ខេត្តប៉ៃលិន ៖ ក្រោមការផ្តួចផ្តើមរបស់លោកអីុ ឈាន អភិបាលខេត្ត និងការចូលរួមថវិកាដោយមន្ត្រីរាជការជុំវិញសាលាខេត្ត ការ សាងសង់រង្វង់មូល និងវិមានឯករាជ្យនៅចំណុចផ្លូវបែកជា៤ជាប់នឹងសួនកុមារទល់មុខសាលាខេត្ត ដែលមានកម្ពស់១៩ម៉ែត្រ អង្កត់ផ្ចិតប្រវែងជាង៥០ម៉ែត្រ មកដល់ថ្ងៃទី២៧ កញ្ញាសម្រេចបានប្រហែល៩០%ហើយ ។ តាមគម្រោងវិមានឯករាជ្យនេះនឹង
ខេត្តប៉ៃលិន ៖ ក្រោមការផ្តួចផ្តើមរបស់លោកអីុ ឈាន អភិបាលខេត្ត និងការចូលរួមថវិកាដោយមន្ត្រីរាជការជុំវិញសាលាខេត្ត ការ សាងសង់រង្វង់មូល និងវិមានឯករាជ្យនៅចំណុចផ្លូវបែកជា៤ជាប់នឹងសួនកុមារទល់មុខសាលាខេត្ត ដែលមានកម្ពស់១៩ម៉ែត្រ អង្កត់ផ្ចិតប្រវែងជាង៥០ម៉ែត្រ មកដល់ថ្ងៃទី២៧ កញ្ញាសម្រេចបានប្រហែល៩០%ហើយ ។ តាមគម្រោងវិមានឯករាជ្យនេះនឹងសម្ពោធដាក់ឱ្យប្រើប្រាស់ជាផ្លូវការនៅថ្ងៃទី៩ វិច្ឆិកា ខាងមុខ ត្រូវនឹងថ្ងៃបុណ្យឯករាជ្យជាតិ ដែលការសាងសង់នេះចំណាយថវិកាអស់២០ម៉ឺនដុល្លារសហរដ្ឋអាមេរិក ។
ប្រភពព័ត៌មានបានបន្តថា រង្វង់មូល និងវិមានឯករាជ្យនេះ បានកសាងឡើងអស់រយៈពេលជិត១ឆ្នាំមកហើយ ដោយបានជួលក្រុមហ៊ុនឯកជនមួយឱ្យសាងសង់ ហើយក៏មានពង្រីកផ្លូវថ្នល់នៅខាងត្បូងរង្វង់មូល និងឈូសឆាយនៅក្បែរសួនកុមារ ដើម្បីឱ្យបានធំ ងាយស្រួលក្នុងការធ្វើដំណើរ ក៏ដូចជាការប្រារព្ធពិធីផ្លូវការនានា ។
មន្ត្រីសាលាខេត្តប៉ៃលិនមួយរូបឱ្យដឹងថា រង្វង់មូល និងវិមានឯករាជ្យនេះ ផ្តួចផ្តើមសាងសង់ឡើងដោយលោកអភិបាលខេត្ត ក្នុងគោលបំណងធ្វើឱ្យងាយស្រួលដល់ការធ្វើចរាចរណ៍ទៅមករបស់ប្រជាពលរដ្ឋ និងសម្រាប់សោភ័ណភាពរបស់ខេត្ត ព្រមទាំងជាកន្លែងសម្រាប់ធ្វើជាទីសក្ការបូជានៅពេលមានពិធីបុណ្យធំៗផងដែរ ៕
ចែករំលែកព័តមាននេះ