សម្ពោធ​សមិទ្ធផល​នានា​ក្នុង​វត្ត រលំ​ជ្រៃ​ស្រុក​ថ្មពួក


ខេត្តបន្ទាយមានជ័យ ៖ ស្រះ​ទឹក​មួយ​កន្លែង​ក្បែរ​ព្រះ​វិហារ និង​មហា​កុ​ដ​ព្រះ​អង្គ​ធំ​ក្នុង​វត្ត​ប្រាសាទរលំ​ជ្រៃ ឃុំ​ភូមិ​ថ្មី ស្រុក​ថ្ម​ពូក​ខេត្តបន្ទាយមានជ័យ នៅ​ចុង​ស​ប្តា​ហ៍​ម្សិលមិញ​នេះ ត្រូ​វា​បាន​ធ្វើ​ពិធី​សម្ពោធ ក្រោម​អធិបតីភាព លោក ឈើ​យ ចាន់​ណា អភិបាលរង​ខេត្តបន្ទាយមានជ័យ​តំណាង ឯកឧត្តម កែ គឹ​ម​យ៉ា​ន ឧបនាយករដ្ឋមន្ដ្រី​ប្រធាន​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន​។ ព្រះ​គ្រូ​កិត្តិ​ប​ណ្ដិ​តោ ហី សុ​ផា​លី​ន ព្រះ​អនុគណ​ស្រុក​ថ្មពួក និង​ជា​ព្រះ​គ្រូ​ចៅអធិការ​វត្ត​ប្រសាទ​រលំ​ជ្រៃ មាន​សង្ឃដីកា​ថា វត្ត​ប្រាសាទរលំ​ជ្រៃ​បានក​កើតឡើង​ក្នុង​ពុទ្ធសករាជ​១៨១៩​។ ពិសេស​ជាង​នេះ​ទៅ​ទៀត វត្ត​ប្រាសាទរលំ​ជ្រៃ​នេះ​មាន​ព្រះ​ពុទ្ធរូប​បុរាណ​មួយ​ព្រះ​អង្គ​ត្រូវ​បាន​ប្រជាពលរដ្ឋ​ពុទ្ធបរិស័ទ​ហៅ​ឈ្មោះ​បាន​ច្រើន​យ៉ាងដូច​ជា លោក​ឪ​ធំ ព្រះ​អង្គ​ធំ ព្រះ​អង្គ​ខ្មៅ ព្រះ​អង្គ​ផុស និង​ព្រះ​អង្គ​សំ​រិ​ទ្ធ​ជាដើម​។

អ្វី​ដែល​ប្រជាពលរដ្ឋ​ពុទ្ធបរិស័ទ​បាន​ប្រសិទ្ធ​នាម​ព្រះ​អង្គ​បាន​ច្រើន​យ៉ាង​បែប​នេះ ព្រោះ​ព្រះ​អង្គ​មាន​តេជះ​បារមី អានុភាព ពូកែ ស័ក្តិ​សិទ្ធ​ប្រាថ្នា​បួងសួង​សុំ​អ្វីមួយ​បាន​ដូច​សេចក្ដី​ប្រាថ្នា ពិសេស​នោះ ព្រះ​អង្គ​ធំ​បុរាណ​អង្គ​នេះ នៅ​សល់​តែ​មួយ​គត់​នៅ​ប្រទេស​កម្ពុជា​យើង​។ ព្រះ​គ្រូ​ចៅអធិការ​វត្ត ហី សុ​ផា​លី​ន មាន​សង្ឃដីកា​បន្ដ​ថា រាល់​សមិទ្ធផល​ទាំងអស់​ដែល​បានក​កើតឡើង​នៅ​នៅ​វត្ត​នេះ​គឺ​បាន​មក​ពី​ការ​ចូលរួម​ជា​សទ្ធា​ជ្រះថ្លា​ពី​សំណាក់ ឯកឧត្តម លោក​ជំទាវ អស់លោក លោកស្រី លោក​ឧកញ៉ា ប្រជា​ពុទ្ធបរិស័ទ ជិត​ឆ្ងាយ​បាន​ចំណាយ​ទ្រព្យធន​ផ្ទាល់ខ្លួន ដើម្បី​ចូលរួម​ចំណែក​ក្នុង​វិស័យ​ព្រះពុទ្ធ​សាសនា​ដើម្បី​ប្រគេន​ដល់​ព្រះសង្ឃ​។ ប្រជាពលរដ្ឋ​ប្រើប្រាស់​ដូច​ជា មហា​កុដិ​សម្រាប់​តម្កល់​ព្រះពុទ្ធ​រូបអង្គ​ធំ​ត្រូវ​ចំណាយ​ទឹកប្រាក់ ២.៨០០​ដុល្លារ ប្រាក់​បាត​ចំនួន​១៥២.០០០​បាត និង ១១​លាន​រៀល រីឯ​ស្រះ​ទឹក​សរុប​ថវិកា​ចំនួន ៥៣.៨២៦​ដុល្លារ​។

ហើយ​ព្រះ​តេជគុណ​នឹង​មាន​សង្ឃឹម និង​ទំនុកចិត្ត​លើ ឯកឧត្តម លោក​ជំទាវ អស់លោក លោកស្រី និង​សប្បុរសជន ទាំងអស់ បាន​បន្ដ​ជួយ​កសាង​សមិទ្ធផល​នានា មាន​ស្រះ​ទឹក ព្រះ​វិហារ​ថ្មី ដោយ​ទឹកចិត្ត​សទ្ធា​ជ្រះថ្លា​មិន​រុញ​រា​ឡើយ​។ ថ្លែង​នា​ឱកាស​នោះ លោក ឈើ​យ ចាន់​ណា អភិបាលរង​ខេត្ត​មាន​ប្រសាសន៍​ថា រាជរ​ដ្ឋា​ភិ បាល និង​ព្រះពុទ្ធ​សាសនិក​ទាំងអស់​នៅ​តែ​បន្ដ​ការពារ និង​គោរព​លើក​ស្ទួយ​ព្រះពុទ្ធ​សាសនា​ជា​ដរាប​ដោយ​ធ្វើ​យ៉ាងណា​ឲ្យ​អស់កម្លាំង​ដ៏​មាន​ឥទ្ធិពល​នៃ​ព្រះពុទ្ធ​សាសនា​បន្ដ​ស្ថិត​នៅ និង​ជ្រួតជ្រាប​ក្នុង​ក្រ​ឱ​បេះដូង​នៃ​ប្រជាជន​ខ្មែរ និង​ស្ថិតស្ថេរ​គង់វង្ស​ស្រប​តាម​បាវចនា ជាតិ សាសនា ព្រះមហាក្សត្រ​។ ជា​កិច្ច​ចុង​ក្រោយ លោក ឈើ​យ ចាន់​ណា ក៏​បាន​ធ្វើការ​ផ្ដាំផ្ញើ​ដល់​ប្រជា​ពុទ្ធបរិស័ទ​ចំណុះ​ជើងវត្ត​ចូលរួម​ថែរក្សា​នូវ​សមិទ្ធផល ទាំងអស់​ដែល​បាន​កើតឡើង សម្អាត​បរិស្ថាន អនាម័យ បន្ដ​ការ​ដោះស្រាយ​អធិការ​ណ៍​ក្នុង​ពុទ្ធសាសនា ត្រូវ​ផ្អែក​លើ​ព្រះសង្ឃ​ប្រកាស និង​លិខិត​បទដ្ឋាន​ពាក់ព័ន្ធ ចៀសវាង​ការ​ប្រើ​ឥទ្ធិពល​ណាមួយ​មិន​សម​ស្រប​ធ្វើ​ឲ្យ​បាត់បង់​ក្រមសីលធម៌ ចូលរួម​អប់រំ​ផ្សព្វផ្សាយ ទប់ស្កាត់​អំពើ​ហិង្សា ក្នុង​គ្រួសារ លើ​ស្ដ្រី​និង​កុមារ​៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

វប្ប​​​ធម៌

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ