យោងតាមការចុះផ្សាយពីប្រភពបរទេស ដើមម្រុំត្រូវបានគេប្រសិទ្ធនាមថាជា «ដើមឈើទេវតា» ដោយសារវាផ្ទុកនូវសារធាតុចិញ្ចឹមលើសលប់លើសពីបន្លែ និងផ្លែឈើទូទៅឆ្ងាយណាស់ ដូចជាមានវីតាមីន C ខ្ពស់ជាងក្រូច និងជាតិកាល់ស្យូមច្រើនជាងទឹកដោះគោទៅទៀត ខណៈដែលវាគឺជាឱសថធម្មជាតិដ៏ពូកែស័ក្តិសិទ្ធិសម្រាប់ការពារប្រព័ន្ធសរសៃឈាមបេះដូងតាមរយៈសមត្ថភាពកម្ចាត់ជាតិខ្លាញ់អាក្រក់…
យោងតាមការចុះផ្សាយពីប្រភពបរទេស ដើមម្រុំត្រូវបានគេប្រសិទ្ធនាមថាជា «ដើមឈើទេវតា» ដោយសារវាផ្ទុកនូវសារធាតុចិញ្ចឹមលើសលប់លើសពីបន្លែ និងផ្លែឈើទូទៅឆ្ងាយណាស់ ដូចជាមានវីតាមីន C ខ្ពស់ជាងក្រូច និងជាតិកាល់ស្យូមច្រើនជាងទឹកដោះគោទៅទៀត ខណៈដែលវាគឺជាឱសថធម្មជាតិដ៏ពូកែស័ក្តិសិទ្ធិសម្រាប់ការពារប្រព័ន្ធសរសៃឈាមបេះដូងតាមរយៈសមត្ថភាពកម្ចាត់ជាតិខ្លាញ់អាក្រក់ និងទប់ស្កាត់ការកកស្ទះក្នុងសរសៃឈាមដែលជាឫសគល់នៃជំងឺបេះដូង។
សារធាតុនិងជាតិសរសៃដែលមានក្នុងស្លឹកម្រុំដើរតួនាទីយ៉ាងសំខាន់ក្នុងការស្រូបយកជាតិខ្លាញ់ពីប្រព័ន្ធរំលាយអាហារ និងបញ្ចេញមកក្រៅវិញ ខណៈដែលជាតិប៉ូតាស្យូម និងម៉ាញេស្យូមជួយឱ្យសរសៃឈាមមានភាពធូរស្រាល និងរក្សាសម្ពាធឈាមឱ្យមានស្ថិរភាពយ៉ាងល្អប្រសើរតាមរយៈសមត្ថភាពពង្រីកសរសៃឈាមពីធម្មជាតិ។ ក្រៅពីការពារបេះដូង ម្រុំក៏សម្បូរទៅដោយសារធាតុប្រឆាំងអុកស៊ីតកម្មរាប់សិបប្រភេទដែលជួយបន្សាបរ៉ាឌីកាល់សេរី បង្ការការរលាកក្នុងរាងកាយ និងជួយរក្សាកម្រិតជាតិស្ករក្នុងឈាមឱ្យមានលំនឹង ដែលមានប្រយោជន៍បំផុតសម្រាប់អ្នកមានហានិភ័យជំងឺទឹកនោមផ្អែម និងអ្នកដែលចង់ថែរក្សាសុខភាពទូទៅឱ្យមាំមួន។
ទោះជាយ៉ាងណា អ្នកជំនាញក៏បានដាស់តឿនផងដែរថា សម្រាប់អ្នកដែលកំពុងប្រើប្រាស់ថ្នាំបញ្ចុះសម្ពាធឈាម ឬថ្នាំព្យាបាលជំងឺទឹកនោមផ្អែម គួរតែពិគ្រោះជាមួយគ្រូពេទ្យជាមុនសិន ព្រោះម្រុំមានប្រសិទ្ធភាពខ្លាំងដែលអាចធ្វើឱ្យកម្រិតសន្ទស្សន៍ទាំងនេះធ្លាក់ចុះទាបហួសពីការកំណត់ដែលបង្កហានិភ័យដល់សុខភាពវិញ។
ការជ្រើសរើសបរិភោគម្រុំឱ្យបានត្រឹមត្រូវក្នុងរបបអាហារប្រចាំថ្ងៃ គឺជាការវិនិយោគលើសុខភាពដ៏ឆ្លាតវៃបំផុតក្នុងការការពារបេះដូងរបស់អ្នកឱ្យរឹងមាំ និងមានអាយុយឺនយូរដោយមិនចាំបាច់ចំណាយថវិកាច្រើនលើអាហារបំប៉នថ្លៃៗឡើយ៕
ចែករំលែកព័តមាននេះ