ខេត្តកំពង់ធំ ៖ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូនិងម៉ូតូនៅលើកំណាត់ផ្លូវជាតិលេខ៦ស្ថិតក្នុងភូមិកំពង់ធំ សង្កាត់កំពង់រទេះ ក្រុងស្ទឹងសែន កាលពីវេលាម៉ោង៣និង២០នាទីរសៀលថ្ងៃទី២៥ កញ្ញា បណ្ដាលឱ្យស្ដ្រីម្នាក់របួសរបកផ្ទៃមុខយ៉ាងដំណំដោយសារម៉ូតូសង្កត់ពីលើ ចំណែកភាគីម្ខាងទៀតជាបុរស រងរបួសវៀចខ្ទង់ច្រមុះហូរឈាមកក្លាក់ ។
ខេត្តកំពង់ធំ ៖ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូនិងម៉ូតូនៅលើកំណាត់ផ្លូវជាតិលេខ៦ស្ថិតក្នុងភូមិកំពង់ធំ សង្កាត់កំពង់រទេះ ក្រុងស្ទឹងសែន កាលពីវេលាម៉ោង៣និង២០នាទីរសៀលថ្ងៃទី២៥ កញ្ញា បណ្ដាលឱ្យស្ដ្រីម្នាក់របួសរបកផ្ទៃមុខយ៉ាងដំណំដោយសារម៉ូតូសង្កត់ពីលើ ចំណែកភាគីម្ខាងទៀតជាបុរស រងរបួសវៀចខ្ទង់ច្រមុះហូរឈាមកក្លាក់ ។
តាមប្រភពព័ត៌មានពីលោកអនុសេនីយ៍ទោ សោម សុភី នាយផ្នែកចរាចរណ៍ជើងគោកនៃអធិការដ្ឋាននគរបាលក្រុងស្ទឹងសែនបានឱ្យដឹងថា ករណីគ្រោះថ្នាក់ចរាចរណ៍ខាងលើនេះបង្កឡើងដោយម៉ូតូ២គ្រឿងបើកបរស្របទិសគ្នាពីជើងទៅត្បូងតាមបណ្ដោយផ្លូវជាតិលេខ៦ លុះដល់ចំណុចកើតហេតុ ម៉ូតូហុងដាវ៉េវពណ៌កាប់ស្តាំងបើកបរដោយឈ្មោះ ញ៉េប គឹមហ៊ី ភេទស្រី អាយុ៣៤ឆ្នាំ រស់នៅភូមិអាចារ្យលាក់ សង្កាត់អាចារ្យលាក់ ក្រុងស្ទឹងសែន ពេលនោះម៉ូតូបានបើកភ្លើងស៊ីញ៉ូភ្លាមបត់ភ្លាមទៅខាងឆ្វេងក៏ត្រូវម៉ូតូម៉ាកវីវ៉ាពណ៌ខៅ្ម បើកបរដោយបុរសឈ្មោះ ថេត យ៉ា អាយុ២៣ឆ្នាំ រស់នៅភូមិថ្នល់បែក ឃុំត្រញំងឫស្សី ស្រុកកំពង់ស្វាយ បានបុកបណ្ដាលឱ្យដួលរបួសទាំង២នាក់។នៅល្ងាចថ្ងៃកើតហេតុសមត្ថកិច្ចនគរបាលពុំទាន់ហ៊ានធ្វើការវិនិច្ឆ័យថា ខាងណាខុសខាងណាត្រូវនៅឡើយទេ រង់ចាំចម្លើយសាក្សីជុំវិញកន្លែងកើតហេតុ ទើបដោះស្រាយតាមនីតិវិធី ។
ក្រោយពេលកើតហេតុគេឃើញឈ្មោះ ថេត យ៉ា លូនទៅអង្គុយនៅកៀនចិញ្ចើមថ្នល់ឈ្ងោកមុខចុះមានឈាមហូរចេញតាមច្រមុះយ៉ាងច្រើន ចំណែកស្ដ្រីឈ្មោះញ៉េប គឹមហ៊ី ត្រូវគ្រួសារដឹកទៅសង្គ្រោះនៅមន្ទីរពេទ្យខេត្ដ ។ ម៉ូតូទាំង២គ្រឿងក្រោយពេលវាស់វែងរួចត្រូវសមត្ថកិច្ចយកទៅរក្សាទុកនៅអធិការដ្ឋាននគរបាលក្រុងស្ទឹងសែនរង់ចាំដោះស្រាយតាមផ្លូវច្បាប់៕
ចែករំលែកព័តមាននេះ