អន្តោប្រវេសន៍ ៖ ក្នុងឱកាសនៃទិវាអន្តោប្រវេសន៍អន្តរជាតិ អ.ស.ប រាយការណ៍កាលពីថ្ងៃទី១៨ ធ្នូ ថា ចំនួនជនអន្តោប្រវេសន៍លើពិភពលោកឡើងដល់២៥៨លាននាក់ ជាតួលេខមួយដែលមានការកើនឡើងដល់ពាក់កណ្តាលតាំងពីដើមសតវត្សទី២១នេះមក។ ក្នុងរបាយការណ៍មួយស្តីពីការអភិវឌ្ឍន៍…
អន្តោប្រវេសន៍ ៖ ក្នុងឱកាសនៃទិវាអន្តោប្រវេសន៍អន្តរជាតិ អ.ស.ប រាយការណ៍កាលពីថ្ងៃទី១៨ ធ្នូ ថា ចំនួនជនអន្តោប្រវេសន៍លើពិភពលោកឡើងដល់២៥៨លាននាក់ ជាតួលេខមួយដែលមានការកើនឡើងដល់ពាក់កណ្តាលតាំងពីដើមសតវត្សទី២១នេះមក។
ក្នុងរបាយការណ៍មួយស្តីពីការអភិវឌ្ឍន៍ និងនិន្នាការអន្តោប្រវេសន៍ អ.ស.ប គូសបញ្ជាក់ថា ពួកអន្តោប្រវេសន៍ជាមនុស្សដែលរស់នៅក្នុងប្រទេសមួយទៀត ក្រៅពីប្រទេសកំណើតតំណាងឱ្យ៣,៤%នៃប្រជាជនពិភពលោក ។
របាយការណ៍បញ្ជាក់ថា បើគិតជាមធ្យមមនុស្សម្នាក់ក្នុងចំណោមមនុស្ស១០នាក់ជាជនភៀសខ្លួន ឬជាអ្នកសុំសិទ្ធិជ្រកកោន ។ ពួកអន្តោប្រវេសន៍បានរួមចំណែកដល់៤២%នៃកំណើនប្រជាជននៅអាមេរិកខាងជើងរវាងពីឆ្នាំ២០០០ទៅ២០១៥ រួចបើគ្មានអន្តោប្រវេសន៍ ចំនួនប្រជាជននៅអឺរ៉ុបអាចចុះថយក្នុងដំណាក់កាលដូចគ្នានេះ ។
សហរដ្ឋអាមេរិកជាប្រទេសដែលទទួលជនអន្តោប្រវេសន៍ច្រើនជាងគេដល់ជិត៥០លាននាក់ ចំណែកអារ៉ាប៊ី សាអ៊ូឌីត អាល្លឺម៉ង់ និងរុស្ស៊ីប្រទេសនីមួយៗមានជនអន្តោប្រវេសន៍ប្រមាណជា១២លាននាក់ ។
យោងតាមរបាយការណ៍នេះអាស៊ីជាទ្វីបដែលបញ្ចេញជនអន្តោប្រវេសន៍ច្រើនជាងគេបំផុតដល់១០៦លាននាក់ ដោយប្រទេសឥណ្ឌាតែមួយបញ្ចេញជនអន្តោប្រវេសន៍ដល់១៧លាននាក់ ៕
ចែករំលែកព័តមាននេះ