ខេត្តសៀមរាប ៖ ជនជាតិចិនប្រុសស្រីចំនួន៤នាក់ក្នុងនោះម្នាក់ជាសង្ឃ ហើយជនបង្កប្រុស ស្រីទាំង៣បានវាយគ្នាទៅវិញទៅមកជាមួយខ្មែរបណ្តាលឱ្យរបួសទាំងសងខាង បង្កឱ្យមានការភ្ញាក់ផ្អើលពេញផ្លូវក្នុងក្រុងសៀមរាប ។ ករណីហិង្សាដោយចេតនាមានស្ថានទម្ងន់ទោសជនបង្កជាជនជាតិចិនចំនួន៣នាក់ ព្រួតគ្នាវាយទៅលើជនរងគ្រោះជាច្រើនដៃ ហើយជនរងគ្រោះក៏តបតដៃវិញបណ្តាលឱ្យជនជាតិចិនម្នាក់ឈាមធ្មេញ ម្នាក់បែកភ្នែក ចំណែកលោក សង្ឃដែលដើរបិណ្ឌបាត្រ និងលក់អង្កាំឱ្យភ្ញៀវទេសចរណ៍ នៅតាមទីសាធារណៈដែលនាំឱ្យប៉ះពាល់ដល់សន្តិសុខ សណ្តាប់ធ្នាប់ សាធារណៈ ក្នុងខេត្តសៀមរាប ដែលជាខេត្តទេសចរណ៍ ផងនោះត្រូវបានលោក កើត វណ្ណារ៉េត ព្រះរាជអាជ្ញាអមសាលាដំបូង ខេត្តសៀមរាប សម្រេច ឱ្យឃុំខ្លួន បណ្តោះអាសន្ននៅស្នងការដ្ឋាន នគរបាលខេត្តសៀមរាប ដើម្បីរៀបចំកសាងសំណុំរឿងបញ្ជូនទៅសាលាដំបូងខេត្តសៀមរាបវិញនៅថ្ងៃស្អែកនេះបើតាមសម្តីរបស់សមត្ថកិច្ច ។
ហេតុការឃាត់ខ្លួនជនជាតិចិនប្រុសស្រី៤នាក់នោះបានធ្វើឡើងរយៈពេល២ថ្ងៃ គឺ ថ្ងៃទី៣០ ខែវិច្ឆិកា និងថ្ងៃទី១ ខែធ្នូ ឆ្នាំ២០១៧ ស្ថិតនៅតាមបណ្តោយផ្លូវស៊ីវត្ថា ត្រង់ចំណុចមុខធនាគារអេស៊ីលីដា (ផ្សារកណ្តាល) ស្ថិតនៅភូមិមណ្ឌល២ សង្កាត់ស្វាយដង្គំ និងត្រង់ចំណុចមុខភោជនីយដ្ឋានហាដរ៉ក់ ភូមិវត្តដំណាក់ សង្កាត់សាលាកំរើក ក្រុង-ខេត្តសៀមរាប ៕
ចែករំលែកព័តមាននេះ