រាជធានីភ្នំពេញ ៖ មនុស្ស៣នាក់បានរងរបួសនៅក្នុងហេតុការណ៍គ្រោះថ្នាក់ចរាចរណ៍មួយដែលបង្កឡើង ដោយរថយន្តម៉ាក CR-V ពណ៌ទឹកប្រាក់ បើកបុករះម៉ូតូ២គ្រឿងនៅចំណុចផ្លូវលេខ១១៣ កែងផ្លូវព្រះសីហនុ ស្ថិតក្នុងសង្កាត់បឹងកេងកងទី២ ខណ្ឌចំការមន កាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី២៤ កញ្ញា ២០១២ ។
រាជធានីភ្នំពេញ ៖ មនុស្ស៣នាក់បានរងរបួសនៅក្នុងហេតុការណ៍គ្រោះថ្នាក់ចរាចរណ៍មួយដែលបង្កឡើង ដោយរថយន្តម៉ាក CR-V ពណ៌ទឹកប្រាក់ បើកបុករះម៉ូតូ២គ្រឿងនៅចំណុចផ្លូវលេខ១១៣ កែងផ្លូវព្រះសីហនុ ស្ថិតក្នុងសង្កាត់បឹងកេងកងទី២ ខណ្ឌចំការមន កាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី២៤ កញ្ញា ២០១២ ។
មនុស្សដែលបានរងរបួសទាំង៣នាក់ខាងលើនេះ មាន២នាក់ជាមន្ត្រីនគរបាលប៉ុស្តិ៍បឹងកេងកងទី២ និងម្នាក់ទៀតជាអ្នកដំណើរធម្មតា ។
តាមប្រភពព័ត៌មានបានឱ្យដឹងថា មុនពេលកើតហេតុមន្ត្រីនគរបាលប៉ុស្តិ៍បឹងកេងកងទី២ បីនាក់ជិះម៉ូតូធុនធំមួយគ្រឿងម៉ាក FZ ពណ៌ខ្មៅដេញចាប់ម៉ូតូមួយគ្រឿងម៉ាកឌ្រីម សេ១២៥ ស៊េរី២០១២ ពណ៌ខ្មៅ ដែលជិះឌុបគ្នាបីនាក់បំណងឃាត់សួរនាំ ព្រោះម៉ូូតូនេះអត់មានស្លាកលេខ និងអត់កញ្ចក់ ។ ដោយឡែកអ្នកជិះម៉ូតូម៉ាកឌ្រីម សេ១២៥ ពេលឃើញប៉ូលិសបើកម៉ូតូដេញតាមក៏ព្យាយាមបើករត់តាមបណ្តោយផ្លូវលេខ១១៣ ក្នុងទិសដៅពីត្បូងទៅជើង លុះមកដល់ចំណុចកើតហេតុស្រាប់តែមានរថយន្តមួយគ្រឿងម៉ាក CR-V ពណ៌ទឹកប្រាក់ដែលបើកតាមបណ្តោយផ្លូវព្រះសីហនុក្នុងទិសដៅពីកើតទៅលិច ហើយបត់ឆ្វេងចូលតាមផ្លូវលេខ១១៣ក្នុងទិសដៅពីជើងទៅត្បូងទើបបណ្តាលឱ្យបុកគ្នាជាមួយម៉ូតូ២គ្រឿងដែលប្រដេញគ្នាដួលរងរបួសមនុស្ស៣នាក់ធ្ងន់ធ្ងរតែម្តងទៅ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ