ខេត្តបន្ទាយមានជ័យ ៖ អង្គភាពស៊ីម៉ាក់ធ្វើការបោសសំអាតមីននៅលើផ្ទៃដីចំនួន៧ហិកតា ដោយបានរកឃើញគ្រាប់យុទ្ធភណ្ឌមិនទាន់ផ្ទុះចំនួន៨៩គ្រាប់ ហើយត្រូវបានយកកម្ទេចចោល កាលពីថ្ងៃទី២១ ខែឧសភា ឆ្នាំ២០២៤ ស្ថិតក្នុងភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ។
កម្លាំងអង្គភាពកំចាត់មីន (CMAX) បានប្រាប់ថា ដើម្បីការពារសុវត្ថិភាពជូនបងប្អូនប្រជាពលរដ្ឋអង្គភាពកំចាត់មីនបានធ្វើការបោសសំអាតមីនឮនៅលើដី៧ហិកតារបស់ឈ្មោះ កុក អាន ស្ថិតភូមិខាងលើ បានរកឃើញគ្រាប់យុទ្ធភណ្ឌមិនទាន់ផ្ទុះចំនួន៨៩គ្រាប់ ក្នុងនោះមាន១-គ្រាប់បែកដៃM67ចំនួន៨០គ្រាបផលិតនៅUSA ២-គ្រាប់ត្បាល់82ម៉ីលីម៉ែត្រចំនួន២គ្រាប់ ៣-ក្បាលផ្ទុះចំនួន៦គ្រាប់ផលិតនៅប្រទេសចិន ៤-ម៉ីនPOMZចំនួន១គ្រាប់ ផលិតនៅប្រទេសសូវៀត។
កម្លាំងអង្កភាពកំចាត់មីនបានបញ្ជាក់ថា គ្រាប់យុទ្ធភ័ណមិនផ្ទុះដែលអង្គភាពស៊ីម៉ាក់រកឃើញក្នុងដីរបស់ឈ្មោះ កុក អាន នេះជាគ្រាប់យុទ្ធភណ្ឌ៤ប្រភេទចំនួន៨៩គ្រាប់ ដែលសេសសល់ពីសម័យសង្គ្រាមដែលមានគុណភាពក្រោយរកឃើញហើយកម្លាំងបោះសំអាតមីនបានយកទៅកំទិចចោល។
អង្គភាពកំចាត់មីនបានណែនាំដល់បងប្អូនប្រជាពលរដ្ឋ ជាពិសេស រស់នៅតាមជាយដែនមុនចូលព្រៃបើឃើញមានផ្លាកសញ្ញាគ្រោះថ្នាក់ គឺហាមចូលបើប្រទះគ្រាប់យុទ្ធភណ្ឌមិនទាន់ផ្ទុះ សូមកុំប៉ះពាល់ ហើយត្រូវប្រញាប់ប្រាប់ទៅអាជ្ញាធរ និងសមត្ថកិច្ចក្នុងមូលដ្ឋាន ហើយរាយការណ៍ជូនអង្គភាពកំចាត់មីន ដើម្បីទៅពិនិត្យយកមកកម្ទេចចោលដើម្បីការពារសុវត្ថិភាពប្រជាពលរដ្ឋ ។
ចែករំលែកព័តមាននេះ