ជាទូទៅយើងព្យាយាមលាងបន្លែដែលយើងទិញពីផ្សារដើម្បីធានាថា សំណល់ថ្នាំសម្លាប់សត្វល្អិតត្រូវបានលាងសម្អាតចេញពីផ្ទៃខាងក្រៅនៃបន្លែ ។ យើងក៏ព្យាយាមប្រើផលិតផលសរីរាង្គដែលគ្មានថ្នាំសម្លាប់សត្វល្អិតតាមដែលអាចធ្វើទៅបានផងដែរ ។ ប៉ុន្តែវាគ្រប់គ្រាន់ហើយមែនទេ ?
តើថ្នាំសម្លាប់សត្វល្អិតអាចប៉ះពាល់ដល់ទារកក្នុងផ្ទៃដែរឬទេ ? ហេតុអ្វីស្ត្រីមានផ្ទៃពោះគួរប្រុងប្រយ័ត្នអំពីហានិភ័យនៃការប៉ះពាល់នឹងថ្នាំសម្លាប់សត្វល្អិត ?
ខាងក្រោមនេះគឺជាចម្លើយ ៖
តើមានភស្ដុតាងឬទេ ?
មានភស្តុតាងតិចតួចណាស់អំពីផលប៉ះពាល់នៃថ្នាំសម្លាប់សត្វល្អិតចំពោះទារកក្នុងផ្ទៃ។ ប៉ុន្តែការស្រាវជ្រាវ ថ្មីៗនេះបានអះអាងថាការប៉ះពាល់នឹងថ្នាំសម្លាប់សត្វល្អិតអំឡុងពេលមានផ្ទៃពោះអាចបង្កើនហានិភ័យនៃភាពមិនប្រក្រតីនៃការលូតលាស់របស់ទារក។
ភាគរយនៃហានិភ័យ
ស្ត្រីមានផ្ទៃពោះដែលប៉ះពាល់ដោយផ្ទាល់ទៅនឹងថ្នាំសម្លាប់សត្វល្អិតក្នុងកម្រិតខ្ពស់ត្រូវបានគេនិយាយថាមានហានិភ័យ៨%ទៅ៩%ក្នុងការសម្រាលកូនដែលមានទម្ងន់មិនគ្រប់ ។
តើវាប៉ះពាល់អ្វីខ្លះដល់ទារក ?
កត្តាដែលថ្នាំសម្លាប់សត្វល្អិតអាចជះឥទ្ធិពលគឺទម្ងន់ពីកំណើត ភាពមិនប្រក្រតីនៃកំណើត ការសម្រាលកូនមិនគ្រប់ខែ និងរយៈពេលនៃការពពោះ ។
តើការសិក្សាបាននិយាយអ្វីខ្លះ ?
ក្រុមអ្នកស្រាវជ្រាវបានអះអាងថាមិនមានព័ត៌មានគ្រប់គ្រាន់ថាតើសារធាតុគីមីជាច្រើននៅក្នុងថ្នាំសម្លាប់សត្វល្អិតធ្វើអន្តរកម្ម និងបង្ហាញពីផលប៉ះពាល់របស់វាទៅលើទារកតាមរបៀបណានោះទេ ។
ស្របពេលគ្នានេះដែរមានថ្នាំសម្លាប់សត្វល្អិតច្រើនណាស់ដែលកំពុងត្រូវបានគេប្រើសព្វថ្ងៃនេះ ។ ក្រុមអ្នកស្រាវជ្រាវមិនប្រាកដថាថ្នាំសម្លាប់សត្វល្អិតប្រភេទណាដែលមានគ្រោះថ្នាក់បំផុតចំពោះទារកនោះទេ និងតើប្រភេទណាដែលគ្មានគ្រោះថ្នាក់ ។ ប៉ុន្តែដើម្បីទទួលបានសុវត្ថិភាព សូមព្យាយាមជៀសវាងការប៉ះពាល់ទៅនឹងថ្នាំសម្លាប់សត្វល្អិតនៅពេលមានផ្ទៃពោះតាមដែលអាចធ្វើទៅបាន ៕
ចែករំលែកព័តមាននេះ