រាជធានីភ្នំពេញ ៖ លោកឧបនាយករដ្ឋមន្រ្តី សុខ អាន រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី នៅព្រឹកថ្ងៃទី២៧ កញ្ញា២០១២
នេះ បានអញ្ជើញជាអធិបតីភាពក្នុងពិធីសម្ពោធដាក់ឲ្យប្រើប្រាស់នូវអគារសាលាដំបូងរាជធានីភ្នំពេញ ដែលទើបសាងសង់ថ្មី ស្ថិតនៅតាមបណ្តោយផ្លូវព្រះមុនីរ៉េត ខណ្ឌ៧មករា ទល់មុខពហុកីឡដ្ឋានជាតិអូឡាំពិក ។
រាជធានីភ្នំពេញ ៖ លោកឧបនាយករដ្ឋមន្រ្តី សុខ អាន រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី នៅព្រឹកថ្ងៃទី២៧ កញ្ញា២០១២
នេះ បានអញ្ជើញជាអធិបតីភាពក្នុងពិធីសម្ពោធដាក់ឲ្យប្រើប្រាស់នូវអគារសាលាដំបូងរាជធានីភ្នំពេញ ដែលទើបសាងសង់ថ្មី ស្ថិតនៅតាមបណ្តោយផ្លូវព្រះមុនីរ៉េត ខណ្ឌ៧មករា ទល់មុខពហុកីឡដ្ឋានជាតិអូឡាំពិក ។
សូមបញ្ជាក់ថា កាលពីជិត១ឆ្នាំមុន ក្រុមមន្ត្រីតុលាការបានជួបជុំគ្នាច្រើនកុះករធ្វើពិធីដង្ហែរូបសំណាកលោកតាដំបងដែកចេញពីទីតាំងសាលាដំបូងរាជធានីភ្នំពេញបណ្តោះអាសន្នកាលពីវេលាម៉ោង៨ព្រឹកថ្ងៃទី២៩ ធ្នូ ២០១១ ឆ្ពោះទៅតម្កល់នៅអគារដើមនៃសាលាដំបូងរាជធានីភ្នំពេញ (អគារពិតប្រាកដ) វិញ ដែលទើបស្ថាបនារួចនាពេលថ្មីៗនេះ បន្ទាប់ពីវាយអគារចាស់ទ្រុឌទ្រោមចោល ហើយសាងសង់អគារថ្មីអស់រយៈពេល១៨ខែ ។
គួររំលឹកថា ទីតាំងសាលាដំបូងរាជធានី ភ្នំពេញបណ្តោះអាសន្នស្ថិតនៅសង្កាត់ទួលស្វាយព្រៃទី១ ខណ្ឌចំការមន ត្រូវបានជួលអគាររបស់ប្រជាពលរដ្ឋបម្រើការ ឆ្លងកាត់ការលំបាកច្រើនបែបច្រើនបទ ព្រោះតែទីតាំងមានទីធ្លាតូចចង្អៀត និងខ្វះចំណតរថយន្ត ហើយរយៈពេល១៨ខែមកនេះ អគារទីតាំងចាស់ដែលទ្រុឌទ្រោម និងត្រូវវាយចោលកសាងថ្មីនោះ ឥឡូវកសាងរួចរាល់ហើយ ទើបដង្ហែរូបសំណាកលោកតាដំបងដែកត្រឡប់ទៅវិញ ។
អគារថ្មីនេះមានកម្ពស់៥ជាន់ ស្ថិតនៅទល់មុខពហុកីឡដ្ឋានជាតិអូឡាំពិក ក្នុងសង្កាត់វាលវង់ ខណ្ឌ៧មករា។ពិធីដង្ហែរូបសំណាកលោកតាដំបងដែកកាលណោះ គេឃើញវត្តមានលោកជីវ កេង ប្រធានសាលាដំបូងរាជធានីភ្នំពេញ លោកយ៉េត ចរិយា ព្រះរាជអាជ្ញាអមសាលាដំបូងរាជធានីភ្នំពេញ និងមន្ត្រី តុលាការជាច្រើននាក់ទៀត។ ពេលដង្ហែរូបសំណាកលោកតាដំបងដែកដល់អគារថ្មីភ្លាម ពិធីក្រុងពាលីត្រូវបានចាប់ផ្តើមជាបន្តទៀត ដើម្បីសែនព្រេនដល់ម្ចាស់ទឹកដី សុំចូលទៅនៅឱ្យប្រកបដោយសេចក្តីសុខ។
មន្ត្រីតុលាការបានប្រាប់ភ្នាក់ងារកោះសន្តិភាពឱ្យដឹងថា ពិធីទាំងអស់មាន៤ ប៉ុន្តែនៅថ្ងៃទី២៩ ធ្នូ នេះ មានតែពិធី៣ទេ សម្រាប់អគារសាលាដំបូងថ្មី គឺទី១-ពិធីដង្ហែរូបសំណាកលោកតាដំបងដែក ទី២-ពិធីក្រុងពាលី (ពេលព្រឹក) ទី៣-ពិធីសូត្រមន្តប្រោះព្រំបន្ទប់ការិយាល័យ ៕
ចែករំលែកព័តមាននេះ