ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្តសហការជាមួយកម្លាំងអធិការដ្ឋាននគរបាលស្រុកបន្ទាយស្រីកម្លាំងអធិការ ដ្ឋាននគរបាលក្រុងសៀមរាម និងកម្លាំងនគរបាលអន្តរាគមន៍បានចុះប្រតិបត្តិការ បង្ក្រាបករណី ជួញដូរ និងប្រើប្រាស់ ដោយខុសច្បាប់នូវសារធាតុញៀនឈានដល់ធ្វើការឃាត់ខ្លួនបានជនសង្ស័យប្រុស ស្រី ជាបន្តបន្ទាប់ចំនួន១០នាក់ ។ ហេតុការណ៍ប្រត្តិបតិ្តការបង្ក្រាបករណីជួញដូរ និងប្រើប្រាស់នោះធ្វើឡើងនៅកន្លែងផ្សេងគ្នា ក្នុងខេត្តសៀមរាប នាថ្ងៃទី២៦ ខែតុលា ឆ្នាំ២០១៧ ។
តាមប្រភពពីកម្លាំងការិយាល័យជំនាញខេត្តបានប្រាប់ថា បន្ទាប់ពីកម្លាំងធ្វើការឃាត់ខ្លួនបានជនសង្ស័យប្រុស ស្រីទាំង១០នាក់នោះ ដកហូតវត្ថុតាងរួមមាន ម្សៅមេតំហ្វេតាមីន ប្រភេទទឹកកកចំនួន៥កញ្ចប់ ស្មើនឹងទំងន់១,៩ក្រាមទាំងសំបក ទូរស័ព្ទដៃចំនួន៦គ្រឿង ឧបករណ៍ប្រើប្រាស់គ្រឿងញៀនមួយចំនួន ។
បច្ចុប្បន្នជនសង្ស័យប្រុស ស្រីទាំង១០នាក់ ក្នុងនោះ ជនសង្ស័យ៣នាក់បញ្ជូនទៅមណ្ឌលកែប្រែ ចំណែក៧នាក់ បញ្ចូនទៅសាលាដំបូងដើម្បីចាត់ការបន្តតាមនីតិវីធី ៕
ចែករំលែកព័តមាននេះ