ប៉េងប៉ោះគឺជាបន្លែដែលជាផ្នែកមួយនៃតម្រូវការក្នុងការធ្វើម្ហូបភាគច្រើនរបស់យើង ។ ការទទួលទានផ្លែប៉េងប៉ោះជួយជំរុញសុខភាពទូទៅរបស់យើង ហើយក៏ធ្វើឲ្យអាហារមានរសជាតិកាន់តែប្រសើរដែរ ។ ម្យ៉ាងទៀត ផលប្រយោជន៍ចំពោះសុខភាពរបស់ផ្លែប៉េងប៉ោះរួមមានពង្រឹងសុខភាពភ្នែក សុខភាពក្រពះល្អ ក៏ដូចជាការកាត់បន្ថយសម្ពាធឈាម ។…
ប៉េងប៉ោះគឺជាបន្លែដែលជាផ្នែកមួយនៃតម្រូវការក្នុងការធ្វើម្ហូបភាគច្រើនរបស់យើង ។ ការទទួលទានផ្លែប៉េងប៉ោះជួយជំរុញសុខភាពទូទៅរបស់យើង ហើយក៏ធ្វើឲ្យអាហារមានរសជាតិកាន់តែប្រសើរដែរ ។ ម្យ៉ាងទៀត ផលប្រយោជន៍ចំពោះសុខភាពរបស់ផ្លែប៉េងប៉ោះរួមមានពង្រឹងសុខភាពភ្នែក សុខភាពក្រពះល្អ ក៏ដូចជាការកាត់បន្ថយសម្ពាធឈាម ។
នៅក្នុងអត្ថបទនេះយើងបានរៀបរាប់នូវមូលហេតុមួយចំនួនដែលអ្នកត្រូវតែបរិភោគប៉េងប៉ោះជាប្រចាំថ្ងៃ ។
១-ការពារជំងឺមហារីក
ផ្លែប៉េងប៉ោះគឺជាប្រភពនៃសារធាតុប្រឆាំងអុកស៊ីតកម្ម និងវីតាមីនសេដែលជួយប្រឆាំងនឹងរ៉ាឌីកាល់សេរីទប់ស្កាត់នឹងជំងឺមហារីក ។ សារធាតុ lycopene ក្នុងបរិមាណខ្ពស់នៅក្នុងផ្លែប៉េងប៉ោះជួយទប់ស្កាត់ជំងឺមហារីក ។
២-ការពារបេះដូងរបស់អ្នក
ផ្លែប៉េងប៉ោះមានផ្ទុកជាតិកូលីន ប៉ូតាស្យូម ជាតិសរសៃ និងវីតាមីនសេដែលជួយពង្រឹងមុខងាររបស់បេះដូង ។ ការទទួលជាតិប៉ូតាស្យូមក្នុងកម្រិតខ្ពស់មានប្រសិទ្ធភាពក្នុងការកាត់បន្ថយហានិភ័យនៃជំងឺសរសៃឈាមបេះដូង។ នេះគឺជាអត្ថប្រយោជន៍ចម្បងមួយនៃផ្លែប៉េងប៉ោះ ។
៣-ទប់ស្កាត់ជំងឺទឹកនោមផ្អែម
ជាតិសរសៃក្នុងបរិមាណដ៏ខ្ពស់នៅក្នុងប៉េងប៉ោះជួយកាត់បន្ថយការប្រឈមនឹងជំងឺទឹកនោមផ្អែម ។ អាហារសំបូរជាតិសរសៃដូចជាផ្លែប៉េងប៉ោះជួយក្នុងការគ្រប់គ្រងកម្រិតអាំងស៊ុយលីន ។
៤-ល្អសម្រាប់សុខភាពស្បែក
ប៉េងប៉ោះផ្ទុកនូវវីតាមីនសេដែលត្រូវការជាចាំបាច់សម្រាប់ការសំយោគស្រទាប់កូឡាជែនលើស្បែក ។ វាអាចជួយរក្សាភាពទន់រលោងលើស្បែក ធ្វើឲ្យស្បែកមិនងាយជ្រីវជ្រួញ និងជួយធ្វើឲ្យមុខរបួសឆាប់ជា ។
៥-កាត់បន្ថយជំងឺបាក់ទឹកចិត្ត
ការបន្ធូរបន្ថយជំងឺបាក់ទឹកចិត្ត និងភាពតានតឹងគឺជាផលប្រយោជន៍ដ៏សំខាន់មួយនៃប៉េងប៉ោះ ។ សារជាតិ Folate ដែលមាននៅក្នុងប៉េងប៉ោះជួយក្នុងការដោះស្រាយជាមួយនឹងជំងឺបាក់ទឹកចិត្តដោយទប់ស្កាត់មិនឲ្យមានការកើនឡើងនៃជាតិ homocysteine ច្រើនហួសប្រមាណ ៕
ចែករំលែកព័តមាននេះ