កងម៉ារីនម៉ិចស៊ិកប្រកាសកាលពីថ្ងៃទី២៦ កញ្ញា ថាបានចាប់ខ្លួនមេរត់ពន្ធសាហាវបំផុតនៃក្រុមZETASដែលនេះជាសញ្ញានៃជោគជ័យមួយក្នុងការតស៊ូរបស់រដ្ឋាភិបាលប្រឆាំងពួកអ្នករត់ពន្ធគ្រឿងញៀននៅម៉ិចស៊ិក ។មេរត់ពន្ធគ្រឿងញៀននេះប្រាកដណាស់គឺIVAN VELAZQUEZ ត្រូវចាប់ខ្លួនបាននៅភាគកណ្តាលប្រទេសនៅរដ្ឋសាន់ល្វីសប៉ូតូស៊ី ដែលនៅរដ្ឋនេះក្រុមរត់ពន្ធZETASបានធ្វើសង្គ្រាមផ្ទៃក្នុងមួយចាប់តាំងពីច្រើនសប្តាហ៍មកហើយ ។
មានឈ្មោះសម្ងាត់ថា Z-50 និងអែលតាលីបង់VALAZQUEZជាមនុស្សសំខាន់ម្នាក់ក្នុងចំណោមមនុស្សសំខាន់ៗនៃក្រុមរត់ពន្ធZETASដែលបង្កើតឡើងពីដំបូងដោយពួកទាហានរត់ចោលជួរបម្រើឱ្យក្រុមរត់ពន្ធគ្រឿងញៀនDEL GOLPOមុនពេលបង្កើតក្រុមប្រជែងគ្នាគឺក្រុមZETAS កាលពីឆ្នាំ២០១០ ។
VELAZQUEZ មានឈ្មោះក្នុងបញ្ជីមនុស្ស៣៧នាក់ដែលតាមរកចាប់ខ្លួនដោយរដ្ឋាភិបាលម៉ិចស៊ិកដែលបញ្ជីនេះចេញផ្សាយកាលពីឆ្នាំ២០០៩ ។ ក្នុងចំណោមមនុស្សទាំងនេះ២០នាក់ត្រូវចាប់បាន ឬត្រូវសម្លាប់ចាប់តាំងពីពេលនោះមក ៕
ចែករំលែកព័តមាននេះ