អាមេរិក ៖ តាមប្រភពព័ត៌មាន Viral4real បានឲ្យដឹងថា Amber Rachdi បានសម្រក់ទម្ងន់អស់១២០គីឡូក្រាម ក្រោយពីការតាំងចិត្តយ៉ាងមុតមាំ ដែលបានធ្វើឲ្យគ្រប់គ្នាមើលនាងលែងចង់ស្គាល់។…
អាមេរិក ៖ តាមប្រភពព័ត៌មាន Viral4real បានឲ្យដឹងថា Amber Rachdi បានសម្រក់ទម្ងន់អស់១២០គីឡូក្រាម ក្រោយពីការតាំងចិត្តយ៉ាងមុតមាំ ដែលបានធ្វើឲ្យគ្រប់គ្នាមើលនាងលែងចង់ស្គាល់។ ដោយសារតែដំណើរនៃការសម្រក់នេះមិនធម្មតា ទើបនាង និងមិត្តប្រុសសម្រេចចិត្តចែករំលែកដំណើរដើមទងដល់មហាជនឲ្យបានដឹង។
ដំបូងឡើយ នាងមានទម្ងន់ដល់ទៅ៣០០គីឡូក្រាម។ មូលហេតុនេះហើយ ទើបធ្វើឲ្យនាងមិនអាចដើរទៅណាមកណាដោយខ្លួនឯងបាន។ នាងក៏សម្រេចចិត្តធ្វើការសម្រក់ទម្ងន់។ មិត្តប្រុសរបស់នាងបានលើកទឹកចិត្តនាង ឲ្យទៅវះកាត់បង្រួមក្រពះនៅរដ្ឋតិចសាស។
ក្រោយការវះកាត់បានសម្រេច នាងបានតមអាហារ ហើយបរិភោគតែអាហារណាដែលល្អសម្រាប់សុខភាពតែប៉ុណ្ណោះ។ នាងបានទៅជួបជាមួយនឹងគ្រូពេទ្យជាប្រចាំ។ ទីបញ្ចប់នាងស្រក់បានដល់ទៅ១២០គីឡូក្រាម។
បើគ្រាន់តែមើលរូបថត យើងអាចនឹងមើលនាងមិនស្គាល់ក្រោយពេលសម្រក់ទម្ងន់។ ពិតជាមិនធម្មតាទេ ដែលអាចស្រក់បានច្រើនយ៉ាងនេះ៕
ចែករំលែកព័តមាននេះ