រាជធានីភ្នំពេញ ៖ រថយន្តឡង់គ្រីស្ស័រ ពណ៌ខ្មៅមួយគ្រឿង បើកថយក្រោយបានប៉ះរថយន្តហ៊ីយ៉ាន់ដាយពណ៌ខៀវ បែកស្តុបខ្លួនឯង ទាមទារឱ្យរថយន្តហ៊ីយ៉ាន់ដាយសងធ្វើឱ្យជជែកគ្នាយកឈ្នះរៀងខ្លួនរយៈពេល២ទៅ៣ម៉ោង នៅតែមិនអាចដោះស្រាយបានត្រូវសមត្ថកិច្ចយករថយន្តទាំង២គ្រឿងទៅរក្សាទុកនៅខណ្ឌចំការមន។ ហេតុការណ៍នេះកើតឡើងនៅចំណុចមហាវិថីម៉ៅសេទុង
រាជធានីភ្នំពេញ ៖ រថយន្តឡង់គ្រីស្ស័រ ពណ៌ខ្មៅមួយគ្រឿង បើកថយក្រោយបានប៉ះរថយន្តហ៊ីយ៉ាន់ដាយពណ៌ខៀវ បែកស្តុបខ្លួនឯង ទាមទារឱ្យរថយន្តហ៊ីយ៉ាន់ដាយសងធ្វើឱ្យជជែកគ្នាយកឈ្នះរៀងខ្លួនរយៈពេល២ទៅ៣ម៉ោង នៅតែមិនអាចដោះស្រាយបានត្រូវសមត្ថកិច្ចយករថយន្តទាំង២គ្រឿងទៅរក្សាទុកនៅខណ្ឌចំការមន។ ហេតុការណ៍នេះកើតឡើងនៅចំណុចមហាវិថីម៉ៅសេទុងកែងផ្លូវលេខ១១៣ ក្នុងសង្កាត់បឹងកេងកងទី៣ ខណ្ឌចំការមន កាលពីវេលាម៉ោង៧និង៤០នាទីយប់ថ្ងៃទី២៧ កញ្ញា ។
ប្រភពព័ត៌មានពីកន្លែងកើតហេតុបានឱ្យដឹងថា រថយន្តឡង់គ្រីស្ស័រ ពណ៌ខ្មៅ ដែលចតនៅចំណុចផ្លូវកែងនោះបានបើកថយក្រោយ ស្របពេលនោះរថយន្តហ៊ីយ៉ាន់ដាយចំណុះ១តោន ពណ៌ខៀវ បើកតាមមហាវិថីម៉ៅសេទុង ពីកើតទៅលិចមកដល់ល្មមក៏ត្រូវឡង់គ្រីស្ស័រថយទៅប៉ះធ្វើឱ្យបែកស្តុបក្រោយរបស់ឡង់គ្រីស្ស័រហើយទាមទារឱ្យហ៊ីយ៉ាន់ដាយសង តែមិនព្រមសងដោយអះអាងថា រថយន្តរបស់គាត់បើកផ្លូវត្រង់ ចំណែករថយន្តឡង់គ្រីស្ស័រថយក្រោយទៅប៉ះរថយន្តរបស់គាត់ហើយឱ្យសងទៀតគឺមិនអាចទៅរួចទេ ។
ហេតុការណ៍គ្រោះថ្នាក់នោះធ្វើឱ្យម្ចាស់រថយន្តទាំង២ជជែកគ្នា២ទៅ៣ម៉ោងនៅតែមិនត្រូវគ្នាទៀត ។ ទីបំផុតសមត្ថកិច្ចយករថយន្តទាំង២គ្រឿងទៅដោះស្រាយនៅខណ្ឌចំការមន តាមផ្លូវច្បាប់ ៕
ចែករំលែកព័តមាននេះ