រាជធានីភ្នំពេញ ៖ ថ្លែងជាសាធារណៈសម្តេចតេជោ ហ៊ុន សែន អតីតនាយករដ្ឋ មន្ត្រីកម្ពុជា និងបច្ចុប្បន្នជាប្រធានព្រឹទ្ធសភានៃកម្ពុជាបានគូសបញ្ជាក់ថារាល់គ្រប់ជំនួប ជាមួយអ្នកការទូត ឬអ្នកនយោ…
រាជធានីភ្នំពេញ ៖ ថ្លែងជាសាធារណៈសម្តេចតេជោ ហ៊ុន សែន អតីតនាយករដ្ឋ មន្ត្រីកម្ពុជា និងបច្ចុប្បន្នជាប្រធានព្រឹទ្ធសភានៃកម្ពុជាបានគូសបញ្ជាក់ថារាល់គ្រប់ជំនួប ជាមួយអ្នកការទូត ឬអ្នកនយោ បាយនៃបណ្ដាប្រទេសមួយចំនួន សម្តេច តែងរំលឹកពួកគេ កុំឱ្យកសាងកំហុសលើកទី៣ លើកម្ពុជា ព្រោះពួកគេធ្លាប់កសាងកំហុស ២លើករួចមកហើយ ។
ថ្លែងក្នុងឱកាសអញ្ជើញបិទសន្និសីទលើកទី១ ស្តីពី «អនាគតកម្ពុជាគ្មាន អំពើប្រល័យ ពូជសាសន៍» នាថ្ងៃទី២២ ខែឧសភា ឆ្នាំ២០២៤នេះ សម្ដេចតេជោ ហ៊ុន សែន បានគូសបញ្ជាក់យ៉ាងដូច្នេះថា៖«ខ្ញុំគួរតែបញ្ជាក់ចំណុចនេះ ខ្ញុំតែងបានជួបជាមួយអ្នកកាទូត ឬអ្នកនយោបាយនៃប្រទេសមួយចំនួន ខ្ញុំតែងរំលឹកពួកគេថា សូមអ្នកកុំកសាងកំហុសទី៣ ព្រោះពួកអ្ន កធ្លាប់បានកសាងកំហុស២លើករួចមកហើយ។
លើកទី១ ជាអ្វី អស់លោកគិតមើល តើមានប្រទេសប៉ុន្មានទៅដែលបានគាំទ្រ លន់ នល់ ធ្វើរដ្ឋប្រហារ ក្នុងពេលដែលគេតាំងខ្លួ នជាអ្នកប្រជាធិបតេយ្យ គេធ្វើរដ្ឋប្រហារទម្លាក់ សម្តេចព្រះនរោត្តម សីហនុ ជារដ្ឋប្រហារយោធា ក្នុងពេលដែលគេតាំងខ្លួនជាប្រទេសប្រជាធិបតេយ្យ»។
អតីតនាយករដ្ឋមន្ត្រីកម្ពុជាបានលើកឡើងថា កំហុសទាំង២លើក ដែលបរទេសបង្កើតឡើងលើដីកម្ពុជារួមមាន៖ ទី១.បរទេសគាំទ្ររដ្ឋប្រហារទម្លាក់សម្ដេច សីហនុ រហូតឈានមានសង្គ្រាមប្រល័យពូជសាសន៍ និងទី២.ការគាំទ្ររបស់បរទេសដ ល់អាសនៈរបស់ខ្មែរក្រហមនៅអង្គការសហប្រជាជាតិ រយៈពេល១២ឆ្នាំ ហើយមកធ្វើបាបអ្នកដែលប្រឹងប្រែង រស់ងើបចេញពីរបបខ្មែរក្រហម។
សម្តេចតេជោបានបន្ថែមថា បើអន្តរជាតិប្រកាន់យកឥរិយាបថដាក់ទណ្ឌកម្មលើពួករបប លន់ នល់ ដូចធ្វើដាក់របបយោធារបស់មីយ៉ាន់ម៉ា នាពេលបច្ចុប្បន្ន ប្រហែលជាកម្ពុជា មិនធ្លាក់ ដល់ដៃពួកខ្មែរក្រហមកាន់កាប់អំណាច រហូតសម្លាប់អាយុជីវិតប្រជាជនស្លូតត្រង់ រាប់លាននាក់នោះទេ។
សម្តេចតេជោថា៖ «ការទទួលស្គាល់ឱ្យខ្មែរក្រហមអង្គុយ១២ឆ្នាំ នៅអង្គការសហ ប្រជាជាតិហើយមកដាក់ទណ្ឌកម្ម អ្នកដែលបានប្រឹងប្រែងងើបឡើង ដើម្បីប្រឆាំង ប៉ុល ពត ស៊ីអត់ ស៊ីឃ្លាននៅទីនេះ អ៊ឹចឹងសូមកុំសាងកំហុសលើកទី៣ ចំពោះកម្ពុជា ព្រោះអ្នកបាន កសាងកំហុស២លើករួចមក ហើយចំពោះកម្ពុជា»។
ក្នុងឱកាសនោះដែរ សម្តេចតេជោ ហ៊ុន សែន ថ្លែងថា រាជរដ្ឋាភិបាលកម្ពុជា ក្រោមការដឹកនាំរបស់គណបក្សប្រជាជនកម្ពុជា ត្រូវប្រកាន់ខ្ជាប់នូវការប្រុងប្រយ័ត្នខ្ពស់ ដោយមិនអនុញ្ញាតឱ្យមានសមាសភាពណាមួយក្នុងសង្គមបណ្តុះពន្លក នៃវប្បធម៌ នយោបាយជ្រុលនិយម ម្តងទៀតបានឡើយ តាមរយៈការសាបព្រួសមនោគមន៍វិជ្ជា និងការជំរុញចលនាតស៊ូវណ្ណៈ ការស្អប់ខ្ពើមប្រឆាំងនឹងអាជ្ញាធរស្របច្បាប់ ការប៉ុន ប៉ងផ្លាស់ប្តូរដែលផ្ទុយនឹងគោលការណ៍លទ្ធិប្រជាធិបតេយ្យ និងការរើសអើងពូជសាសន៍ជាដាច់ខាត ៕
ចែករំលែកព័តមាននេះ