ប្រទេសហ្វ៊ីលីពីន ៖ អាជ្ញាធររាយការណ៍កាលពីថ្ងៃទី១៧ ធ្នូ ថា មនុស្សយ៉ាងតិច២៦នាក់ស្លាប់នៅហ្វ៊ីលីពីន ដោយសារការបាក់ដីបណ្តាលមកពីភ្លៀងធ្លាក់ខ្លាំង ព្រោះព្យុះត្រូពីកាល់ឈ្មោះ KAI TAK…
ប្រទេសហ្វ៊ីលីពីន ៖ អាជ្ញាធររាយការណ៍កាលពីថ្ងៃទី១៧ ធ្នូ ថា មនុស្សយ៉ាងតិច២៦នាក់ស្លាប់នៅហ្វ៊ីលីពីន ដោយសារការបាក់ដីបណ្តាលមកពីភ្លៀងធ្លាក់ខ្លាំង ព្រោះព្យុះត្រូពីកាល់ឈ្មោះ KAI TAK ។
ព្យុះនេះវាយប្រហារជាពិសេសកាលពីថ្ងៃទី១៦ ធ្នូ លើផ្នែកខាងកើតហ្វ៊ីលីពីនដោយបង្ខំមនុស្សជិត៨៨.០០០នាក់ឱ្យជម្លៀសចេញ ។ លោក SOFRONIO DACILLO អ្នកទទួលខុសត្រូវផ្នែកគ្រប់គ្រងគ្រោះមហន្តរាយខេត្តថ្លែងប្រាប់ AFP ថា សរុបមនុស្ស២៦នាក់ស្លាប់ដោយសារការបាក់ដីនៅក្នុងទីក្រុង៤នៃកោះ BILARAN ស្ថិតនៅក្បែរកោះធំ SAMAR និង LEYTE ។
ចំណែកលោក GERARDO ESPINA អភិបាលកោះ BILARA អះអាងតាមទូរទស្សន៍ ABS-CBN ពីមនុស្សស្លាប់២៦នាក់ ហើយមនុស្ស២៣នាក់ទៀតបាត់ខ្លួន ។
ប្រធានាធិបតីហ្វ៊ីលីពីន លោក RODRIGO DUTERTE ប្រកាសពីចេតនារបស់លោកទៅ
កាន់តំបន់រងគ្រោះនាពេលឆាប់ៗខាងមុខនេះ ។
កាលពីថ្ងៃទី១៧ ធ្នូ ព្យុះ KAI TAK បានបាត់បង់កម្លាំងរបស់ខ្លួនក្លាយជាវិសម្ពាធត្រូពីកាល់មួយ ក៏ប៉ុន្តែអាជ្ញាធរបានព្រមានពីលទ្ធភាពនៃគ្រោះទឹកជំនន់ និងការបាក់ដី ។
យោងតាមទីភ្នាក់ងារជាតិគ្រប់គ្រងគ្រោះមហន្តរាយថា បណ្តាញអគ្គិសនីត្រូវដាច់ក្នុង
មូលដ្ឋាន៣៩នៃកោះ LEYTE និងកោះ SAMAR ។ ស្ពាន និងផ្លូវថ្នល់ទាំងឡាយរងការខូចខាត ។ អ្នកដំណើរប្រមាណជា១៥.០០០នាក់ ត្រូវជាប់គាំងខកដំណើរ ព្រោះសេវាកម្មនាវាដឹកអ្នកដំណើរនៅតែផ្អាកក្នុងផ្នែកមួយនៃតំបន់នោះ ។
កោះ SAMAR និងកោះ LEYTE កាលពីឆ្នាំ២០១៣ ធ្លាប់រងគ្រោះធ្ងន់បំផុត ដោយសារមហាព្យុះទីហ្វុងឈ្មោះ HAIYAN ដែលបណ្តាលឱ្យមនុស្សស្លាប់ និងបាត់ខ្លួនដល់ជាង៧.៣៥០នាក់ ៕
ចែករំលែកព័តមាននេះ