ខេត្តកណ្តាល ៖ គ្រូពេទ្យម្នាក់ឈ្មោះ ប៊ិន ធី ហៅគ្រូពេទ្យទេវតា ភេទប្រុស អាយុ៥១ឆ្នាំ រស់នៅភូមិសន្សំកុសល សង្កាត់បឹងទំពុន ខណ្ឌមានជ័យ រាជធានីភ្នំពេញ កាលពីថ្ងៃទី២៥ កញ្ញា ២០១២ បានចេញពីផ្ទះទៅព្យាបាលឱ្យអ្នកជំងឺនៅភូមិឈើទាល ឃុំឈើទាល ស្រុកកៀនស្វាយ ខេត្តកណ្តាល ហើយត្រូវបានស្លា.ប់ដោយសារខ្យល់គរនៅនឹងផ្ទះរបស់អ្នកជំងឺ ។
ខេត្តកណ្តាល ៖ គ្រូពេទ្យម្នាក់ឈ្មោះ ប៊ិន ធី ហៅគ្រូពេទ្យទេវតា ភេទប្រុស អាយុ៥១ឆ្នាំ រស់នៅភូមិសន្សំកុសល សង្កាត់បឹងទំពុន ខណ្ឌមានជ័យ រាជធានីភ្នំពេញ កាលពីថ្ងៃទី២៥ កញ្ញា ២០១២ បានចេញពីផ្ទះទៅព្យាបាលឱ្យអ្នកជំងឺនៅភូមិឈើទាល ឃុំឈើទាល ស្រុកកៀនស្វាយ ខេត្តកណ្តាល ហើយត្រូវបានស្លាប់ដោយសារខ្យល់គរនៅនឹងផ្ទះរបស់អ្នកជំងឺ ។
លោក នៅ នឿន នាយប៉ុស្តិ៍នគរបាលឈើទាល ប្រាប់ឱ្យដឹងថា ឈ្មោះ ប៊ិន ធី ត្រូវជាគ្រូពេទ្យទេវតានោះបានមកព្យាបាលអ្នកជំងឺនៅផ្ទះរបស់ឈ្មោះឈីវ ម៉ុក ដែលស្ថិតនៅភូមិឈើទាល ឃុំឈើទាល កាលពីថ្ងៃទី២៥ កញ្ញា ២០១២ ហើយត្រូវបានស្លាប់ដោយសារខ្យល់គរ។ ឈ្មោះ ឈីវ ម៉ុក ជាម្ចាស់ផ្ទះហើយត្រូវជាមិត្តភក្តិរបស់ឈ្មោះ ប៊ិន ធី បានប្រាប់ឱ្យដឹងថា មុនដាច់ខ្យល់ស្លាប់ជនរងគ្រោះ និងគាត់បានផឹកស្រាជាមួយគ្នា ស្រាប់តែមួយម៉ោង ក្រោយមកជនរងគ្រោះក៏ដាច់ខ្យល់ស្លាប់តែម្តង ។
ប្រពន្ធរបស់ជនរងគ្រោះឈ្មោះ ថន ហាន អាយុ៤៥ឆ្នាំ បានប្រាប់ឱ្យដឹងថា ប្តីរបស់គាត់មានជំងឺហឺតជាប្រចាំជាយូរមកហើយ ដោយប្តីរបស់គាត់ និងគាត់ធ្លាប់រស់នៅភូមិស្រែអំពិល ឃុំឈើទាល ហើយក្រុមគ្រួសាររបស់គាត់ជាអ្នកមាតុភូមិនិវត្តន៍មកពីជំរំជាយដែន ចំណែកអ្នកស្រុកហៅប្តីរបស់គាត់ថា ជាគ្រូពេទ្យទេវតា ។ សពឈ្មោះ ប៊ិន ធី ត្រូវបានក្រុមគ្រួសារយកទៅធ្វើបុណ្យតាមប្រពៃណីផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ