រាជធានីភ្នំពេញ ៖ កាលពីល្ងាចថ្ងៃសុក្រទី ២១ ខែកញ្ញា ឆ្នាំ២០១២ នៅឯមជ្ឈមណ្ឌលពិព័រណ៍ និងសន្និបាតកោះពេជ្រ រោងចក្រផលិតស្រាបៀរកម្ពុជា (Cambodia Brewery Limited) ដែលជាក្រុមហ៊ុនផលិត និងចែកចាយ ស្រាបៀរគុណភាពខ្ពស់លំដាប់ថ្នាក់ពិភពលោក ល្បីឈ្មោះទូទាំងប្រទេស និងលើពិភពលោកដែលមានម៉ាកសញ្ញា ABC Stout, Tiger, Anchor និង
រាជធានីភ្នំពេញ ៖ កាលពីល្ងាចថ្ងៃសុក្រទី ២១ ខែកញ្ញា ឆ្នាំ២០១២ នៅឯមជ្ឈមណ្ឌលពិព័រណ៍ និងសន្និបាតកោះពេជ្រ រោងចក្រផលិតស្រាបៀរកម្ពុជា (Cambodia Brewery Limited) ដែលជាក្រុមហ៊ុនផលិត និងចែកចាយ ស្រាបៀរគុណភាពខ្ពស់លំដាប់ថ្នាក់ពិភពលោក ល្បីឈ្មោះទូទាំងប្រទេស និងលើពិភពលោកដែលមានម៉ាកសញ្ញា ABC Stout, Tiger, Anchor និង Gold Crown បានរៀបចំពិធីជប់លៀងជួបជុំចុងភៅប្រចាំឆ្នាំរបស់ខ្លួនយ៉ាងអធិកអធម ដោយមានការអញ្ជើញចូលរួមពីសំណាក់ចុងភៅពិធីមង្គលការក្នុងព្រះរាជាណាចក្រកម្ពុជាប្រមាណ៥០០នាក់ គណៈគ្រប់គ្រង បុគ្គលិកក្រុមហ៊ុន ម្ចាស់ដេប៉ូចែកចាយ ព្រមទាំងភ្នាក់ងារសារព័ត៌មានយ៉ាងច្រើនកុះករ ។
ពិធីជប់លៀងនេះត្រូវបានចាត់ទុកជាពិធីជួបជុំចុងភៅពិធីមង្គលការប្រចាំឆ្នាំមួយរបស់រោងចក្រផលិតស្រាបៀរកម្ពុជា ដែលត្រូវបានរៀបចំឡើងជារៀងរាល់ឆ្នាំ ដើម្បីរឹតចំណងមិត្ដភាពរវាងក្រុមហ៊ុន និងចុងភៅពិធីមង្គលការឱ្យរឹតតែស្អិតរមួតបន្ថែមទៀត និងដើម្បីលើកទឹកចិត្ដ ព្រមទាំងថ្លែងអំណរគុណដល់ចុងភៅទាំងអស់ដែលតែងតែជួយផ្សព្វផ្សាយអំពីគុណភាពខ្ពស់នៃផលិតផលស្រាបៀររបស់រោងចក្រផលិតស្រាបៀរកម្ពុជាដល់អតិថិជន ដែលជាអ្នករៀបចំពិធីអាពាហ៍ពិពាហ៍ ។
គួររំលឹកផងដែរថា រោងចក្រផលិតស្រាបៀរកម្ពុជាមិនត្រឹមតែផ្ដល់នូវផលិតផលស្រាបៀរដែលមានគុណភាពខ្ពស់ រសជាតិឆ្ងាញ់ ក្នុងពិធីអាពាហ៍ពិពាហ៍ប៉ុណ្ណោះទេ ប៉ុន្ដែថែមទាំងផ្ដល់នូវរង្វាន់ច្រើនសន្ធឹកសន្ធាប់ដល់គូស្វាមីភរិយាដែលបានជាវស្រាបៀរABC Stout, Tiger, Anchor និង Gold Crown សម្រាប់ទទួលភ្ញៀវក្នុងពិធីអាពាហ៍ពិពាហ៍របស់ខ្លួនថែមទៀតផង ដែលធ្វើឱ្យពិធីអាពាហ៍ពិពាហ៍កាន់តែអធិកអធម និងសប្បាយរីករាយ ។ ហើយនៅក្នុងរដូវកាលអាពាហ៍ពិពាហ៍នាឆ្នាំនេះ ស្រាបៀរ ABC Stout, Tiger, Anchor និង Gold Crown នឹងមានកម្មវិធីផ្ដល់រង្វាន់កាន់តែធំ កាន់តែច្រើន និងកាន់តែអស្ចារ្យ ជូនដល់គូស្វាមីភរិយាថ្មី ៕
ចែករំលែកព័តមាននេះ