រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោតបានជួបជាមួយតំណាងស្ថានទូតចំនួន១៣ប្រចាំនៅប្រទេសកម្ពុជា ក្នុងគោលបំណងផ្លាស់ប្តូរបទពិសោធន៍ពីគ្នាទៅវិញទៅមក កាលពីថ្ងៃទី២៦ កញ្ញា ២០១២ នៅទីស្នាក់ការគណៈកម្មាធិការជាតិរៀបចំការបោះឆ្នោតនៅក្នុងបរិវេណក្រសួងមហាផ្ទៃក្រោមអធិបតីភាពលោកស្រី ស៊ីន ជុំបូ អនុប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ។
តំណាងស្ថានទូតដែលចូលរួមមានស្ថានទូតឥណ្ឌូណេស៊ី អាមេរិក ម៉ាឡេស៊ី មីយ៉ាន់ម៉ា ជប៉ុន សាំងហ្គាពួរ បារាំង អាល្លឺម៉ង់ អង់គ្លេស ហ្វីនដេន វៀតណាម កូរ៉េខាងត្បូង និងស្ថានទូតឡាវ ។
លោកស្រី ស៊ីន ជុំបូ បានមានប្រសាសន៍ប្រាប់ក្រុមអ្នកសារព័ត៌មានថា ក្រុមការងារគណៈកម្មការ គ.ជ.ប រាជធានី-ខេត្ត ជាពិសេសគណៈកម្មាធិការបោះឆ្នោតថ្នាក់ជាតិ នឹងធ្វើការស្រាវជ្រាវឈ្មោះបន្តទៀត សម្រាប់ធ្វើការកែលំអនូវរាល់បញ្ហាដែលកើតមានឡើងក្នុងករណីបាត់ឈ្មោះប្រជាពលរដ្ឋថា តើវាបណ្តាលពីបញ្ហាអ្វីខ្លះ?
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ