ខេត្តបន្ទាយមានជ័យ ៖ នៅរសៀលថ្ងៃទី២៥ កញ្ញា លោកណុប រក្សា តំណាងសារព័ត៌មានកោះសន្តិភាព បាននាំយកអំណោយរបស់សប្បុរសជនមួយឈុតទៀត ដែលបានផ្តល់តាមរយៈកោះសន្តិភាពទៅប្រគល់ជូនលោកតា គង់ រស់ និងលោកយាយហែម ពិ ដែលកំពុងរស់នៅក្នុងខ្ទមដ៏សែនកម្សត់មួយស្ថិតក្នុងភូមិហ្លួង ឃុំឫស្សីក្រោក ស្រុកមង្គលបុរី ។
ខេត្តបន្ទាយមានជ័យ ៖ នៅរសៀលថ្ងៃទី២៥ កញ្ញា លោកណុប រក្សា តំណាងសារព័ត៌មានកោះសន្តិភាព បាននាំយកអំណោយរបស់សប្បុរសជនមួយឈុតទៀត ដែលបានផ្តល់តាមរយៈកោះសន្តិភាពទៅប្រគល់ជូនលោកតា គង់ រស់ និងលោកយាយហែម ពិ ដែលកំពុងរស់នៅក្នុងខ្ទមដ៏សែនកម្សត់មួយស្ថិតក្នុងភូមិហ្លួង ឃុំឫស្សីក្រោក ស្រុកមង្គលបុរី ។
បច្ចុប្បន្នខ្ទមកម្សត់របស់លោកតា និងលោកយាយកំពុងរងគ្រោះដោយសារទឹកជន់លិចរហូតដល់រនាប តែត្រូវអ្នកជិតខាងមានក្តីអាណិតអាសូរជួយលើករនាបឱ្យខ្ពស់ផុតពីទឹកជូនគាត់សម្រាកបាន ។ ការនាំយកអំណោយទៅប្រគល់ជូនលោកតា និងលោកយាយនេះដែរ ក៏មានលោកឃឹម មារ៉ា នាយនគរបាលប៉ុស្តិ៍រដ្ឋបាលឫស្សីក្រោក កញ្ញា ជិម សៅឌី ក្រុមប្រឹក្សាឃុំឫស្សីក្រោក ចូលរួមផងដែរ ។
លោកណុប រក្សា បានជម្រាបជូនលោកតា និងលោកយាយថា ថវិកាដែលសប្បុរសជនផ្តល់ជូនលើកទី២តាមរយៈកាសែតកោះសន្តិភាពនេះ បានទទួលពី ១-លោកតែ សុខឡុង និងភរិយា ព្រមទាំងបុត្រ ឧបត្ថម្ភ២០ម៉ឺនរៀល ២-លោកសិទ្ធ ឈួន និងភរិយា ឧបត្ថម្ភ២០ម៉ឺនរៀល ៣-លោកសែត សុភា និងកញ្ញា ណាត់ ពេជ្រពណ្ណរាយ ព្រមទាំងបុគ្គលិកសណ្ឋាគារឡឺរ៉ូយ៉ាល់ ឧបត្ថម្ភ២០ដល្លារ ៤-លោកវ៉ាន់ តារា និងភរិយា ឧបត្ថម្ភ៥ម៉ឺនរៀល និង៥-កញ្ញា សុជាតា ឧបត្ថម្ភ១០ដុល្លារ ។
លោកតា និងលោកយាយ បានថ្លែងអំណរគុណដល់សប្បុរសជនដែលបរិច្ចាគធនធានផ្ទាល់ខ្លួនចែករំលែកដល់ពួកគាត់ទាំង២នាក់ដែលកំពុងរស់នៅជួបការលំបាក ខណៈលោកយាយមានជំងឺ ចំណែកលោកតាវិញមួយរយៈនេះមិនបានចេញដើរលក់នំប័ុងទេ ព្រោះតែសុខភាពមិនសូវស្រួល ហើយពេលនេះទឹកកំពុងជន់លិចផងដែរ។លោកតា និងលោកយាយបានប្រសិទ្ធពរជ័យជូនដល់សប្បុរសជនទាំងអស់ សូមជួបតែសេចក្តីសុខចម្រើន ឈ្នះអស់មារសត្រូវទាំងឡាយ និងមានអាយុយឺនយូរ ៕
ចែករំលែកព័តមាននេះ