រាជធានីភ្នំពេញ ៖ ពិតជាឈាមស្រែកស្បែកហៅ ត្រឹមតែរយៈពេល ៥ថ្ងៃ កម្លាំងកងរាជអាវុធហត្ថរាជធានីភ្នំពេញ សហការជាមួយអាវុធហត្ថមូលដ្ឋានជ្រោយចង្វារ បានធ្វើការស្រាវជ្រាវរហូតឈានដល់ការវែកមុខ ចាប់ខ្លួនជនសង្ស័យជាឃាតករចំនួន៥ នាក់…
រាជធានីភ្នំពេញ ៖ ពិតជាឈាមស្រែកស្បែកហៅ ត្រឹមតែរយៈពេល ៥ថ្ងៃ កម្លាំងកងរាជអាវុធហត្ថរាជធានីភ្នំពេញ សហការជាមួយអាវុធហត្ថមូលដ្ឋានជ្រោយចង្វារ បានធ្វើការស្រាវជ្រាវរហូតឈានដល់ការវែកមុខ ចាប់ខ្លួនជនសង្ស័យជាឃាតករចំនួន៥ នាក់ ពាក់ពន្ធករណីសម្លាប់បុរសម្នាក់ ចោលសាកសពស្ថិតនៅក្នុងដីឡូមួយកន្លែង តាមបណ្តោយផ្លូវ OCIC សង្កាត់ព្រែកតាសេក ខណ្ឌជ្រោ យចង្វារ រាជធានីភ្នំពេញ ដែលជាអំពើឃាតកម្មសម្លាប់រួចប្លន់យកទ្រព្យសម្បត្តិ ។
ជនសង្ស័យទាំង៥ នាក់នោះ រួមមាន ៖
១.ឈ្មោះ អ៊ុសារ ស្នាវី ភេទប្រុស អាយុ២១ឆ្នាំ
២.ឈ្មោះ មាន អ៊ូមើត ភេទប្រុស អាយុ២១ឆ្នាំ
៣.ឈ្មោះ ណូ ហាន់ណាហ្វី ហៅ វៃ ភេទប្រុស អាយុ២០ឆ្នាំ
៤.ឈ្មោះ ម៉ាត់ណោះ ស្រុលឡោះ ភេទប្រុស អាយុ១៧ឆ្នាំ
៥.ឈ្មោះ មាន សាលីម ភេទប្រុស អាយុ២៣ឆ្នាំ ។
សូមជម្រាបថា ៖ កាលពីវេលាម៉ោង០៥និង៤០នាទី ថ្ងៃទី១០ ខែកក្កដា ឆ្នាំ២០២៥ មានប្រជាពលរដ្ឋដើរហាត់ប្រាណពេលព្រឹក បានប្រទះឃើញសាកសពមិនស្គាល់អត្តសញ្ញាណម្នាក់ ដេកស្លាប់នៅចំណុចផ្លូវ OCIC ក្រុមទី១ ភូមិដើមគរ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ និងបានរាយការណ៍ជូនសមត្ថកិច្ចភ្លាមៗ។ បន្ទាប់ពីមានហេតុការណ៍នេះកើតឡើង សមត្ថកិច្ច បានបង្កើតគណកម្មការ ដែលមានគ្រប់អង្គភាពពាក់ពន្ធ ក្រោមការសម្របសម្រួលពីស្ថាប័នអយ្យការអមសាលាដំបូងរាជធានីភ្នំពេញ ចុះទៅពិនិត្យ និងធ្វើកោសលវិច្ច័យលើសាកសព ពេលនោះគ្រូពេទ្យជំនាញបានធ្វើការសន្និដ្ឋានថា ស.ពស្លាប់ដោយមានស្លាក ស្នាមវាយក្បាលខាងក្រោយ សង្ស័យជាអំពើឃា.តកម្ម ។
ក្រោយពេលទទួលបានព័ត៌មាននេះ កម្លាំងជំនាញកងរាជអាវុធហត្ថរាជធានីភ្នំពេញ សហការជាមួយកម្លាំងមូលដ្ឋានកងអាវុធហត្ថខណ្ឌជ្រោយចង្វារ បានបើកការស៊ើបអង្កេតស្រាវជ្រាវយ៉ាងយកចិត្តទុកដាក់ និងបន្តពង្លាត ដែនសមត្ថកិច្ច ទៅសហការជាមួយកម្លាំងមូលដ្ឋានអាវុធហត្ថស្រុកមុខកំពូល ខេត្តកណ្តាល រហូតដល់ថ្ងៃទី១៥ ខែកក្កដា ឆ្នាំ២០២៥ ទើបឈានដល់ឃាត់ខ្លួនជនសង្ស័យចំនួន០៥ នាក់ជាបន្តបន្ទាប់ ដូចមានឈ្មោះខាងលើនេះ នាំមកកាន់ការិយាល័យព្រហ្មទណ្ឌ នៃមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថរាជធានីភ្នំពេញ ដើម្បីចាត់ការតាមនីតិវិធី ។
ក្រោមវិធានការជំនាញជនសង្ស័យទាំង០៥នាក់ បានឆ្លើយសារភាពប្រហាក់ប្រហែលគ្នាថា ពួកគេពិតជាបានរួមគំនិតប្រព្រឹត្តអំពើឃា.តកម្ម វាយសម្លាប់ជនរងគ្រោះប្រាកដមែន ដោយព្រួតគ្នាខ្លះវាយ និងដំបងខ្លះប្រើមួកសុវត្ថិភាព វាយទៅលើជនរងគ្រោះ រហូតដល់ស្លាប់ រួចប្លន់យកទ្រព្យសម្បត្តិ ដូចមានទូរសព្ទដៃ និងកាបូបលុយ។ ជនសង្ស័យបានសារភាពទៀតថា កន្លងមកពួកគេតែងតែចូលរួមធ្វើសកម្មភាព ប្រព្រឹត្តបទល្មើសជាមួយគ្នាជាច្រើន លើកច្រើនសារមកហើយ ហើយធ្លាប់ប្រើប្រាស់ នូវសារធាតុញៀនជាមួយគ្នាជាញឹកញាប់ និងធ្លាប់ជាប់ពន្ធនាគារពាក់ពន្ធករណីលួចមានស្ថានទម្ងន់ទោសផងដែរ ។
បច្ចុប្បន្នជនសង្ស័យទាំង០៥នាក់ ត្រូវបានការិយាល័យជំនាញ កងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕
ចែករំលែកព័តមាននេះ