រាជធានីភ្នំពេញ ៖ បុរសវ័យចំណាស់អ្នករត់ម៉ូតូឌុបម្នាក់ត្រូវរថយន្តតាក់ស៊ីម៉ែត្រ ពណ៌លឿង បើកលឿនកៀរម៉ូតូរបស់គាត់ដួលច្រងាប់ច្រងិលរលាត់មុខមួយចំហៀងខាងឆ្វេងរួចរថយន្តបង្កបើករត់បាត់ស្រមោល។ ហេតុការណ៍នេះកើតឡើងកាលពីវេលាម៉ោង៣និង៥០នាទីរំលងអធ្រាត្រឈានចូលថ្ងៃទី២៧ កញ្ញា នៅចំណុចមុខសណ្ឋាគារអុិនធើរខនតាមបណ្តោយមហាវិថីម៉ៅសេទុង ក្នុង
រាជធានីភ្នំពេញ ៖ បុរសវ័យចំណាស់អ្នករត់ម៉ូតូឌុបម្នាក់ត្រូវរថយន្តតាក់ស៊ីម៉ែត្រ ពណ៌លឿង បើកលឿនកៀរម៉ូតូរបស់គាត់ដួលច្រងាប់ច្រងិលរលាត់មុខមួយចំហៀងខាងឆ្វេងរួចរថយន្តបង្កបើករត់បាត់ស្រមោល។ ហេតុការណ៍នេះកើតឡើងកាលពីវេលាម៉ោង៣និង៥០នាទីរំលងអធ្រាត្រឈានចូលថ្ងៃទី២៧ កញ្ញា នៅចំណុចមុខសណ្ឋាគារអុិនធើរខនតាមបណ្តោយមហាវិថីម៉ៅសេទុង ក្នុងសង្កាត់ទំនប់ទឹក ខណ្ឌចំការមន ។
សាក្សីបានឲ្យដឹងថា មុនពេលកើតហេតុម៉ូតូសង់កូរ៉េ ពណ៌ប្រផេះ បើកបរដោយបុរសវ័យចំណាស់ម្នាក់ពីជើងទៅត្បូង ស្របទិសគ្នាជាមួយរថយន្តតាក់ស៊ីម៉ែត្រ ពណ៌លឿង ខណៈមកដល់ចំណុចខាងលើរថយន្តតាក់ស៊ីម៉ែត្របើកលឿនទៅកៀរម៉ូតូសង់កូរ៉េ បណ្តាលឲ្យដួលច្រងាប់ច្រងិលម្នាក់ឯងអូសនឹងថ្នល់រលាត់មុខមួយចំហៀងខាងឆ្វេងម៉ូតូដួលបែកក្បាំង ចំណែករថយន្តបន្ថែមល្បឿនទៅមុខធ្វើព្រងើយ ។
អ្នកបើកម៉ូតូសង់កូរ៉េឈ្មោះ យ៉ុម យឺន អាយុ៥៧ឆ្នាំ ជាអ្នករត់ម៉ូតូឌុបស្នាក់នៅផ្ទះជួលទល់មុខផ្សារទំនើបសុវណ្ណា ក្នុងភូមិភ្នាត សង្កាត់ស្ទឹងមានជ័យ ខណ្ឌមានជ័យ មានស្រុកកំណើតនៅភូមិស្នាយមាស ឃុំវិហារសួគ៌ ស្រុកខ្សាច់កណ្តាល ខេត្តកណ្តាល ។ បន្ទាប់ពីរងរបួសគាត់មិនបានទៅព្យាបាលនៅមន្ទីរពេទ្យទេដោយគាត់ប្រាប់ថា អត់មានលុយក៏អង្គុយនៅតាមចិញ្ចើមផ្លូវមួយសន្ទុះបានធូរស្រាលបន្តិចទើបជិះម៉ូតូត្រឡប់ទៅផ្ទះវិញ ។
អ្នកឃើញហេតុការណ៍នឹកអាណិតបុរសនោះដោយនាំគ្នានិយាយថា ហេតុតែក្រជិះម៉ូតូកញ្ចាស់ត្រូវអ្នកមានរថយន្តបើកកៀរ ហើយបន្ថែមល្បឿនទៅបាត់ដោយគ្មានការអាណិតអាសូរដល់ជីវិតអ្នកដទៃសោះ ៕
ចែករំលែកព័តមាននេះ