ខេត្តកំពត ៖ ដើមខោសជារុក្ខជាតិដុះនៅតាមព្រៃភ្នំធំៗដូចជា ភ្នំបូកគោ ភ្នំកំចាយ ទឹកឈូ ភ្នំខេត្តកោះកុង ។ល។ រុក្ខជាតិមួយនេះមានផលប្រយោជន៍សម្រាប់បម្រើសេចក្តីត្រូវការរបស់ប្រជាពលរដ្ឋកម្ពុជា និងផ្តល់អនុផលដូចជា ផ្លែសម្រាប់ជាចំណីហូបស្រដៀងមើមសណ្តែកដី ហើយរសជាតិគ្រាប់ផ្លែខោសមិនទ្រលាន់ដូចសណ្តែកដីទេ ។
ខេត្តកំពត ៖ ដើមខោសជារុក្ខជាតិដុះនៅតាមព្រៃភ្នំធំៗដូចជា ភ្នំបូកគោ ភ្នំកំចាយ ទឹកឈូ ភ្នំខេត្តកោះកុង ។ល។ រុក្ខជាតិមួយនេះមានផលប្រយោជន៍សម្រាប់បម្រើសេចក្តីត្រូវការរបស់ប្រជាពលរដ្ឋកម្ពុជា និងផ្តល់អនុផលដូចជា ផ្លែសម្រាប់ជាចំណីហូបស្រដៀងមើមសណ្តែកដី ហើយរសជាតិគ្រាប់ផ្លែខោសមិនទ្រលាន់ដូចសណ្តែកដីទេ ។
ផ្លែខោសនៅខ្ចីមានស្រោមសម្បកពីក្រៅមានបន្លាខ្លីៗ លុះពេលទុំសម្បកស្រោបពីក្រៅរហែកចេញ ទើបគ្រាប់របស់វាជ្រុះរាយប៉ាយមកដី ។ ដើមខោសចេញផ្កាផ្លែនៅខែមិថុនា និងកក្កដា គឺក្នុងរដូវវស្សា លុះដល់ខែតុលា ទើបទុំជ្រុះ ។ ប៉ុន្តែតាមការចំណាំរបស់អ្នកភ្នំឱ្យដឹងថា ឆ្នាំណាដែលដើមខោសមានផ្លែច្រើនគឺឆ្នាំនោះជាឆ្នាំដែលកសិករជួបការរាំងស្ងួត ធ្វើស្រែពុំសូវបាន ឬទឹកភ្លៀងមានតិចក្នុងរដូវវស្សា តែបើឆ្នាំណាទឹកភ្លៀងច្រើន ឆ្នាំនោះរុក្ខជាតិខោសពុំសូវមានផ្លែទេ ហើយបើផ្លែក៏តិចតួចដែរ ។ ទោះជាបែបណា នេះគ្រាន់តែជាការចំណាំរបស់ចាស់ៗពីបុរាណមកតែប៉ុណ្ណោះ ។
ផ្លែខោសមានរសជាតិឆ្ងាញ់ មុននឹងបរិភោគគេយកវាមកស្ងោរឱ្យឆ្អិនរួចទើបយកទៅលីងដាក់ទឹកអំបិលឡមៗ លុះពេលលីងទៅឃើញគ្រាប់វាបែកមាត់ចាបបានន័យថាឆ្អិនហើយ និងបើចង់ឱ្យស្រួយត្រូវលីងឱ្យចាស់បន្តិចទើបគេយកទៅបរិភោគ ។លោកតាម្នាក់អាយុជាង៧០ឆ្នាំ បានឱ្យដឹងថា បើតាមគាត់ធ្លាប់ចំណាំតាំងពីដើមរៀងមក រុក្ខជាតិខោសមិនមែនផ្លែគ្រប់រដូវទេ គឺបីឆ្នាំទើបផ្លែម្តង ។ ក្នុងបីឆ្នាំផ្លែម្តងដែលគាត់ធ្លាប់ដឹងកន្លងមកនោះ ក៏មិនទៀងទាត់ដែរ កាលណាវាផ្លែ ឆ្នាំនោះប្រជាកសិករច្រើនតែធ្វើស្រែពុំសូវបានផល ពីព្រោះខ្វះទឹកភ្លៀង ឬទឹកភ្លៀងមិនគ្រប់គ្រាន់ ។ ដូច្នេះគេអាចសន្និដ្ឋានថា បើទឹកភ្លៀងនៅតាមស្រែធ្លាក់តិចតួចនៅព្រៃភ្នំក៏មានភ្លៀងធ្លាក់តិចដែរ ។
គួរបញ្ជាក់ថា រុក្ខជាតិមួយប្រភេទនេះប្រៀបដូចជាចរន្តធម្មជាតិទឹកភ្លៀងផងដែរ ហើយវាមិនងាយនឹងដុះនៅតាមព្រៃទួល ឬភ្លឺស្រែទេ គឺដុះក្នុងព្រៃភ្នំធំៗមានចម្ងាយជាច្រើនខ្នងភ្នំទើបមានដុះ ហើយការដុះរបស់វាគឺដុះស្រុះគ្នាមួយកន្លែងៗមានពី៥ដើមទៅ១០ដើម ។ រុក្ខជាតិខោសនេះក៏ជាឈើប្រភេទរឹង គេអាចយកទៅប្រើប្រាស់ជាគ្រឿងផ្ទះក៏បាន ។ ម្យ៉ាងទៀតរុក្ខជាតិជាពូជដ៏កម្រនេះ គួរតែសមត្ថកិច្ច និងប្រជាពលរដ្ឋគ្រប់មជ្ឈដ្ឋានជួយថែរក្សាការពារឱ្យបានគង់វង្សកុំកាប់បំផ្លាញដើម្បីបម្រើផលប្រយោជន៍សម្រាប់បុគ្គលណាម្នាក់ឱ្យសោះ ។ តាមតម្លៃដែលលក់ក្នុងផ្សារនៅខេត្តកំពត ផ្លែខោស១គីឡូក្រាមថ្លៃ៧ពាន់រៀល ៕
ចែករំលែកព័តមាននេះ