ខេត្តបន្ទាយមានជ័យ ៖ ជនសង្ស័យម្នាក់ត្រូវបានកម្លាំងមូលដ្ឋានកងរាជអាវុធហត្ថក្រុងប៉ោយប៉ែតធ្វើការចាប់ឃាត់ខ្លួនតាមពាក្យបណ្តឹងរបស់ឈ្មោះ សាត វ៉ាន់ថា ភេទប្រុស អាយុ៣៥ឆ្នាំរស់នៅក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ…
ខេត្តបន្ទាយមានជ័យ ៖ ជនសង្ស័យម្នាក់ត្រូវបានកម្លាំងមូលដ្ឋានកងរាជអាវុធហត្ថក្រុងប៉ោយប៉ែតធ្វើការចាប់ឃាត់ខ្លួនតាមពាក្យបណ្តឹងរបស់ឈ្មោះ សាត វ៉ាន់ថា ភេទប្រុស អាយុ៣៥ឆ្នាំរស់នៅក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ជាជនរងគ្រោះ បានធ្វើការចោទប្រកាន់ប្តឹងទៅលើឈ្មោះ ហាន ភាព ភេទប្រុស អាយុ២៩ឆ្នាំ ពេលផឹកស្រាស្រវឹងមករករឿងអុកឡុកក្នុងរោងសិប្បកម្ម ហើយបានពួនស្ទាក់យកកាំភ្លើងខ្យល់បាញ់មកលើរួបខ្លួន១គ្រាប់តែសំណាងណាស់បាញ់មិនត្រូវ ។ ហេតុការនេះកើតឡើងនៅវេលាម៉ោង៨យប់ ថ្ងៃទី០៤ ខែធ្នូ ឆ្នាំ២០១៧ នៅចំណុចភូមិសាមគ្គី សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ហើយត្រូវបានកម្លាំងជំនាញកងរាជអាវុធហត្ថខេត្តរៀបចំសំណុំរឿងបញ្ជូនទៅសាលាដំបូងខេត្តនៅថ្ងៃនេះផងដែរ ។
លោកវរសេនីយ៍ឯក ម៉ែន ភិរម្យ មេបញ្ជាការងទទួលការងារយុតិ្តធម៌បានឲ្យដឹងថា ក្រោយពីទទួលបានពាក្យបណ្តឹងរបស់ជនរងគ្រោះកំលាំងអាវុធហត្ថក្រុងប៉ោយប៉ែតចំនួន៦ដឹកនាំដោយលោកអនុសេនីយ៍ទោ សុត សុផាត មេបញ្ជាការរងក្រុងប៉ោយប៉ែតបានចុះប្រតិបត្តិការចុះបង្ក្រាបដល់កន្លែងកើតហេតុហើយឃាត់ខ្លួនជនសង្ស័យបញ្ជូនមកកងរាជអាវុធហត្ថខេត្តដើម្បីធ្វើការសួរនាំបន្ត ។
លោកវរសេនីយ៍ឯក ម៉ែន ភិរម្យ បានបញ្ជាក់ឲ្យដឹងទៀតថា បើតាមការបំភ្លឺរបស់ជនរងគ្រោះបានឲ្យដឹងថា នៅមុនពេលកើតហេតុនោះជនសង្ស័យអតីតជាកូនចៅរបស់ខ្លួនជននេះបានជេរតាមទូរស័ព្ទឲ្យខ្លួនមកជួបក្រោយពេលដែលខ្លួនមកជួបនោះស្រាប់តែជនសង្ស័យពួននៅកន្លែងរោងសិប្បកម្ម ហើយបានយកកាំភ្លើងខ្យល់បាញ់ទៅលើខ្លួន១គ្រាប់តែសំណាងល្អគ្រាប់ទៅចំដងឆត្រនៅជិតនោះ ។ ចំណែកជនសង្ស័យបានឆ្លើយសារភាពនៅចំពោះមុខសមត្ថកិច្ចថា ខ្លួនពិតជាយកកាំភ្លើងច្នៃដាក់គ្រាប់សំណរបាញ់ទៅលើជនរងគ្រោះពិតប្រាកដមែនដោយសារគំនុំតែគ្មានបំណងបាញ់សម្លាប់នោះទេ គ្រាន់តែគំរាមដែលកន្លងមកជនសង្ស័យធ្វើបាបខ្លួនតែប៉ុណ្ណោះ ៕
ចែករំលែកព័តមាននេះ