រាជធានីភ្នំពេញ ៖ បុរសម្នាក់ស្រវឹងធ្លាក់ភ្នែកបានបើករថយន្តឡិចសុីស RX300 ពណ៌ស ចាក់គួជ្រុលទៅបុកចិញ្ចើមរង្វង់មូលរមណីយដ្ឋានវត្តភ្នំ និងបង្គោលស្លាកសញ្ញាបង្ហាញផ្លូវកាលពីវេលាមោ៉ង២រំលងអធ្រាត្រឈានចូលថ្ងៃទី២៦ កញ្ញា ហើយព្យាយាមបើករត់ទាំងបែកកង់មុខទាំងពីររហូតដល់ខាងជើងអគ្គិសនីកម្ពុជា ក៏ត្រូវនគរបាលបុ៉ស្តិ៍រដ្ឋបាលវត្តភ្នំឃាត់បាន ។
រាជធានីភ្នំពេញ ៖ បុរសម្នាក់ស្រវឹងធ្លាក់ភ្នែកបានបើករថយន្តឡិចសុីស RX300 ពណ៌ស ចាក់គួជ្រុលទៅបុកចិញ្ចើមរង្វង់មូលរមណីយដ្ឋានវត្តភ្នំ និងបង្គោលស្លាកសញ្ញាបង្ហាញផ្លូវកាលពីវេលាមោ៉ង២រំលងអធ្រាត្រឈានចូលថ្ងៃទី២៦ កញ្ញា ហើយព្យាយាមបើករត់ទាំងបែកកង់មុខទាំងពីររហូតដល់ខាងជើងអគ្គិសនីកម្ពុជា ក៏ត្រូវនគរបាលបុ៉ស្តិ៍រដ្ឋបាលវត្តភ្នំឃាត់បាន ។
សន្តិសុខយាមប្រចាំការរមណីយដ្ឋានវត្តភ្នំម្នាក់បានឲ្យដឹងថា មុនពេលកើតហេតុគាត់ឃើញរថយន្តឡិចសុី RX300 ពណ៌សមួយគ្រឿង បើកតាមបណ្តោយមហាវិថីព្រះនរោត្តមពីត្បូងទៅជើង ក្នុងល្បឿនលឿនហើយរេពេញផ្លូវ លុះមកដល់ចំណុចរង្វង់មូលរមណីយដ្ឋានវត្តភ្នំ រថយន្តនោះបួងចង្កូតចាក់គួបត់ស្តាំជ្រុលឡើងលើទៅបុកចិញ្ចើមផ្លូវរួចបុកស្លាកសញ្ញាបង្ហាញទិសបាក់មួយដើមរាបដល់ដី ខណៈនោះអ្នកបើករថយន្តមិនឈប់ចុះមើលទេបែរជាបន្ថែមល្បឿនបើករត់ទាំងរថយន្តបែកកង់ខាងមុខទាំងពីររហូតដល់ផ្លូវខាងជើងអគ្គិសនីកម្ពុជា ទើបត្រូវនគរបាលបុ៉ស្តិ៍វត្តភ្នំឃាត់បាន ។
មន្ត្រីសមត្ថកិច្ចនិយាយថា ម្ចាស់រថយន្តឡិចសុីសដែលបើកបុកស្លាកសញ្ញាបង្ហាញទិសនោះឈ្មោះហេង ហ្វីលីប អាយុ៣០ឆ្នាំ ជាអ្នកលេងភ្លេង ស្នាក់នៅផ្ទះជួល សង្កាត់ព្រែកលាប ខណ្ឌឫស្សីកែវ រាជធានីភ្នំពេញ ។ បុរសរូបនេះធុំក្លិនស្អុយស្រាហួងនិងស្រ្តីម្នាក់រួមដំណើរតែពួកគេមិនរងរបួសទេ ចំណែករថយន្តបែកកង់ខាងមុខទាំងពីរ ។ ក្រោយពេលកើតហេតុនគរបាលការិយាល័យចរាចរណ៍ផ្លូវគោកស្ទូចរថយន្តយកទៅរក្សាទុកនៅសាលារាជធានីភ្នំពេញតាមនីតិវិធី ៕
ចែករំលែកព័តមាននេះ