ថៃ ៖ តាមប្រភពព័ត៌មាន Oddity Central បានឲ្យដឹងថា កូនកំលោះរត់ចោលរោងការដោយសារតែគ្មានប្រាក់ជូនថ្លៃទឹកដោះដូចពាក្យសន្យា។ ខាងស្រីខឹងក៏ប្តឹងទៅសមត្ថកិច្ច។
គូស្នេហ៍ស្មោះស្ម័គ្រមួយគូ ដែលស្រឡាញ់គ្នាអស់រយៈពេល៦ឆ្នាំ បានសម្រេចថា នឹងរៀបការជាមួយគ្នានៅថ្ងៃទី២២ ខែតុលា នៅភូមិ Khao Din ស្រុក Kabin Buri។ ខាងប្រុសដែលមានឈ្មោះថា Boonyang Sawatdee បានមកលេងនៅខាងស្រីឈ្មោះថា Arunee Jaengkrachang ជាធម្មតានៅមុនថ្ងៃការមួយថ្ងៃ។ ខាងប្រុសបានព្រមព្រៀងថា នឹងជូនថ្លៃទឹកដោះចំនួន៦ពាន់ដុល្លានៅថ្ងៃរៀបការ។ តែដល់ថ្ងៃរៀបការ ស្រាប់តែមិនឃើញខាងប្រុសចូលរោងទាល់តែសោះ។
ដោយសារតែមិនឃើញខាងប្រុសមក ក្រុមគ្រួសារខាងស្រីបានទូរស័ព្ទសួរ តែខាងប្រុសប្រាប់ថា ពួកគេនឹងមកយឺតបន្តិច។ ខាងស្រីក៏ដាច់ចិត្តប្រាប់ភ្ញៀវថា ម៉ោង៩ទើបកម្មវិធីចាប់ផ្តើម។ ដល់ពេលកាន់តែយូរ កម្មវិធីក៏បានរំសាយចោល ហើយកូនក្រមុំកំសត់បានទៅផ្ទះកូនកំលោះមើល ស្រាប់តែមិនឃើញមានមនុស្សទាល់តែសោះ។
ដោយទង្វើរបស់ខាងប្រុសហាក់បីដូចជាមើលស្រាលខាងស្រីពេក ទើបខាងស្រីសម្រេចចិត្តដាក់ពាក្យបណ្តឹង៕
ចែករំលែកព័តមាននេះ