ខេត្តព្រៃវែង ៖ ឧបាសក ឧបាសិកាដែលមានស្រុកកំណើតនៅស្រុកព្រះស្តេចបានធ្វើអង្គកឋិនទានមហាសាមគ្គីទៅវេប្រគេនព្រះសង្ឃគង់ចាំព្រះវស្សាអស់ត្រីមាសនៅពុទ្ធសីមាវត្តស្វាយឧត្តម និងប្រមូលបច្ច័យសម្រាប់កសាងវត្តបានបច្ច័យសរុប៩៣លានរៀល ។ អង្គកឋិនទានមហាសាមគ្គីនេះបានវេប្រគេនប្រសង្ឃ នៅថ្ងៃទី២៩ តុលា ដោយមានប្រជាពុទ្ធបរិស័ទ…
ខេត្តព្រៃវែង ៖ ឧបាសក ឧបាសិកាដែលមានស្រុកកំណើតនៅស្រុកព្រះស្តេចបានធ្វើអង្គកឋិនទានមហាសាមគ្គីទៅវេប្រគេនព្រះសង្ឃគង់ចាំព្រះវស្សាអស់ត្រីមាសនៅពុទ្ធសីមាវត្តស្វាយឧត្តម និងប្រមូលបច្ច័យសម្រាប់កសាងវត្តបានបច្ច័យសរុប៩៣លានរៀល ។ អង្គកឋិនទានមហាសាមគ្គីនេះបានវេប្រគេនប្រសង្ឃ នៅថ្ងៃទី២៩ តុលា ដោយមានប្រជាពុទ្ធបរិស័ទ ឧបាសក ឧបាសិកា ចាស់ទុំដែលមានស្រុកកំណើតចំណុះជើងវត្តចំនួន៨ត្រៃយ៍ធំ ។
បើតាមលោកតា វ៉ា វណ្ណា គ្រូអាចារ្យវត្តស្វាយឧត្តមបានមានប្រសាសន៍ថា អង្គកឋិនទានមហាសាមគ្គីនេះដង្ហែមកពី៨កន្លែងផ្សេងៗគ្នា ធ្វើបុណ្យកឋិនទានមហាសាមគ្គីតាមទីតាំងភូមិនីមួយៗ រួចដង្ហែមកជួបជុំគ្នាវេប្រគេនព្រះសង្ឃគង់ចាំព្រះវស្សាអស់ត្រីមាសនៅក្នុងសីមាវត្តស្វាយឧត្តម និងដើម្បីប្រមូលបច្ច័យកសាងឧប្បដ្ឋានសាលា បង្ហើយ និងកសាងរបងវត្ត ។
លោកតាគ្រូអាចារ្យបន្តទៀតថា គណៈកម្មការអាចារ្យវត្តស្វាយឧត្តមកំពុងដំណើរការសាងសង់បង្ហើយឧប្បដ្ឋានសាលា និងបន្តកសាងរបងវត្ត ចាក់ដីទីធ្លាវត្ត និងចាក់ខ្សាច់ភ្នំ លើផ្លូវលំចូលវត្ត ដោយសទ្ធាជ្រះថ្លា របស់ប្រជាពុទ្ធបរិស័ទ ទាយកទាយិកា បានធ្វើបុណ្យកឋិនទានមហាសាមគ្គីទាំង៨កន្លែងដង្ហែមកវេប្រគេនព្រះសង្ឃគង់ចាំព្រះវស្សាអស់ត្រីមាស និងបានប្រមូលបច្ច័យកសាងសរុប៩៣លានរៀលក្នុងនាមគណៈកម្មការគ្រូអាចារ្យ និងព្រះសង្ឃព្រះចៅអធិការវត្តស្វាយឧត្តមសូមជូនពរ ដល់ម្ចាស់ផ្តើមបុណ្យ ប្រជាពុទ្ធបរិស័ទទាយកទាយិកា ទាំង៨ទិស សូមទទួលបានពរបីប្រការគឺ សម្បត្តិមនុស្សមួយ មានអាយុ វណ្ណៈ សុខៈពលៈ សម្បត្តិ ទេវតា មួយ សម្បត្តិ ព្រះនិព្វានមួយដែលជាស្ថានបរមសុខ ចាកផុតទុក្ខទាំងពួងកម្បីក្លាយជាប្រការដ៏ទៃឡើយ ៕
ចែករំលែកព័តមាននេះ