ខេត្តព្រះសីហនុ ៖ វាពិតជារឿងដែលមិននឹកស្មានដល់ថា ស្រុកស្ទឹងហាវមានសង្វៀនជល់មាន់យ៉ាងធំសម្បើមបែបនេះ ក្រោយពីរូបថតជាច្រើនសន្លឹកត្រូវបានប្រជាពលរដ្ឋបញ្ចូនមកកាន់អង្គភាពសារព័ត៌មានដើម្បីជួយផ្សព្វផ្សាយដល់ថ្នាក់លើ ដើម្បីទប់ស្កាត់មនុស្សល្បែងស៊ីសងប្រភេទនេះដែលរាជរដ្ឋា ភិបាល កំពុងតែមានចំណាត់ការខ្ពស់ ។ យោងតាមប្រភពពីប្រជាពលរដ្ឋដែលបានទម្លាយរូបភាពសុំមិនបញ្ចេញឈ្មោះ…
ខេត្តព្រះសីហនុ ៖ វាពិតជារឿងដែលមិននឹកស្មានដល់ថា ស្រុកស្ទឹងហាវមានសង្វៀនជល់មាន់យ៉ាងធំសម្បើមបែបនេះ ក្រោយពីរូបថតជាច្រើនសន្លឹកត្រូវបានប្រជាពលរដ្ឋបញ្ចូនមកកាន់អង្គភាពសារព័ត៌មានដើម្បីជួយផ្សព្វផ្សាយដល់ថ្នាក់លើ ដើម្បីទប់ស្កាត់មនុស្សល្បែងស៊ីសងប្រភេទនេះដែលរាជរដ្ឋា ភិបាល កំពុងតែមានចំណាត់ការខ្ពស់ ។
យោងតាមប្រភពពីប្រជាពលរដ្ឋដែលបានទម្លាយរូបភាពសុំមិនបញ្ចេញឈ្មោះ បានរៀបរាប់ឲ្យដឹងថាសង្វៀនមាន់នេះបានបើកដំណើរ ការ ជាច្រើនខែមកហើយ នៅក្នុងភូមិសាស្ត្រស្រុកស្ទឹងហាវខេត្តព្រះសីហនុ ដោយបែងចែកជាបីទីតាំងផ្សេងគ្នាក្នុងការចល័តថ្ងៃជល់ ដោយទីតាំងទី១-នៅអតីតរោងចក្រចំរាញ់ប្រេងកាត ស្ថិតក្នុងភូមិ 4 សង្កាត់អូត្រេះស្រុកសង្ហាវ.ទី 2-នៅផ្លូវច្រកចូលទៅតំបន់តាលះ (ច្រកចូលតាមក្រោមស្ពានផ្លូវល្បឿន)មានទីតាំងស្ថិតនៅព្រំប្រទល់ស្រុកស្ទឹងហាវនិងក្រុងកំពង់សោម.ទី3-ដែលជាទីតាំងមានស្តង់ដា សម្រាប់គូថ្លៃៗ ចាប់ផ្ដើមពីតម្លៃមួយគូតូចបំផុត 500 ដុល្លារឡើងរហូត 5000 ដុល្លាជាង។
ប្រភពដដែលបានបន្តទៀតថា ចំពោះមូលហេតុដែលពួកគាត់ទម្លាយរូបភាពទាំងនេះ គឺដើម្បីជាដំណឹងឲ្យថ្នាក់ដឹកនាំខាងលើជួយផ្តល់មេដៃ និងបុណ្យសិក្តិផង ។
ដោយឡែកយោងតាមប្រភពផ្សេងទៀត មិនផ្លូវការ បានបញ្ជាក់បន្ថែមថា ម្ចាស់សង្វៀននេះ មានឈ្មោះថាតាស្រមូម ដោយសង្ស័យ មានការសហការជាមួយនឹងសមត្ថកិច្ចមូលដ្ឋាន. ហើយជារៀងរាល់ថ្ងៃ..អ្នកទៅលេងទីនោះមានទាំង..អ្នកនេសាទ….ម្ចាស់ទូកនេសាទ..ប៉ូលីសនិងប៉េអឹមក៏មានដែរ។
ចំពោះសេចក្តីរាយការណ៍អមរូបភាពទាំងនេះ លោករស់កីអធិការនគរបាលស្រុកស្ទឹងហាវ បានច្រានចោលយ៉ាងដាច់អហិងការថា ក្នុងភូមិសាស្ត្ររបស់គាត់ក្នុងស្រុកស្ទឹងហាវគឺពុំមានល្បែងស៊ីសងបញ្ជល់មាន់ បៀ អាប៉ោង ដូចក្នុងរូបភាពដែលប្រជាពលរដ្ឋបានផ្ញើមកកាន់អង្គភាពសារព័ត៌មាននោះទេ។
ជយោ! លោកម្ចាស់ស្រុកស្ទឹងហាវដ៏មហាលោតផ្លោះ មហាអស្ចារ្យ…រ៉ុយៗទៅហង…ហេ! ហេ! ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ