រាជធានីភ្នំពេញ ៖ សម្តេចអគ្គមហាពញាចក្រីហេង សំរិន ប្រធានរដ្ឋសភានៃព្រះរាជាណាចក្រកម្ពុជា កាលពីថ្ងៃទី២៦ កញ្ញា ២០១២ បានសម្រេចចុះហត្ថលេខាលើសេចក្តីសម្រេចមួយរបស់គណៈកម្មាធិការអចិន្ត្រៃយ៍នៃរដ្ឋសភាដើម្បីផ្តល់អភ័យឯកសិទ្ធិសភាជូនលោកស្រីមូរ សុខហួរ សមាជិកសភាមណ្ឌលខេត្តកំពត មកពីគណបក្សសម រង្ស៊ី ។ ការសម្រេចនេះ បានធ្វើឡើងនៅ
រាជធានីភ្នំពេញ ៖ សម្តេចអគ្គមហាពញាចក្រីហេង សំរិន ប្រធានរដ្ឋសភានៃព្រះរាជាណាចក្រកម្ពុជា កាលពីថ្ងៃទី២៦ កញ្ញា ២០១២ បានសម្រេចចុះហត្ថលេខាលើសេចក្តីសម្រេចមួយរបស់គណៈកម្មាធិការអចិន្ត្រៃយ៍នៃរដ្ឋសភាដើម្បីផ្តល់អភ័យឯកសិទ្ធិសភាជូនលោកស្រីមូរ សុខហួរ សមាជិកសភាមណ្ឌលខេត្តកំពត មកពីគណបក្សសម រង្ស៊ី ។ ការសម្រេចនេះ បានធ្វើឡើងនៅក្នុងកិច្ចប្រជុំវិសាមញ្ញមួយរបស់គណៈកម្មាធិការអចិន្ត្រៃយ៍នៃរដ្ឋសភា ក្រោមអធិបតីភាពរបស់សម្តេចប្រធានរដ្ឋសភា អគ្គមហាពញាចក្រីហេង សំរិន ។
មន្ត្រីជាន់ខ្ពស់រដ្ឋសភានៃព្រះរាជាណាចក្រកម្ពុជាបានថ្លែងប្រាប់កោះសន្តិភាពកាលពីព្រលប់ថ្ងៃទី២៦ កញ្ញា ថា យោងតាមសេចក្តីជូនដំណឹងរបស់លោកអង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ ដោយយោងតាមសាលដីកាតុលាការស្ថាពរ និងការស្នើសុំពីសាមីខ្លួនផ្ទាល់បានបញ្ជាក់ថា លោកស្រីមូរ សុខហួរ បានបំពេញនីតិវិធីតុលាការគ្រប់គ្រាន់តាមច្បាប់ ចំណែកតុលាការក៏បានសម្រេចផងដែរ ដោយផ្តល់នីតិវិធីតុលាការគ្រប់គ្រាន់តាមច្បាប់ សម្រេចផ្តល់នីតិសម្បទាជូនលោកស្រីមូរ សុខហួរ កាលពីថ្ងៃទី៣ កញ្ញា ២០១២ កន្លងទៅនេះ ។
គួរបញ្ជាក់ថា រដ្ឋសភាបានបើកកិច្ចប្រជុំវិសាមញ្ញ របស់គណៈកម្មាធិការអចិន្ត្រៃយ៍នៃរដ្ឋសភា កាលពីថ្ងៃទី២៦ កញ្ញា ២០១២ ដោយមានរបៀបវារៈចំនួនពីរ គឺទី១-កិច្ចពិភាក្សាផ្តល់អភ័យឯកសិទ្ធិជូនលោកស្រីមូរ សុខហួរ អ្នកតំណាងមណ្ឌលកំពត មកគណបក្សសម រង្ស៊ី និង២-កិច្ចពិភាក្សាលើសេចក្តីស្នើច្បាប់របស់រដ្ឋាភិបាល ដែលស្នើឡើងដោយក្រសួងមហាផ្ទៃ ស្តីពីការពិភាក្សាក្នុងការរៀបចំសមាសភាពគណៈកម្មាធិការជាតិរៀបចំការបោះឆ្នោត។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ