ខេត្តបន្ទាយមានជ័យ ៖ មន្ត្រីជាន់ខ្ពស់ក្រសួងមហាផ្ទៃ រាជរដ្ឋាភិបាលកម្ពុជា-ថៃ គ្រោងបើកច្រកអន្តរជាតិចំនួន៤កន្លែងទៀតជាប់ព្រំដែនថៃ បានលើកឡើងក្នុងឱកាសបញ្ចុះបឋមសីលាអគារស្នាក់ការនគរបាលអន្តរប្រវេសន៍ច្រកទ្វារអន្តរជាតិប៉ោយប៉ែត នៅថ្ងៃទី៣០ ខែតុលា ឆ្នាំ២០១៧ នៅខេត្តបន្ទាយមានជ័យ…
ខេត្តបន្ទាយមានជ័យ ៖ មន្ត្រីជាន់ខ្ពស់ក្រសួងមហាផ្ទៃ រាជរដ្ឋាភិបាលកម្ពុជា-ថៃ គ្រោងបើកច្រកអន្តរជាតិចំនួន៤កន្លែងទៀតជាប់ព្រំដែនថៃ បានលើកឡើងក្នុងឱកាសបញ្ចុះបឋមសីលាអគារស្នាក់ការនគរបាលអន្តរប្រវេសន៍ច្រកទ្វារអន្តរជាតិប៉ោយប៉ែត នៅថ្ងៃទី៣០ ខែតុលា ឆ្នាំ២០១៧ នៅខេត្តបន្ទាយមានជ័យ ។
សម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃបានមានប្រសាសន៍ថា ៖ នៅប្រទេសកម្ពុជាមានទីស្នាក់ការត្រួតពិនិត្យច្រកទ្វារព្រំដែនចំនួន៧៣កន្លែង និងច្រកអន្តរជាតិ និងច្រកតំបន់ព្រំដែនចំនួន២៤កន្លែង និងច្រកទ្វារព្រំដែនទ្វេរភាគីចំនួន១៤កន្លែង ច្រកទ្វារព្រំដែនតំបន់ចំនួន២៥កន្លែង ច្រកទ្វារកំពង់ផែចំនួន១០កន្លែង ច្រកទ្វារព្រំដែនអន្តរជាតិចំនួន៤កន្លែង ច្រកទ្វារអាកាសយាន្តចំនួន៣កន្លែង ច្រកទ្វារអន្តរជាតិចំនួន១៧កន្លែង ។
សម្តេចក្រឡាហោម បានបញ្ជាក់ថា ៖ ច្រកអន្តរជាតិកម្ពុជាជាប់ព្រំដែនប្រទេសវៀតណាមចំនួន១០កន្លែង និងច្រកទ្វារអន្តរជាតិកម្ពុជាជាប់ព្រំដែនប្រទេសថៃមានចំនួន៩កន្លែង និងច្រកទ្វារអន្តរជាតិកម្ពុជាជាប់ព្រំដែនប្រទេសឡាវមានចនួន១កន្លែង ។
សម្តេចក្រឡាហោម ស ខេង បានមានប្រសាសន៍ថា ៖ ថ្មីនេះរាជរដ្ឋាភិបាលកម្ពុជា-ថៃ បានឯកភាពបង្កើតច្រកទ្វារព្រំដែនអន្តរជាតិចំនួន៤កន្លែងមាន ១.ច្រកទ្វារអន្តរជាតិអានសេះ ស្ថិតក្នុងខេត្តព្រះវិហារ ជាប់ព្រំដែនខេត្តអ៊ុប៊ុន ២.ច្រកទ្វារអន្តរជាតិភ្នំដីខេត្តបាត់ដំបង ជាប់ព្រំដែនខេត្តស្រះកែវ ៣.ច្រកទ្វារអន្តរជាតិថ្មដាខេត្តពោធិ៍សាត់ ជាប់ព្រំដែនខេត្តត្រាត ៤.ច្រកទ្វារអន្តរជាតិជប់គគីរខេត្តឧត្តរមានជ័យ ជាប់ព្រំដែនខេត្តបូរីរ៉ាំ ៕
ចែករំលែកព័តមាននេះ