ខេត្តកំពង់ស្ពឺ ៖ ប៉ូលិសបានឃាត់ខ្លួនបុរសម្នាក់កាលពីវេលាម៉ោង៩និង២០នាទីព្រឹកថ្ងៃទី២២ កញ្ញា នៅតាមដងផ្លូវជាតិលេខ៤ចំណុចមុខស្រុកកំពង់សិលា ក្រោយពីបុរសរូបនេះលួចម៉ូតូមួយគ្រឿងពីឃុំត្រែងត្រយឹង ស្រុកភ្នំស្រួច បម្រុងយកទៅលក់នៅទីនោះ។
ខេត្តកំពង់ស្ពឺ ៖ ប៉ូលិសបានឃាត់ខ្លួនបុរសម្នាក់កាលពីវេលាម៉ោង៩និង២០នាទីព្រឹកថ្ងៃទី២២ កញ្ញា នៅតាមដងផ្លូវជាតិលេខ៤ចំណុចមុខស្រុកកំពង់សិលា ក្រោយពីបុរសរូបនេះលួចម៉ូតូមួយគ្រឿងពីឃុំត្រែងត្រយឹង ស្រុកភ្នំស្រួច បម្រុងយកទៅលក់នៅទីនោះ។
លោកវរសេនីយ៍ត្រីសាយ ប៊ុនថន អធិការនគរបាលស្រុកភ្នំស្រួចបានឱ្យដឹងថា ជនម្នាក់នេះឈ្មោះម៉ម ម៉ាប់ អាយុ៣៣ឆ្នាំ មានទីលំនៅក្នុងភូមិទី៥ ឃុំត្រែងត្រយឹង ស្រុកភ្នំស្រួច ។ កាលពីវេលាម៉ោង១រំលងអធ្រាត្រឈានចូលថ្ងៃទី២២ កញ្ញា ជននេះបានលួចម៉ូតូមួយគ្រឿងម៉ាកSL ធុនប្រដេញគ្មានស្លាកលេខ ជាកម្មសិទ្ធិរបស់ឈ្មោះវិន ដា ភេទប្រុស អាយុ២១ឆ្នាំ មានទីលំនៅក្នុងភូមិទី៣ ឃុំត្រែងត្រយឹងដូចគ្នា ។
លុះព្រឹកឡើងម្ចាស់ម៉ូតូបានរាយការណ៍ប្រាប់សមត្ថកិច្ចមូលដ្ឋានទើបលោកអធិការនគរបាលស្រុកភ្នំស្រួច ចាត់កម្លាំងឱ្យតាមប្រមាញ់ភ្លាមៗ ហើយក៏បានឃាត់ខ្លួនជនជាប់ចោទ ខណៈធ្វើដំណើរទៅដល់ស្រុកកំពង់សីលាទៅហើយ រួចនាំមកកាន់អធិការដ្ឋាននគរបាលស្រុកភ្នំស្រួចវិញ ។
នៅចំពោះមុខសមត្ថកិច្ច ជនឈ្មោះម៉ម ម៉ាប់ សារភាពថា ខ្លួនពិតជាបានលួចម៉ូតូនោះប្រាកដមែន ។ កាលពីល្ងាចថ្ងៃទី២១ កញ្ញា ខ្លួនបានផឹកស៊ីជាមួយម្ចាស់ម៉ូតូដែលត្រូវជាមិត្តភក្តិ លុះដឹងថា មិត្តភក្តិស្រវឹងហើយ នៅពេលរំលងអធ្រាត្រក៏លួចម៉ូតូតែម្តង ។ ក្រោយការចាប់ខ្លួន ជនជាប់ចោទត្រូវបានកសាងសំណុំរឿងរួមទាំងវត្ថុតាងបញ្ជូនទៅសាលាដំបូងខេត្តចាត់ការតាមច្បាប់ ៕
ចែករំលែកព័តមាននេះ