ខេត្តកំពត ៖ បុរសម្នាក់បានជិះម៉ូតូម៉ាក់វេវតែម្នាក់ឯងក្នុងទិសដៅពីលិចទៅកើតហើយទៅបុកគូទរថយន្តពីក្រោយបណ្ដាលឱ្យស្លាប់ភ្លាមៗនៅនឹងកន្លែង ។ កាលពីវេលាម៉ោង៨យប់ថ្ងៃទី១០ ខែធ្នូ ឆ្នាំ២០១៧ នៅលើកំណាត់ផ្លូវលេខ៣៣ត្រង់ចំណុចភូមិត្រពាំងធំ ឃុំត្រពាំងសង្កែ ស្រុកទឹកឈូ…
ខេត្តកំពត ៖ បុរសម្នាក់បានជិះម៉ូតូម៉ាក់វេវតែម្នាក់ឯងក្នុងទិសដៅពីលិចទៅកើតហើយទៅបុកគូទរថយន្តពីក្រោយបណ្ដាលឱ្យស្លាប់ភ្លាមៗនៅនឹងកន្លែង ។ កាលពីវេលាម៉ោង៨យប់ថ្ងៃទី១០ ខែធ្នូ ឆ្នាំ២០១៧ នៅលើកំណាត់ផ្លូវលេខ៣៣ត្រង់ចំណុចភូមិត្រពាំងធំ ឃុំត្រពាំងសង្កែ ស្រុកទឹកឈូ ខេត្តកំពត ។ ទោះបីជាមានគ្រោះថ្នាក់រហូតដល់បាត់បង់ជីវិតយ៉ាងនេះក៏ដោយនគរបាលសណ្ដាប់ធ្នាប់ស្រុកទឹកឈូបានត្រឹមតែមកយាមសពព្រោះរថយន្តដែលឈប់នៅស្ងៀមក៏បើកទៅបាត់ រីឯសពក៏មិនទាន់ដឹងអត្តសញ្ញាណ ។ លុះព្រឹកឡើងម៉ោង៩ថ្ងៃទី១១ ខែធ្នូ ទើបស្ត្រីប្រពន្ធជនរងគ្រោះមកដល់ ។
នគរបាលស្រុកទឹកឈូបាននិយាយថា បុរសរងគ្រោះឈ្មោះ ពុត សំអឿន អាយុ៣៦ឆ្នាំ នៅភូមិថ្មី សង្កាត់ព្រៃធំ ក្រុងកែប ។ នគរបាលបាននិយាយប្រាប់ឱ្យដឹងថា ជនរងគ្រោះបានជិះម៉ូតូបុកគូទរថយន្តពីក្រោយតាមការអះអាងពីពលរដ្ឋថា អ្នកបើកឡានបានបើកពីលិចទៅកើតហើយរថយន្តបានឈប់បត់ជើងតូចស្រាប់អ្នកជិះម៉ូតូជិះពីលិចទៅកើតទៅគូទរថយន្តពីក្រោយបណ្ដាលឱ្យបែកក្បាលស្លាប់នឹងកន្លែង ។
បើតាមប្រភពពីស្ត្រីជាប្រពន្ធជនរងគ្រោះបាននិយាយប្រាប់ថា គាត់អត់មានលុយដឹកសពប្ដីយកទៅធ្វើបុណ្យទេចាំដឹកគោយន្តបងប្អូនលុះម៉ោង១១ថ្ងៃទី១១ ខែធ្នូ ទើបគោយន្តមកដល់ ។ ស្ត្រីរូបនេះបាននិយាយថា ខ្លួនយកបុរសជាប្ដីដែលរងគ្រោះជាប្ដីក្រោយទេបានកូនមួយ តែនៅថ្ងៃទី៩ ខែធ្នូ ២នាក់ប្ដីប្រពន្ធបានជិះម៉ូតូទៅបុណ្យសពបងប្អូនជីដូនមួយនៅឯស្រុកទឹកឈូតែទាស់មាត់គ្នាជាមួយប្ដីខឹងក៏ជិះរ៉ឺម៉ក់មកផ្ទះមុនស្រាប់តែប្ដីជិះម៉ូតូតាមក្រោយក៏ជួបរឿងអាក្រក់បែបនេះទៅ ៕
ចែករំលែកព័តមាននេះ