុខភាព
ជំងឺគ្រុនពោះវៀនជាជំងឺដែលបង្កឡើងដោយមេរោគម៉្យាងឈ្មោះសែលម៉ូណែឡាទីហ្វី វាចូលក្នុងឈាមចាប់សាយមេរោគពីប្រព័ន្ធកោសិកាទៅក្នុងពោះវៀន ហើយការចម្លងរោគអាចជាការចម្លងផ្ទាល់(ដៃកខ្វក់) ឬចម្លងដោយប្រយោល(អាហារមិនស្អាត) ។
រហូតមកដល់ពេលនេះបញ្ហាសុខភាពរបស់ប្រជាជនកម្ពុជានៅតែចោទជាបញ្ហានៅឡើយ ។ ដោយសារតែការយល់ដឹងពីសុខភាពរបស់ប្រជាជននៅមានកម្រិត ទាំងផ្នែកអនាម័យ អ្នកផលិត និងអ្នកប្រើប្រាស់ ដែលនេះជាបញ្ហាចម្បងដែលបណ្តាលឱ្យកើតជំងឺផ្សេងៗ ។
លោកវេជ្ជបណ្ឌិតនុត សម្បត្តិ ឯកទេសខាងជំងឺគ្រុនពោះវៀន និងជាប្រធានផ្នែកបរិស្ថានធម្មជាតិ និងជីវវិទ្យានៃរាជបណ្ឌិត្យសភាកម្ពុជាបានប្រាប់ឱ្យដឹងកាលពីថ្ងៃទី១៧ វិច្ឆិកា ២០១២ ថា ជំងឺគ្រុនពោះវៀនជាជំងឺឆ្លងដែលបង្កឡើងដោយមេរោគម៉្យាងឈ្មោះសែលម៉ូណែឡាទីហ្វី វាចម្លងពីអ្នកជំងឺម្នាក់ទៅម្នាក់តាមរយៈលាមក និងទឹកមិនស្អាត ។
ជំងឺនេះគេសង្កេតឃើញមានមេរោគ២ដែលបង្កឱ្យកើតមានឡើង៖
១- ដោយមេរោគម៉្យាងឈ្មោះសែលម៉ូណែឡាទីហ្វី វាជាជំងឺគ្រុនពោះវៀនចំតែម្តង(គ្រុនពោះវៀនមែនទែន) ។
២- បង្កឡើងដោយមេរោគម៉្យាងឈ្មោះសែលម៉ូណែឡាប៉ារ៉ាទីហ្វី វាមានរោគសញ្ញាប្រហាក់ប្រហែលគ្នានឹងជំងឺគ្រុនពោះវៀនមែនទែនដែរ ។
លោកវេជ្ជបណ្ឌិតឱ្យដឹងទៀតថា ចំពោះរោគសញ្ញាវាផ្អែកទៅតាមសណ្ឋានពេលអ្នកជំងឺមានរោគសញ្ញាគ្រប់គ្រាន់ចម្លងគេហៅថា អាំងហ្វិចស្យុង ។ អ្នកជំងឺមានអាការគ្រុនក្តៅខ្លាំងរហូតដល់៣៩ ទៅ៤០អង្សា ឈឺក្បាល ញ៉ាំបាយមិនបាន អស់កម្លាំង រាគ ទល់លាមក ឈឺក្នុងពោះ ឆ្អល់ពោះ និងមានអាការដូចជាផ្លូវរំលាយអាហារមិនប្រក្រតី នេះជារោគសញ្ញាច្បាស់លាស់ ។ ប៉ុន្តែមានរោគសញ្ញាខ្លះវាមិនច្បាស់លាស់ដូចជាឈឺក្បាលតិចតួច ហូបមិនឆ្ងាញ់ អស់កម្លាំង ល្ហិតល្ហៃ តែវាមានរោគសញ្ញាទាក់ទងនឹងផ្លូវរំលាយអាហារច្រើនដូចជាទល់លាមក រាគ នេះជារោគសញ្ញាដែលមិនសូវធ្ងន់ធ្ងរខ្លាំងក្លា តែគេច្រើនជួបញឹកញាប់ ។
តាមសម្តីស្ត្រីឈ្មោះយឹម កញ្ញា ជាអាជីវករស្នាក់នៅក្នុងសង្កាត់ចតុមុខ ខណ្ឌដូនពេញ ឱ្យដឹងថា គាត់កើតជំងឺគ្រុនពោះវៀនប្រហែលជា២ឆ្នាំ មុនដំបូងគឺក្តៅខ្លួនខ្លាំង រងារញ័រញាក់៣ទៅ៤ថ្ងៃ អណ្តាតឡើងស តែក្រោយទទួលការព្យាបាលពីគ្រូពេទ្យមួយសប្តាហ៍ឃើញថាល្អប្រសើរច្រើន ។ គាត់បន្តថា មូលហេតុកើតមានជំងឺនេះមកពីញ៉ាំរបស់មិនស្អាត មិនបានលាងសម្អាត ឬចម្អិនឱ្យបានល្អ ។ ដូចនេះចៀសវាងការកើតជំងឺផ្សេងៗត្រូវចេះអនាម័យខ្លួនប្រាណឱ្យបានស្អាតជានិច្ច ៕
ចែករំលែកព័តមាននេះ