Nissan X-Trail ស៊េរីឆ្នាំ២០១៨ ត្រូវដាក់បង្ហាញអតិថិជនជាលើកដំបូងនៅសៀមរាប
- សៀមរាប
ខេត្តសៀមរាប ៖ ប្រធានជាន់ខ្ពស់នៃក្រុមហ៊ុន តាន់ ចុង ម៉ូធ័រ (ខេមបូឌា) ភីធីវ៉ាយ អិលធីឌី លោក…
ខេត្តសៀមរាប ៖ ប្រធានជាន់ខ្ពស់នៃក្រុមហ៊ុន តាន់ ចុង ម៉ូធ័រ (ខេមបូឌា) ភីធីវ៉ាយ អិលធីឌី លោក…
ខេត្តសៀមរាប ៖ ប្រធានជាន់ខ្ពស់នៃក្រុមហ៊ុន តាន់ ចុង ម៉ូធ័រ (ខេមបូឌា) ភីធីវ៉ាយ អិលធីឌី លោក ហួត គឹមម៉េង បានអះអាងថា រថយន្តម៉ាក Nissan X-Trail ស៊េរីឆ្នាំ ២០១៨ ត្រូវបានប្រកាសដាក់លក់ជាផ្លូវការនៅលើទឹកដីទេសចរខេត្តសៀមរាប-អង្គរ ចាប់ពីថ្ងៃនេះតទៅ។
រថយន្តដែលត្រូវបានដាក់បង្ហាញជូនអតិថិជនជាលើកដំបូងខាងលើ ត្រូវបានអះអាងថា ជាផលិតផលជំនាន់ទី៣ ដែលមានកំណត់ស្តងដាថ្មីនៅក្នុងពិភពរថយន្ត និងមានរូបរាងទាន់សម័យ បរិក្ខារទំនើបកម្រិតខ្ពស់ ព្រមទាំងមានបំពាក់ដោយប្រព័ន្ធបន្លាស់ទីដ៏វៃឆ្លាតរបស់ក្រុមហ៊ុន Nissan ផងដែរ។
ពិធីសម្ភាធដាក់លក់នូវរថយន្ត X-Trail ឆ្នាំ ២០១៨ នេះ ធ្វើឡើងកាលពីល្ងាចថ្ងៃទី២៥ ខែវិច្ឆិកា ឆ្នាំ២០១៧ កន្លងទៅ នៅសាខាក្រុមហ៊ុនតាន់ ចុង ម៉ូធ័រ(Nissan ) ដែលមានទីតាំងជាប់ផ្លូវជាតិលេខ៦ ក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប។ ដែលការសម្ពោធនេះ ធ្វើឡើងជាលើកទីពីរ បន្ទាប់ពីកម្មវិធីដូចគ្នានេះត្រូវបានរៀបចំឡើងកាលពីដើមខែ វិច្ឆិកា ឆ្នាំ២០១៧ នៅរាធានីភ្នំពេញ។
ប្រធានជាន់ខ្ពស់នៃក្រុមហ៊ុន តាន់ចុង ម៉ូទ័រ ខាំបូឌា ដែលជាក្រុមហ៊ុននាំចូលផ្តាច់មុខនូវរថយន្តម៉ាកនីសាន់ លោក ហួត គីមម៉េង បានថ្លែងនូវក្នុងសន្ទរកថាស្វាគមន៍របស់ខ្លួនថា ការរីកចម្រើនរបស់ប្រជាពលរដ្ឋកម្ពុជា ជាកត្តាធ្វើឲ្យក្រុមហ៊ុនរបស់លោកអាចឈរជើងយ៉ាងរឹងមាំ និងរីកចម្រើនដូចសព្វថ្ងៃ ។
លោកថ្លែងទៅកាន់អ្នកចូលរួមយ៉ាងដូច្នេះថា «រយថន្តម៉ាក Nissan X-Trail ដែលកំពុងដាក់បង្ហាញនៅចំពោះមុខនេះ គឺជារថយន្តដែលមានការពេញនិយមបំផុតរបស់ Nissan ដោយមានសារបត់បែនគ្រប់កាលៈទេសៈនៃការធ្វើដំណើរព្រមទាំងមានបំពាក់បន្ថែមនូវបច្ចេកវិទ្យាបន្លាស់ទីដ៏ឆ្លាតវៃចុងក្រោយរបស់Nissan ដែលធ្វើឲ្យរថយន្តស៊េរីនេះក្លាយជារថយន្តដែលស័ក្តិសមបំផុតសម្រាប់ការធ្វើដំណើរផ្លូវឆ្ងាយជាលក្ខណៈគ្រួសារ »។
យោងតាមការបង្ហាញទៅកាន់អ្នកចូលរួមយ៉ាងច្រើនសន្ធឹកសន្ធាប់របស់អ្នកជំនាញផ្នែកទីផ្សារនៃក្រុមហ៊ុន តាន់ ចុង ម៉ូធ័រ (ខេមបូឌា) ភីធីវ៉ាយ អិលធីឌី បានឲ្យដឹងថា រថយន្ត Nissan X Trail ត្រូវបានរចនាម៉ូដដ៏ស្រស់ស្អាត និងជាទីទាក់ទាញ ព្រមទាំងមានបំពាក់ប្រព័ន្ធបន្លាស់ទីបែបឆ្លាតវៃរបស់ Nissan តាមបែបបច្ចេកវិទ្យាទំនើបផងដែរ។
ក្នុងបទបង្ហាញដដែលបានបញ្ជាក់ថា ប្រព័ន្ធបន្លាស់ទីបែបឆ្លាតវៃ គឺធ្វើឡើងក្នុងគោលបំណងឲ្យអតិថិជនរបស់ខ្លួន កាន់តែមានអារម្មណ៍ទំនុកចិត្តរំភើប និងស្និទ្ធស្នាល ហើយកាន់តែមានសុវត្ថិភាពក្នុងការធ្វើដំណើរលើដងផ្លូវ ។
ជាមួយនឹងរូបភាពរស់រវើកនៃរថយន្ត X-Trail ដែលត្រូវបានដាក់បញ្ចាំងនៅលើអេក្រង់ស្លាយ ប្រព័ន្ធសំខាន់ៗដែលបានបំពាក់នៅលើរថយន្តដ៏ល្អឆើតឆាយ នោះរួមមានដូចជា ប្រព័ន្ធផ្តល់សញ្ញាវត្ថុដែលមើលមិនឃើញ (BSW) ជាប្រព័ន្ធជួយផ្តល់ដំណឹងជាមុន ចំពោះផ្នែកចំហៀងរថយន្តដែលយើងមើលមិនឃើញ ទាំងឆ្វេង ទាំងស្តាំ តាមរយៈពន្លឺផ្តល់សញ្ញា ដែលលោតភ្លឹបភ្លែត នៅសសរទ្វារ ដោយមានបន្លឺសំឡេង។
ប្រព័ន្ធពិសេសមួយទៀត គឺប្រព័ន្ធ (CTA) ជាប្រព័ន្ធប្រាប់ដំណឹងពេលយានយន្តឆ្លងកាត់ នៅពេលអ្នកបើកថយក្រោយនៅកន្លែងចត បច្ចេកវិទ្យានេះ ពិនិត្យមើលតំបន់ជុំវិញ ផ្នែកខាងក្រោយរថយន្ត ហើយប្រាប់អ្នកបើកបរអំពីរថយន្តដែលពិនិត្យឃើ ក្នុងរយៈចម្ងាយ រហូតដល់២០ម៉ែត្រ ទាំងឆ្វេង ទាំងស្តាំ ជាមួយសញ្ញាព្រមានភ្លឹបភ្លែត រួមទាំងសំឡេងផងដែរ។
ក្រៅពីនោះនៅមានប្រព័ន្ធពិសេសៗមួយចំនួនទៀតដូចជា ប្រព័ន្ធបើកបរឆ្លាតវៃ (IRC) សម្រាប់ពិនិត្យមើលស្ថានភាពផ្លូវ ដើម្បីរកដានទឹករលកដែលអាចធ្វើឲ្យតួរថយន្តរលាក់ និងធ្វើការកែសម្រួលដ៏ឆ្លាតវៃនូវកម្លាំងបង្វិលរបស់រថយន្ត ដើម្បីកែកុនស្ថានការឡើងវិញ។
ទោះជាយ៉ាងនេះក្តីកម្លៃនៃរថយន្ត X-Trail ដែលកំពុងដាក់បង្ហាញលក់នោះ មិនត្រូវបានប្រកាសឲ្យដឹងទេ ក្រៅពីមានការណែនាំឲ្យអ្នកចូលរួមទាំងណាឡាយដែលមានចំណាប់អារម្មណ៍ សូមទៅទំនាក់ទំនងជំនាញការលក់ផ្ទាល់ ដើម្បីទទួលការពន្យល់បន្ថែមអំពីលក្ខណៈពិសេស និងគុណតម្លៃរបស់វាតែប៉ុណ្ណោះ។
ជាមួយគ្នាដែរ លោក សូរ ប្លាតុង អភិបាលក្រុងសៀមរាប ដែលត្រូវបានអញ្ជើញឲ្យចូលរួមបើកផ្ទាំងសំពត់ស ចេញពីរថយន្តដ៏ថ្មីស្រឡាងនោះស៊េរីឆ្នាំ ២០១៨ ខាងលើ បានមានប្រសាសន៍ថា ការតាំងបង្ហាញផលិតផលថ្មីនានា ជាពិសេសការតាំងបង្ហាញរថយន្តរបស់ក្រុមហ៊ុននីសាន់នាពេលនេះ គឺបានបង្ហាញពីនយោបាយសន្តិភាព និងការអភិវឌ្ឍរបស់កម្ពុជា ដែលធ្វើឲ្យដៃគូអភិវឌ្ឍន៍ ឬអ្នកវិនិយោគនានាមានការទុកចិត្តនៅក្នុងមុខរបររកស៊ីរបស់គាត់។
លោកបន្ថែមថា លោក សូរ ប្លាតុង បញ្ជាក់ថា ក្នុងនាមអាជ្ញាធរ លោកសូមគាំទ្រ និងជម្រុញឲ្យមានការចូលមកវិនិយោគថ្មីៗបន្ថែមទៀត ។
គួរបញ្ជាក់ថា រថយន្តម៉ាក នីសាន់ អិច ត្រេល ( Nissan X-Trail ) បានដំណើរការលក់កាលពីឆ្នាំ២០០០ ដោយគិតមកដល់ឆ្នាំ២០១៧នេះ មានរយៈពេល១៧ឆ្នាំ និងបានដំណើរការលក់បានចំនួន៣លាន៧សែនគ្រឿងនៅទូទាំងពិភពលោក ដោយទើបតែបានផលិតចេញចំនួន ៣ ជំនាន់តែប៉ណ្ណោះ ។ នេះបើផ្អែកតាមការបញ្ជាក់របស់លោក ហួត គឹមម៉េង ប្រធានជាន់ខ្ពស់នៃក្រុមហ៊ុន Tan Chong Motor cambodia ៕
ចែករំលែកព័តមាននេះ