រាជធានីភ្នំពេញ ៖ បុរសម្នាក់រវល់និយាយទូរស័ព្ទ បើករថយន្តមួយគ្រឿងម៉ាកឡិចស៊ីសRX300ពណ៌ស បុកបង្គោលភ្លើងមួយដើមនៅតាមបណ្តោយផ្លូវម៉ៅសេទុង សង្កាត់ទួលស្វាយព្រៃទី១ ខណ្ឌចំការមន កាលពីវេលាម៉ោង១១និង៣០នាទីយប់ថ្ងៃទី២៥ កញ្ញា បណ្តាលឱ្យបង្គោលភ្លើងទ្រេតហើយរថយន្តរងការខូចខាតបើកទៅមុខលែងរួច ។
រាជធានីភ្នំពេញ ៖ បុរសម្នាក់រវល់និយាយទូរស័ព្ទ បើករថយន្តមួយគ្រឿងម៉ាកឡិចស៊ីសRX300ពណ៌ស បុកបង្គោលភ្លើងមួយដើមនៅតាមបណ្តោយផ្លូវម៉ៅសេទុង សង្កាត់ទួលស្វាយព្រៃទី១ ខណ្ឌចំការមន កាលពីវេលាម៉ោង១១និង៣០នាទីយប់ថ្ងៃទី២៥ កញ្ញា បណ្តាលឱ្យបង្គោលភ្លើងទ្រេតហើយរថយន្តរងការខូចខាតបើកទៅមុខលែងរួច ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញរថយន្តបង្កបើកបរតាមបណ្តោយមហាវិថីម៉ៅសេទុងក្នុងទិសដៅពីកើតទៅលិច លុះមកដល់ចំណុចកើតហេតុក៏ជ្រុលល្បឿនបុកបង្គោលភ្លើងមួយដើមបណ្តាលឱ្យទ្រេត ឯរថយន្តក្រពឹតមុខតែមិនមានមនុស្សណារងរបួសឡើយ ។
តាមការរៀបរាប់របស់បុរសអ្នកបើកបររថយន្តខាងលើបានឱ្យដឹងថា មូលហេតុដែលរូបគេបើករថយន្តបុកបង្គោលភ្លើងនេះដោយសារតែស្លុងអារម្មណ៍និយាយទូរស័ព្ទ ក៏ជ្រុលចង្កូតរថយន្តបុកបង្គោលភ្លើងតែម្តង ។ក្រោយពេលកើតហេតុសមត្ថកិច្ចបានស្ទូចយករថយន្តខាងលើទៅរក្សាទុកនៅសាលារាជធានីភ្នំពេញដើម្បីចាត់ការតាមផ្លូវច្បាប់ ៕
ចែករំលែកព័តមាននេះ