ខេត្តសៀមរាប ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍ទៅកាន់ព្រះសង្ឃ និងជនរួមជាតិទូទាំងប្រទេសឱ្យបានជ្រាបថា ចំពោះព្រះមហាក្សត្រដែលយាងចូលទិវង្គតនៅព្រះរាជាណាចក្រកម្ពុជា មហាក្សត្រមានព្រះនាមបី រហូតយាងចូលទិវង្គត ព្រះនាមទី១ ព្រះនាមកំណើត ព្រះនាមទី២ គឺព្រះនាមឡើងគ្រងរាជ្យ និងព្រះនាមទី៣ គឺព្រះនាមយាងចូលទិវង្គត ។ ឥឡូវព្រះនាមរបស់ព្រះករុណាព្រះបរមសព ព្រះមហាវីរក្សត្រ មានព្រះនាម «ព្រះបរមរតនៈកោដ្ឋ» ។
សម្តេចតេជោនាយករដ្ឋមន្ត្រី ហ៊ុន សែន បានមានប្រសាសន៍បែបនេះ នាព្រឹកថ្ងៃទី១២ វិច្ឆិកា ២០១២ ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីប្រគល់ប័ណ្ណកម្មសិទ្ធិដីធ្លីជូនប្រជាពលរដ្ឋចំនួន១.១៧៨គ្រួសារ ស្មើនឹង១.២២២ប័ណ្ណលើផ្ទៃដី សរុប១.២២៣,៥ហិកតា នៅក្នុងភូមិត្បែងលិច ឃុំត្បែង និងភូមិខ្នាររង្វាស ឃុំឃុនរាម ស្រុកបន្ទាយស្រី ខេត្តសៀមរាប ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ