រាជធានីភ្នំពេញ ៖ បុរសម្នាក់ស្រវឹងធ្លាក់ភ្នែកបើករថយន្តម៉ាកឡិចស៊ីស RX300 ពណ៌ស ចាក់គួជ្រុលទៅបុកចិញ្ចើមរង្វង់មូលរមណីយដ្ឋានវត្តភ្នំ និងស្លាកសញ្ញាបង្ហាញផ្លូវ កាលពីវេលាម៉ោង២រំលងអធ្រាត្រឈានចូលថ្ងៃទី២៦ កញ្ញា ២០១២ ហើយព្យាយាមបើករត់ទាំងរថយន្តបែកកង់ម្ខាង ដល់ខាងជើងអគ្គិសនីកម្ពុជាត្រូវនគរបាលប៉ុស្តិ៍រដ្ឋបាលវត្តភ្នំស្ទាក់ឃាត់បាន ។
រាជធានីភ្នំពេញ ៖ បុរសម្នាក់ស្រវឹងធ្លាក់ភ្នែកបើករថយន្តម៉ាកឡិចស៊ីស RX300 ពណ៌ស ចាក់គួជ្រុលទៅបុកចិញ្ចើមរង្វង់មូលរមណីយដ្ឋានវត្តភ្នំ និងស្លាកសញ្ញាបង្ហាញផ្លូវ កាលពីវេលាម៉ោង២រំលងអធ្រាត្រឈានចូលថ្ងៃទី២៦ កញ្ញា ២០១២ ហើយព្យាយាមបើករត់ទាំងរថយន្តបែកកង់ម្ខាង ដល់ខាងជើងអគ្គិសនីកម្ពុជាត្រូវនគរបាលប៉ុស្តិ៍រដ្ឋបាលវត្តភ្នំស្ទាក់ឃាត់បាន ។
បុរសម្នាក់ជាសន្តិសុខយាមប្រចាំការរមណីយដ្ឋានវត្តភ្នំបានឱ្យដឹងថា មុនពេលកើតហេតុគាត់បានឃើញរថយន្តមួយគ្រឿងម៉ាកឡិចស៊ីស RX300 ពណ៌ស បើកតាមបណ្តោយមហាវិថីព្រះនរោត្តមពីត្បូងទៅជើងក្នុងល្បឿនលឿន ហើយរេពេញផ្លូវ លុះមកដល់រង្វង់មូលរមណីយដ្ឋានវត្តភ្នំ រថយន្តនោះបានចាក់គួបត់ស្តាំ ក៏ជ្រុលចង្កូតឡើងលើចិញ្ចើមផ្លូវ ហើយបុកស្លាកសញ្ញាបង្ហាញទិសអស់មួយដើមបាក់រាបដល់ដី ។ ខណៈពេលនោះអ្នកបើករថយន្តមិនបានឈប់ចុះមើលនោះទេ បែរជាដាក់លេខថយក្រោយ បើករត់ទាំងបែកកង់ខាងឆ្វេង រហូតដល់ផ្លូវខាងជើងអគ្គិសនីកម្ពុជាក៏ត្រូវនគរបាលប៉ុស្តិ៍រដ្ឋបាលវត្តភ្នំដែលជិះម៉ូតូល្បាតឃាត់បានតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ