ខេត្តកណ្តាល ៖ នារីម្នាក់ទើបមានអាយុ១៩ឆ្នាំ បានត្រូវយុវជនម្នាក់ដែលស្គាល់គ្នាតាមទូរស័ព្ទហើយស្ម័គ្រធ្វើជាសង្សារនោះ នាំយកទៅរំលោភបូកជាមួយមិត្តភក្ដិ៤នាក់ទៀត រហូតបានសម្រេចម្នាក់ៗ២លើកនិង២ថ្ងៃជាប់គ្នា នៅក្នុងឃុំព្រែកតាកូវ ស្រុកខ្សាច់កណ្ដាល កាលពីយប់ថ្ងៃទី២១ និងទី២២ ខែតុលា ។ លុះមកដល់រសៀលថ្ងៃទី២៦ ខែតុលា ទើបនារីរងគ្រោះដាក់ពាក្យប្ដឹង ហើយនគរបាលចាប់ខ្លួនជនសង្ស័យបាន២នាក់ ឯ៣នាក់ទៀតគេចខ្លួនបាត់ស្រមោល ។
មន្ត្រីនគរបាលស្រុកខ្សាច់កណ្ដាលបានឲ្យដឹងថា ជនដែលត្រូវបានចាប់ខ្លួននេះ ម្នាក់ឈ្មោះ ឡូ សិលា ហៅពៅ អាយុ២៤ឆ្នាំ ជាកម្មករសំណង់ និងម្នាក់ទៀតឈ្មោះ ថុនឈុន
លី អាយុ១៧ឆ្នាំ ជាអ្នកបើករថយន្តដឹកគ្រឿងសំណង់ ទាំង២នាក់មានទីលំនៅក្នុងឃុំខាងលើ ។ចំណែកអ្នកគេចខ្លួន៣នាក់ក៏ត្រូវបានស្គាល់អត្តសញ្ញាណហើយដែរគឺ ១-ឈ្មោះ សេង នៅ ហៅណាក់ អាយុ២១ឆ្នាំ ២-ឈ្មោះ ព្រិល ម៉ូ អាយុ១៧ឆ្នាំ និង៣-ឈ្មោះ ទូច រ័ត្ន ហៅវៃ អាយុ២២ឆ្នាំ ទាំង៣នាក់ជាកសិករ និងមានទីលំនៅក្នុងឃំុដែរ ។ រីឯនារីរងគ្រោះ មានទីលំនៅក្នុងស្រុកឧដុង្គ ខេត្តកំពង់ស្ពឺ ។ប្រភពដដែលឱ្យដឹងទៀតថា ក្រុមជននេះនិងនារីរងគ្រោះគឺជាអ្នកប្រើប្រាស់គ្រឿងញៀន។
រយៈពេលមួយខែមកហើយ នាងបានចេញពីស្រុកកំណើតមកស្នាក់នៅជាមួយមិត្តភក្តិនៅភ្នំពេញ ហើយក៏បានស្គាល់ជនឈ្មោះ សេង នៅ ហៅណាក់ តាមរយៈទូរស័ព្ទ និងបានស្រឡាញ់គ្នាជាសង្សារទៀតផង ។ នៅថ្ងៃទី២១ ខែតុលា ពួកគេបានណាត់ជួបគ្នានៅម៉ោង៥ល្ងាច ហើយជនឈ្មោះ សេង នៅ ហៅណាក់ និងឈ្មោះ ឡូ សិលា ហៅពៅ បានជិះម៉ូតូទៅឌុបនារីរងគ្រោះនៅម្តុំស្ថានីយប្រេងតេលាស្ទឹងមានជ័យ រាជធានីភ្នំពេញ យកមកកាន់ផ្ទះគ្មានមនុស្សនៅមួយនៅឃុំព្រែកតាកូវស្រុកខ្សាច់កណ្តាល ។
បន្ទាប់មកជនទាំង៥នាក់ រួមទាំងនារីរូបនេះផង បាននាំគ្នាប្រើប្រាស់គ្រឿងញៀននៅទីនោះ បន្ទាប់មកជនឈ្មោះ សេង នៅ ហៅណាក់ បានរំលោភនាងមុនគេ ហើយជាបន្តបន្ទាប់ឈ្មោះ ឡូ សិលា ហៅពៅ ឈ្មោះ ថុន ឈុនលី ឈ្មោះ ទូច រ័ត្ន និងឈ្មោះ ព្រិល ម៉ូ ក៏បានធ្វើសកម្មភាពរំលោភ់ រហូតបានសម្រេចទាំងអស់គ្នា ។នៅថ្ងៃទី២២ ខែតុលា វេលាម៉ោង៩យប់ជនទាំង៥នាក់ បានមកប្រើប្រាស់គ្រឿងញៀននៅកន្លែងដដែល និងបានរំលោភនារីរងគ្រោះបានសម្រេចទាំង៥នាក់ទៀត ។
លុះដល់ថ្ងៃទី២៦ ខែតុលា វេលាម៉ោង៥ល្ងាច នារីរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលព្រែកតាកូវ ទើបមានការចុះស្រាវជ្រាវឃាត់ខ្លួនបាន២នាក់ គឺឈ្មោះ ឡូ សិលា ហៅពៅ និងឈ្មោះ ថុន ឈុនលីរួចបញ្ជូនទៅអធិការដ្ឋាននគរបាលស្រុកខ្សាច់កណ្តាលដើម្បីសាកសួរ និងកសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ