រាជធានីភ្នំពេញ ៖ គ្រោះថ្នាក់ចរាចរណ៍រវាងម៉ូតូធុនធំម៉ាកRXបុកម៉ូតូធុនតូចម៉ាកមីអូចំពីមុខពេញទំហឹង បណ្តាលឱ្យម៉ូតូខូចខាតផ្នែកខាងមុខស្ទើរទាំងស្រុងដូចគ្នា ឯម្ចាស់រងរបួសស្រាលទាំងពីរនាក់ ។ ហេតុការណ៍នេះកើតឡើងកាលពីវេលាម៉ោង១០យប់ថ្ងៃទី២៥ កញ្ញា តាមផ្លូវលេខ១៧៨ មុខផ្ទះលេខ៣៧ ក្នុងសង្កាត់ជ័យជំនះខណ្ឌដូនពេញ ។
រាជធានីភ្នំពេញ ៖ គ្រោះថ្នាក់ចរាចរណ៍រវាងម៉ូតូធុនធំម៉ាកRXបុកម៉ូតូធុនតូចម៉ាកមីអូចំពីមុខពេញទំហឹង បណ្តាលឱ្យម៉ូតូខូចខាតផ្នែកខាងមុខស្ទើរទាំងស្រុងដូចគ្នា ឯម្ចាស់រងរបួសស្រាលទាំងពីរនាក់ ។ ហេតុការណ៍នេះកើតឡើងកាលពីវេលាម៉ោង១០យប់ថ្ងៃទី២៥ កញ្ញា តាមផ្លូវលេខ១៧៨ មុខផ្ទះលេខ៣៧ ក្នុងសង្កាត់ជ័យជំនះខណ្ឌដូនពេញ ។
ប្រភពព័ត៌មានឲ្យដឹងថា ម៉ូតូធុនធំដែលគេអះអាងថា ម៉ាកRX ពណ៌ក្រហម បើកបរដោយយុវជនម្នាក់ តាមផ្លូវលេខ១៧៨ ក្នុងទិសដៅពីលិចទៅកើត ចំណែកម៉ូតូមីអូ ពណ៌ខ្មៅបើកបរដោយជនជាតិបរទេសម្នាក់ ជិះពីកើតទៅលិច ខណៈមកដល់ចំណុចខាងលើម៉ូតូធុនធំជ្រុលទៅបុកម៉ូតូមីអូចំពីមុខពេញទំហឹងធ្វើឲ្យម៉ូតូទាំងពីរគ្រឿងដួលរងការខូចខាតផ្នែកខាងមុខស្ទើរទាំងស្រុងដូចគ្នា តែសំណាងល្អអ្នកបើកម៉ូតូទាំងសងខាងគ្រាន់តែរលាត់ដៃជើងតិចតួចប៉ុណ្ណោះ ។
យុវជនអ្នកបើកម៉ូតូធុនធំនោះដឹងថា ខ្លួនជាអ្នកខុសសុខចិត្តសងថ្ងៃខូចខាតទៅឲ្យខាងម៉ូតូមីអូ តែខាងម៉ូតូមីអូមានក្រុមហ៊ុនធានារ៉ាប់រង ទើបភាគីទាំងពីរ រង់ចាំក្រុមហ៊ុនមកដោះស្រាយនៅកន្លែងកើតហេតុតែម្តង ៕
ចែករំលែកព័តមាននេះ