រាជធានីភ្នំពេញ ៖ កម្មករសំណង់ម្នាក់បានរងរបួសបែកក្បាលហូរឈាមរហាមកាលវេលាម៉ោង១០ និង១៥នាទីយប់ថ្ងៃទី២៥ កញ្ញា កន្លងមកនេះដោយសារត្រូវគេវាយ នៅពេលដើរចេញពីហាងកាហ្វេតាមផ្លូវលំមួយ ក្នុងភូមិពោងពាយ សង្កាត់ភ្នំពេញថ្មី ខណ្ឌសែនសុខ ។ ការវាយដំនេះបើតាមប៉ូលិសខណ្ឌសែនសុខឱ្យដឹងថា មកពីគូបដិបក្ខមានគំនុំក្នុងរឿងដកព្រីភ្លើងកាលពីកន្លះខែមុន ។
រាជធានីភ្នំពេញ ៖ កម្មករសំណង់ម្នាក់បានរងរបួសបែកក្បាលហូរឈាមរហាមកាលវេលាម៉ោង១០ និង១៥នាទីយប់ថ្ងៃទី២៥ កញ្ញា កន្លងមកនេះដោយសារត្រូវគេវាយ នៅពេលដើរចេញពីហាងកាហ្វេតាមផ្លូវលំមួយ ក្នុងភូមិពោងពាយ សង្កាត់ភ្នំពេញថ្មី ខណ្ឌសែនសុខ ។ ការវាយដំនេះបើតាមប៉ូលិសខណ្ឌសែនសុខឱ្យដឹងថា មកពីគូបដិបក្ខមានគំនុំក្នុងរឿងដកព្រីភ្លើងកាលពីកន្លះខែមុន ។
ប្រភពព័ត៌មានពីប៉ូលិសខណ្ឌសែនសុខឱ្យដឹងថា ជនរងគ្រោះឈ្មោះវឿន អាយុ២៥ឆ្នាំ ជាកម្មករសំណង់ក្នុងបុរីមួយនៅសង្កាត់ភ្នំពេញថ្មី ត្រូវរងនឹងការវាយដោយឈើជ្រុងប្រវែងប្រហែលមួយម៉ែត្រ បណ្ដាលឱ្យបែកក្បាល ហើយភ្លាមៗនោះត្រូវបានគេបញ្ជូនទៅមន្ទីរពេទ្យមួយ ដើម្បីសង្គ្រោះ និងព្យាបាល ។ ការដែលជនសង្ស័យវាយជនរងគ្រោះគឺដោយសារគំនុំដកព្រីភ្លើង នៅពេលដែលជនរងគ្រោះ និងជនសង្ស័យរស់នៅក្នុងបន្ទប់សំណង់មួួយកាលពីកន្លះខែមុន ។
មន្រ្តីប៉ូលិសបានឱ្យដឹងទៀតថា មុនពេលកើតហេតុជនរងគ្រោះរួមជាមួយមិត្តភក្ដិឈ្មោះបូរ៉ា ឈ្មោះសុខលីម និងឈ្មោះបូរី បាននាំគ្នាទៅផឹកកាហ្វេ នៅហាងមួយជាប់ផ្លូវលំ ក្នុងភូមិពោងពាយ សង្កាត់ភ្នំពេញថ្មី ។ ក្រោយពេលផឹកកាហ្វេរួចក៏នាំគ្នាចេញពីហាងកាហ្វេ ដើម្បីទៅបន្ទប់ស្នាក់នៅវិញដែលនៅមិនឆ្ងាយប៉ុន្មានពីកន្លែងកើតហេតុ ប៉ុន្តែខណៈមកដល់ផ្លូវកែងម្ដុំខ្លោងទ្វារវត្តសំរោងអណ្ដែត ស្រាប់តែលេចមុខឈ្មោះចាន់ថា ដែលធ្លាប់មានទំនាស់រឿងដកព្រីភ្លើង រួមជាមួយមនុស្ស៣នាក់ទៀត យកដំបងឈើជ្រុងមកវាយជនរងគ្រោះត្រូវចំក្បាលបណ្ដាលឱ្យដួលសន្លប់នៅនឹងកន្លែង ។ ក្រោយពីវាយជនរងគ្រោះហើយ ជនដៃដល់ឈ្មោះ ចាន់ថា និងបក្ខពួក ក៏បានគេចខ្លួនភ្លាមៗមុនពេលបូលិសចុះទៅធ្វើអន្តរាគមន៍ ។
ប្រភពព័ត៌មានពីមន្រ្តីប៉ូលិសព្រហ្មទណ្ឌខណ្ឌសែនសុខឱ្យដឹងទៀតថា នៅពេលជនដៃដល់ធ្វើសកម្មភាពវាយជនរងគ្រោះ ប៉ូលិសក៏បានចុះធ្វើអន្តរាគមន៍ភ្លាមៗដែរ ដោយឃាត់ខ្លួនមនុស្ស២នាក់ ប៉ុន្តែបែរជាភាគីខាងជនរងគ្រោះទៅវិញ ព្រោះពេលនោះមានសភាពច្របូកច្របល់ពេក។ ប៉ូលិសបានដោះលែងជន២នាក់នោះទៅវិញក្រោយពីសាកសួរដំណើររឿង ហើយកំពុងតាមប្រមាញ់ចាប់ជនដៃដល់មកផ្ដន្ទាទោសតាមច្បាប់៕
ចែករំលែកព័តមាននេះ