ខេត្តបន្ទាយមានជ័យ ៖ ដោយឃើញពីស្ថានភាពសាលារៀនមានភាពចាស់ទ្រុឌទ្រោម លោកជំទាវ ញ៉ែម សាខន និងជំទាវ ម៉ៅ ម៉ាល័យ បានជួយអគារសិក្សា១ខ្នង៥បន្ទប់ ត្រូវបានបញ្ចុះបឋមសីលាសាងសង់នៅរសៀលកាលពីថ្ងៃទី២៨ ខែតុលា ឆ្នាំ២០១៧ នៅចំណុចសាលាឧបសម្ព័ន្ធព្រែករពៅ ស្ថិតឃុំឫស្សីក្រោក ស្រុកមង្គលបូរី ។
លោក ដា ស៊ីណង់ អភិបាលរងស្រុកមង្គលបូរី បានមានប្រសាសន៍រាយការថា សាលាឧបសម្ព័ន្ធព្រែករពៅ អគារចាស់ធ្វើអំពីឈើជញ្ជាំងក្ដារប្រក់ស័ង្កសី ហើយបានកសាងឡើងរយៈពេលយូរមកហើយ រហូតពេលនេះមានសភាពទ្រុឌទ្រោមនៅរដូវវស្សាទឹកលិចស្ទើររាល់ឆ្នាំ បណ្តាលឲ្យសិស្សខាតពេលវេលាសិក្សា ។
លោកបានបញ្ជាក់ថា ដោយឃើញពីសភាពអគារសិក្សាមានភាពចាស់ទ្រុឌទ្រោម និងសិស្សជួបការលំបាក់នៅរដូវវស្សាទឹកលិច អាជ្ញាធរស្រុកបានស្នើរសុំលោកជំទាវ លោកជំទាវ ញ៉ែម សាខន និងជំទាវ ម៉ៅ ម៉ាល័យ បានសន្យាជួយអគារសិក្សា១ខ្នង៥បន្ទប់ កសាងអំពីថ្មប្រកក្បឿងត្រូវបានបញ្ចុះបឋមសីលាសាងសង់នៅពេលនេះ ។
លោក សួន បវរ អភិបាលខេត្តបន្ទាយមានជ័យ មានប្រសាសន៍ថ្លែងអំណរគុណចំពោះលោកជំទាវ ញ៉ែម សាខន សម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃ និងជំទាវ ម៉ៅ ម៉ាល័យ លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ដែលបានជួយអគារសិក្សា១ខ្នង៥បន្ទប់ ដល់សាលាឧបសម្ព័ន្ធព្រែករពៅ ស្ថិតឃុំឫស្សីក្រោក ស្រុកមង្គលបូរី ៕
ចែករំលែកព័តមាននេះ