ខេត្តស្វាយរៀង ៖ ពិធីប្រណាំងទូកប្រពៃណីខ្នាតអន្តរជាតិ និងទូកក្តារបីសន្លឹកលើកទី០៨នៅទន្លេវ៉ៃគោ ក្នុងក្រុងស្វាយរៀង បានប្រារព្ធឡើងកាលពីព្រឹកថ្ងៃទី២៨ តុលា ក្រោមអធិបតីលោកជំទាវម៉ែន សំអន ឧបនាយករដ្ឋមន្ត្រីអញ្ជើញ…
ខេត្តស្វាយរៀង ៖ ពិធីប្រណាំងទូកប្រពៃណីខ្នាតអន្តរជាតិ និងទូកក្តារបីសន្លឹកលើកទី០៨នៅទន្លេវ៉ៃគោ ក្នុងក្រុងស្វាយរៀង បានប្រារព្ធឡើងកាលពីព្រឹកថ្ងៃទី២៨ តុលា ក្រោមអធិបតីលោកជំទាវម៉ែន សំអន ឧបនាយករដ្ឋមន្ត្រីអញ្ជើញ និងមានការអញ្ជើញចូលរួមពីរសំណាក់អភិបាល អភិបាលរងខេត្ត ក្រុមប្រឹក្សាខេត្តគណៈប្រតិភូថ្នាក់ជាតិ អន្តរជាតិនិងប្រតិភូទូកមកពីបណ្តាខេត្តនានា និងប្រជាពលរដ្ឋប្រមាណជាង១ម៉ឺននាក់ ។
លោកម៉ែន វិបុល ថា ទន្លេវ៉ៃគោជាអាងស្តុកទឹកដ៏សំខាន់ អាចផ្ទុកទឹកបានប្រមាណ៣០លានម៉ែត្រគូប សម្រាប់បំរើលើវិស័យកសិកម្ម និងអំណោយផលសម្រាប់រៀបចំពិធីប្រណាំងទូក ដើម្បីបង្កភាពសប្បាយរីករាយដល់ប្រជាពលរដ្ឋបានទស្សនាកំសាន្ត ចាប់តាំងពីឆ្នាំ២០០៨ ផ្តួចផ្តើមពីសំណាក់លោកនាយឧត្តមសេនីយ៍ហុក ឡង់ឌី អតីតអគ្គស្នងការនគបាលជាតិ មកដល់ឆ្នាំ២០១៧នេះ គឺប្រណាំងទូកលើកទី៨ ដោយមានចំណុះទូកសរុប៤៦ទូក ក្នុងនោះទូកក្តាបីសន្លឹកបុរសនារី ចំនួន៤ទូក។
លោកម៉ែន វិបុល បានថ្លែងអំណគុណដល់លោកជំទាវម៉ែន សំអនឧបនាយករដ្ឋមន្ត្រី និងលោកនាយឧត្តមសេនីយ៍ សៅ សុខា អគ្គមេបញ្ជាការរងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ព្រមទាំងអ្នកឧកញ៉ា ក្រុមការងារថ្នាក់ជាតិចុះមូលដ្ឋានខេត្តស្វាយរៀងក្រមអាជីវករបានជួយឧបត្ថម្ភគាំទ្រក្នុងការរៀបចំពិធីប្រណាំងទូកឆ្នាំ២០១៧នេះ ដោយមានទូកចូលរួមប្រណាំង៤៦ទូក មានកីឡាករសរុប១,២១៤នាក់នារី៦នាក់ ក្នុងនោះកីឡាករពេញសិទ្ធិ ៩៣៥នាក់និងកីឡាករបម្រុង២៧៩នាក់និងមានប្រតិភូដឹកនាំទូក២៣៩នាក់។
ចែករំលែកព័តមាននេះ