ទីភ្នាក់ងារសន្តិសុខសហព័ន្ធរុស្ស៊ី FSB រាយការណ៍ថាសមយុទ្ធអន្តរជាតិតស៊ូប្រឆាំងភេរវកម្ម នុយក្លេអ៊ែរបានចាប់ផ្តើមកាលពីថ្ងៃទី២៧ កញ្ញា នៅក្រុងមូស្គូ ។សេចក្តីប្រកាសមួយចេញផ្សាយដោយ FSBឱ្យដឹងថាសមយុទ្ធមានឈ្មោះថា GUARD ២០១២ ចូលរួមដោយប្រទេស៥៨ ព្រមទាំងពួកអ្នកសង្កេតការណ៍របស់ទីភ្នាក់ងារថាមពលបរមាណូអន្តរជាតិ របស់ប៉ូលិសអន្តរជាតិINTERPOL
ទីភ្នាក់ងារសន្តិសុខសហព័ន្ធរុស្ស៊ី FSB រាយការណ៍ថាសមយុទ្ធអន្តរជាតិតស៊ូប្រឆាំងភេរវកម្ម នុយក្លេអ៊ែរបានចាប់ផ្តើមកាលពីថ្ងៃទី២៧ កញ្ញា នៅក្រុងមូស្គូ ។សេចក្តីប្រកាសមួយចេញផ្សាយដោយ FSBឱ្យដឹងថាសមយុទ្ធមានឈ្មោះថា GUARD ២០១២ ចូលរួមដោយប្រទេស៥៨ ព្រមទាំងពួកអ្នកសង្កេតការណ៍របស់ទីភ្នាក់ងារថាមពលបរមាណូអន្តរជាតិ របស់ប៉ូលិសអន្តរជាតិINTERPOL ព្រមទាំងរបស់ការិយាល័យអ.ស.ប ប្រឆាំងគ្រឿងញៀន និងឧក្រិដ្ឋកម្ម ។
សមយុទ្ធនេះស្ថិតក្នុងក្របខណ្ឌនៃការផ្តួចផ្តើមគំនិតពិភពលោកដើម្បីប្រយុទ្ធប្រឆាំងភេរវកម្ម នុយក្លេអ៊ែរ ហើយមានគោលបំណងបង្ហាញវិធានការនានាប្រឆាំងពួកភេរវករ។ក្រសួងការពារប្រទេសរុស្ស៊ី និងទីភ្នាក់ងារបរមាណូរដ្ឋរុស្ស៊ី ROSATOM នឹងបង្ហាញបណ្តាបច្ចេកវិទ្យាចុងក្រោយទាំងឡាយសម្រាប់រាវរកសម្ភារនុយក្លេអ៊ែរនិងសារធាតុវិទ្យុសកម្ម ។
កាលពីឆ្នាំ២០០៦ ប្រធានាធិបតីរុស្ស៊ីនិងប្រធានាធិបតីអាមេរិកបានលើកឡើងរួមគ្នានូវការផ្តួចផ្តើមគំនិតពិភពលោក ដើម្បីប្រយុទ្ធប្រឆាំងភេរវកម្មនុយក្លេអ៊ែរ ហៅកាត់ថា GICNT ក្នុងឱកាសនៃកិច្ចប្រជុំកំពូលរបស់G-៨នៅទីក្រុងសាំងប៉េទ័រស្បួររបស់រុស្ស៊ី ។សហរដ្ឋអាមេរិក និងរុស្ស៊ីជាសហប្រធានរបស់GICNT ដែលមានប្រទេស ៨៥ ចូលរួម ៕
ចែករំលែកព័តមាននេះ