ខេត្ដតាកែវ ៖ សាលាដំបូងរាជធានី ភ្នំពេញ ចុះថ្ងៃទី៨ មិថុនា ឆ្នាំ២០១០ បាន ចេញដីកាសំរេចរក្សាការពារទីតាំងផ្សារ ទន្លាប់ ស្ថិតនៅភូមិកំពង់ ឃុំព្រះបាទជាន់ជុំ ស្រុកគិរីវង់ ខេត្ដតាកែវ ដែលមានវិញាបន បត្រសំគាល់ម្ចាស់អចលនវត្ថុ ចុះថ្ងៃទី៧ មីនា ឆ្នាំ២០០៦ ដែលមានម្ចាស់ឈ្មោះអ៊ឹង រិទ្ធា និងឈ្មោះនី ហេង បច្ចុប្បន្នត្រូវសាលាដំបូង រាជធានីភ្នំពេញចេញដីកាឃុំខ្លួននៅពន្ធនា គារព្រៃសហើយ ។ នៅព្រឹកថ្ងៃទី២២ មិថុនា ឆ្នាំ២០១០ លោកមាស សុភក្ដិ មន្ដ្រីទទួល បន្ទុកអាជ្ញាសាលានៃសាលាដំបូងខេត្ដតាកែវ បានដឹកនាំគណៈកម្មការចំរុះស្រុកគិរីវង់ ចុះ អនុវត្ដដីការក្សាការពារអចលនវត្ថុនោះជូន លោកបណ្ឌិត ជា ចំរើន តាមពាក្យបណ្ដឹងស្នើសុំដីការក្សាការពារ ។
មុនពេលសាលាដំបូងរាជធានីភ្នំពេញ សំរេចឃុំខ្លួនឈ្មោះអ៊ឹង រិទ្ធា និងឈ្មោះនី ហេង ជាប្ដីប្រពន្ធនឹងគ្នានៅ ពន្ធនាគារព្រៃស ហើយសំរេចចេញដីការក្សាការពារទីតាំង ផ្សារទន្លាប់ប្រគល់ជូនលោកបណ្ឌិត ជា ចំរើន គ្រប់គ្រងអាស្រ័យផលជាបណ្ដោះអាសន្ន រង់ចាំតុលាការសំរេចដល់អង្គសេចក្ដីនោះ ឈ្មោះអ៊ឹង រិទ្ធា និងឈ្មោះនី ហេង បានខ្ចី ប្រាក់លោកបណ្ឌិត ជា ចំរើន ជាងមួយលាន ដុល្លារ យកទៅវិនិយោគធ្វើផ្សារចំនួន៥នៅ តាមបណ្ដាខេត្ដផ្សេងៗរាប់ទាំងខេត្ដតាកែវ ផងដែរ ។
បន្ទាប់មកឈ្មោះអ៊ឹង រិទ្ធា និង ឈ្មោះនី ហេង គេចវេះមិនទទួលខុសត្រូវលើ កិច្ចសន្យាដែលបានធ្វើឡើងនៅចំពោះមុខ មេធាវីណាច ទ្រី ទើបលោកបណ្ឌិត ជា ចំរើន ប្ដឹងទៅសាលាដំបូងរាជធានីភ្នំពេញ ចាត់ការ លើឈ្មោះអ៊ឹង រិទ្ធា និងឈ្មោះនី ហេង តាម នីតិវិធីច្បាប់ ។ ទីបញ្ចប់សាលាដំបូងរាជធានី ភ្នំពេញបានចេញដីកាឃុំខ្លួនអ្នកទាំង២នៅ ពន្ធនាគារព្រៃស ហើយសំរេចចេញដីការក្សាការពារទីតាំងផ្សារទន្លាប់ជូនលោកបណ្ឌិតជា ចំរើន។
ដោយឡែកនៅរសៀលថ្ងៃដដែលនោះ លោកមាស សុភក្ដិ មន្ដ្រីទទួលបន្ទុកអាជ្ញា សាលានៃសាលាដំបូងខេត្ដតាកែវដដែល បាន ដឹកនាំគណៈកម្មការចំរុះស្រុកត្រាំកក់ ចុះអនុ វត្ដដីកាសំរេចរក្សាការពារផ្សារអង្គតាសោម ស្ថិតក្នុងស្រុកត្រាំកក់ ដែលពាក់ព័ន្ធក្នុងរឿង ជាមួយគ្នានោះដែរជូនលោកបណ្ឌិត ជា ចំរើន គ្រប់គ្រងអាស្រ័យផលជាបណ្ដោះអាសន្ន រង់ចាំតុលាការសំរេចដល់អង្គសេចក្ដី ៕
ចែករំលែកព័តមាននេះ