ក្រុងប៉ោយប៉ែត ៖ ជនសង្ស័យដែលជាក្មេងទំនើងចំនួន៥នាក់ ត្រូវបានកម្លាំងកងរាជអាវុធហត្ថក្រុងប៉ោយប៉ែត ចាប់ឃាត់ខ្លួនបញ្ជូនទៅកាន់ទីបញ្ជាការប៉េអឹមក្រុងប៉ោយប៉ែត កាលពីវេលាម៉ោង១រំលងអធ្រាត្រឈានចូលថ្ងៃទី២៦ កញ្ញា ២០១២ នៅចំណុចភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
ក្រុងប៉ោយប៉ែត ៖ ជនសង្ស័យដែលជាក្មេងទំនើងចំនួន៥នាក់ ត្រូវបានកម្លាំងកងរាជអាវុធហត្ថក្រុងប៉ោយប៉ែត ចាប់ឃាត់ខ្លួនបញ្ជូនទៅកាន់ទីបញ្ជាការប៉េអឹមក្រុងប៉ោយប៉ែត កាលពីវេលាម៉ោង១រំលងអធ្រាត្រឈានចូលថ្ងៃទី២៦ កញ្ញា ២០១២ នៅចំណុចភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
លោកហម ម៉ុត មេបញ្ជាការកងរាជអាវុធហត្ថក្រុងប៉ោយប៉ែត បានបំភ្លឺប្រាប់កោះសន្តិភាពថា ក្នុងអំឡុងម៉ោង១២ ស្រាប់តែមានក្រុមពួកក្មេងទំនើងមួយក្រុមប្រដាប់ដោយអាវុធគ្រប់ដៃ មានដំបង ពូថៅ កាំបិត បើកឆាកប្រយុទ្ធគ្នា នៅក្នុងវត្តប្រជាធម្មលិច ស្ថិតក្នុងភូមិ-ឃុំខាងលើ យ៉ាងសាហាវបណ្តាលឱ្យមនុស្សម្នានាំគ្នារត់ផ្អើលពេញវត្ត ។
បន្ទាប់មកទើបកម្លាំងប៉េអឹមក្រុងប៉ោយប៉ែតចុះទៅធ្វើការឃាត់ខ្លួនបានជនសង្ស័យដែលជាក្មេង ទំនើងចំនួន៥នាក់ ក្នុងនោះមានទី១-ឈ្មោះលី តុលា ភេទប្រុស អាយុ២៥ឆ្នាំ ទី២-ឈ្មោះសុខ យុ ភេទប្រុស អាយុ២៣ឆ្នាំ ទី៣-ឈ្មោះខា សុខន ភេទប្រុស អាយុ២៧ឆ្នាំ ទី៤-ឈ្មោះឡេង គាំង ភេទប្រុស អាយុ១៧ឆ្នាំ និងទី៥-ឈ្មោះកែវ វិនាផែត ភេទប្រុស អាយុ២៥ឆ្នាំ អ្នកទាំង៥នាក់ រស់នៅក្នុងភូមិប្រជាធម្មលិច សង្កាត់ប៉ោយប៉ែត ក្រុងប៉ោយប៉ែត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ